LUKA 9:8 - PATHIAN LEKHABU IRTHIANG C.L. Bible (BSI)

⁸ Senkhatin, “Elija a zuang inlâr nôk ta kêng,” an tia; senkhatin, “Tianlaia deipu tu mo khat a zuang ithoi nôk ta kêng,” an ti sika khan, a’rngaina lam chang inhre maka.

LUKA 9:8 ပူးပေါင်းရင်းမြစ်များ

MATHAIA 16:14

Anni khan, “Senkhatin chu Baptistu Johana a ni, mi dangin Elija a ni, senkhat nôkin chu Jeremia a ni no le deipu tu khôk mani a ni, nang an ti,” tiin an sâma.

MATHAIA 17:10

Khan, irchutirhaiin Jisua kuang, “Itho mo Dân irchutirtuhaiin Elija a izuang bak hrang a ni, an iti?” tiin an irdona.

MARKA 6:15

A danghaiin chu, “Elija a ni,” an tia. Mi danghai nôkin chu, “Tiana deipuhai anga deipu inkhat a ni,” an tia.

MARKA 8:28

Khan anni’n chu, “Baptistu Johana,” nang an tia; senkhatin chu, “Deipu Elija, senkhatin tiana deipuhai laia inkhat khôk nih a ti, nang an ti ngai” tiin an sâma.

LUKA 9:19

Senkhatin, “Baptistu Johana, senkhatin Elija, senkhatin tiana deipu tu khôk mani, a izuang nôk nang an ti ngai,” tiin an sâma.

JOHANA 1:21

Khante, “Tu mo ni ini? Elija mo ni ini?” tiin an irdona. Ama’n a sâm nôka, “Ni ma ung,” a tia; “Deipu kha mo ni ini?” an tia. “Ni ma ung,” tiin a sâm nôka.