LUKA 9:7 - PATHIAN LEKHABU IRTHIANG C.L. Bible (BSI)

⁷ Khan, Galili-a rêng Heroda’n, thil omzia an hriatin a buai tâka. Senkhatin, “Johana kha mithi lai ata a ithoi nôk tâk kêng,” an tia.

LUKA 9:7 ပူးပေါင်းရင်းမြစ်များ

INPÂKNA HLAHAI 73:19

Ithoa mo mitkhapkâra an iramchit tâk mani o! Thil irkhêl takhaia inboipaiin an iom ta a ni.

ISAIA 22:5

Inlârna irhôra hin chardongna nî mi hruaia omin, Rengpa itinrêng Rengpa’n a hong intungtir ta hi te. Khua kul banghai chu an suk siata, chardong irhâiin tâng tin an tor zoi ta.

MIKA 7:4

An laia mi satak kha buar ang a nia: mi dik tak kha sûl ilhling nei nêkin a siat ual: ni ivêngtuhai nikhua a fanga ni om nia ngei kha a hong tung ta, kha kha an lunginzîngna nikhua ni a ti.

MATHAIA 11:2

Baptistu Johana’n Jisua sintho hai kha intângna in ata a lei inhriatin, a irchutir senkhat Jisua kuang a tîrhaia.

MARKA 8:28

Khan anni’n chu, “Baptistu Johana,” nang an tia; senkhatin chu, “Deipu Elija, senkhatin tiana deipuhai laia inkhat khôk nih a ti, nang an ti ngai” tiin an sâma.

LUKA 13:31

Kha laitaka khan Farisai senkhat an honga, a kuang, “Suakin lân, hitak ata rot roh, Heroda’n nang that a itum kêng,” an hong tia.

LUKA 21:25

“Khan, misa haia, tha haia, ârsi haia khin irsinsiana irkhêl tak tak hong om a ta; irnênga khom tuikhanglian irsôn le irhai an inhriatin nam tin thôna lam inhre loiin kamang an ta;

LUKA 23:7

Heroda biala mi a nih ti an hriatin chu, Heroda kuang a tîr tâka; ama khom Jerusalema a lei om lai tak a ni.

LUKA 3:1

Kaisara Tiberi-a an lal kum sômhleiringa kuma chu, Pontia Pilata chu Judai rama Ramoptu a nia, Heroda chu Galili rama rêng a nia, a sangpa Filipa kha Iturea le Trakonitis rama rêng a ni. Lusania chu Abilene rama rêng a ni.

LUKA 9:19

Senkhatin, “Baptistu Johana, senkhatin Elija, senkhatin tiana deipu tu khôk mani, a izuang nôk nang an ti ngai,” tiin an sâma.