LUKA 9:5 - PATHIAN LEKHABU IRTHIANG C.L. Bible (BSI)

⁵ Nangni an lei ingaisak loina khua chu, nin suaksan hrang tika an dikloizia inhriatirna hrangin nin kezaphaa vâiphin kha nûlpai roi,” a ti pehaia.

LUKA 9:5 ပူးပေါင်းရင်းမြစ်များ

NEHEMIA 5:13

Ki puanbom chu kin thika, “Hi chonginkung anga tho loihai chu Pathianin a in ata le a sin thôna ata hiang hin inthikpai ri se; inthikpaia omin, a korongin om ri se,” ki tia. Khan a hong irbukhai murdi’n, “Amen,” an tia, Rengpa an inpâka. Khan mipuihaiin kha chonginkung ang tak khan an tho tâka.

MATHAIA 10:18

Keima sikin hruaituhai le rênghai makunga la ngîr nin ti, anni leh Jentailhai chu Thurchi Sa nin insîr pehai theina hrangin.

MARKA 6:11

Kho khua khomin nangni lôm loia, nin thu an irngai no’n chu, marak unglân, nin kea vâiphin kha hui tha roi. Kha kha an ta hrangin irningna ni a ti,” a tia.

MARKA 9:37

“Tukhom ki’rhming sika hianga nâipangte inkhat khom lôm ka chu keima ni lôm ni an ti; tukhom keima ni lôm chu, a ni tîrpu lôm khom an ni sa,” a tia.

LUKA 10:16

Jisua’n a irchutirhai kuang, “Tukhom nin thu irngai chu, ki thu irngai a ni. Tukhom nangni hnôl chu a ni hnôl a ni, tukhom ni hnôl chu a ni tîrtu hnôl a ni,” a tia.

LUKA 5:14

Khan, Jisua’n a kuang, “Tûte inhril no roh, aniachu, Ochai kuang van entirin lân, mi tinin ni dam tâk ti an inhriat theina hrangin, Mosia dân angin irbôlna inhlan roh,” a ti pea.

LUKA 9:4

Nangni an lei lômna in taka khan om chian roi, kha khua kha nin mâk nôk mâka chu.

LUKA 9:48

An kuang, “Tukhom hi nâipangte hi ki’rhming sika lôm chu, keima ni lôm a ni; keima ni lôm chu, a ni tîrtu lôm an ni. Nin laia a chîn tak hi a roiinpui tak a ni,” a tia.

TÎRTÔNHAI SINTHO 13:51

An idemhai inlangna hrangin tîrtônhai khan an ke zapha ata vâiphin an hui thâka, Ikoniom khuaa an fe tâka.

TÎRTÔNHAI SINTHO 18:6

Khannisianlân, Judahaiin an doia, an insîrinsiatin chu Paula’n a puan an thika, “Nin thi khomin nangni mophurna a ni ta, kei chu ki’rthiang ta. Atûn chu Jentailhai tiang irhei ta ki ti,” a tia.