LUKA 8:30 - PATHIAN LEKHABU IRTHIANG C.L. Bible (BSI)

³⁰ Jisua’n, “Imo nir hming?” a tia. Ama khan, “Ki’rhming chu Nuaia,” a tia. A sûnga ramilhli lût kha a sân an tam sika, a ni.

LUKA 8:30 ပူးပေါင်းရင်းမြစ်များ

MATHAIA 26:53

Vântîrtôn sângruk le hmun sômhleihni nêka tam ni zuang tîr pe zôi hrangin ka Pa ki ingên thei loi mo nin ni isôn ma ni?

MATHAIA 4:24

Khanchu, Suria ram murdia a thurchi an thang tâka; damloi murdihai, damloina le natna tinrêng tuanghai, ramilhli ichelhai, hrisangol le zenginthihai, a kuang an hong hruaia, a lei indamhaia.

MATHAIA 8:29

Voi khat rengin khahai kha an khêka, “Pathian Nâipa, imo ni lo hrang ni iti? Zoro inkung tung mâna deng nin thei hranga ni izuang ma ni?” an tia.

MARKA 16:9

Khan, Pathianni zînga a thoinôka khan, Magdala mi Mari a phîng sûnga irthokin ramilhli sari a inhnot suakpai penu kuang a masa takin an lâra.

MARKA 5:9

“Imo ni’rhming?” tiin a’rdona. Ama khan, “Ki’rhming chu Nuaia a ni, kin tamtak tak a ni,” a tia.

LUKA 8:2

Nupang senkhat, ramilhli ichel indam le an natnahai ata damhai khom an kop sa; Magdala kho mi Mari a sûnga ramilhli sari a irzûlpai pehai,

LUKA 8:29

Jisua’n irtha porinche kha a sûng ata suak hrangin, thu a pêk sika hianga a iti a ni. Voi iza an chela, lung ina an khum ngaia, a kut a ke thîrhruiin an khita an pôisata, ramilhli khan ramchâr tiang a hruai ngai a ni.