LUKA 8:24 - PATHIAN LEKHABU IRTHIANG C.L. Bible (BSI)

²⁴ Irchutirhai kha Jisua kuang fein, an va kaithoia, “Irchutirtu, Irchutirtu; kin ithi zoi hrang tâk kêng,” an tia. Khanchu, Jisua kha a thoia, phâivopui le tui irsok kha a hala: a hong monga, a boi rup tâka.

LUKA 8:24 ပူးပေါင်းရင်းမြစ်များ

INPÂKNA HLAHAI 65:7

Tuikhanglian inri dur dur, ar sôn inri dur durhai leh, Mipui irhel sup sup khom a’rngamtir ngaitu ni ni.

ISAIA 50:2

Ki hong lai khan tûte’n ni uksak mak chêia, Nangni ki koi lai khan tûte’n ni sâm mak chêi; sansuakna hrangin ki kut a ibong mo nin isôn? Sansuak hrangin ki ihrât loi mo nin isôn? tuipui khom ki hala, a kang theia, Tuipuihai khom kin chârtir thei, tui a om no sikin nga an thia, an thu zoi ta.

JEREMIA 5:22

Keima hi Rengpa chu ki ni, itho mo nin ni ichi loi? Ki makunga hin nin inthing loi hrang mo? Tuipui idîl phâk ten indangna hrangin chiaiphoi ki siama, a ikhêl thei loi hrang ramri det chu. Tuipui irsok khomsian, khêl thei no nia, tuiirsok khomin pha thei no ni.

NAHUMA 1:4

Tuikhanglian kha a halirchua, an kang inchârtira, tuidung tinrênghai khom an kangtir zoia: Basan ram le Karmel tâng kha a châr zoia, Lebanon tâng pârhai kha a ichuai a ni.

MATHAIA 14:30

Khannisianlân, phâivua tho kha a hmu’n chu a chia, tuia ngîm hrangin a om tâka, “Rengpa, ni saninzôk ro!” tiin a khêka.

MATHAIA 8:25

A’rchutirhai kha Jisua kuang an fea, an va kaithoia, “Rengpa, nin zôk ro, kin ithi hrang kêng,” an tia.

MARKA 4:39

Khanchu a hong thoia, phâivua kha a hala, dîl kuanga khan, “Dâihrekin lân, om chian chian roh,” a tia. Phâivua kha a hong monga, a dâidup ta.

LUKA 4:35

Jisua’n, “Dâihrekin lân a sûng ata hong suak roh,” a tia. Ramilhli khan irnênga an rîltir raka, innatir loiin a sûng ata a suak tâka.

LUKA 4:39

A kôla a va ngîra, an khur kha a hala, khanchu, a hong boi zôia, a thoia an sin a tho pehai tâka.

LUKA 5:5

Khan, Simon khan, “Rengpa, zân sôt kin vôra, ite man ma ung, khannisianlân, nangma irchamin lênhai vôr nôk kin ti,” a tia.

LUKA 8:25

Irchutirtu khan an kuang, “Kho mo nin iamna?” a tia. An chia, ar khêl an ti tak taka, “Hi mi hi tu mo a ini? phâivua le tui ten khom thu a pêka, an i-zôm hi.” an irti irhlôma.