LUKA 8:22 - PATHIAN LEKHABU IRTHIANG C.L. Bible (BSI)

²² Sûn khat chu a irchutirhai leh irkuanga an chuanga, an kuang, “Dîl râl tiang son kâi ei ti,” a tia, an suak tâka.

LUKA 8:22 ပူးပေါင်းရင်းမြစ်များ

MATHAIA 14:22

Khan, Jisua’n mipuihai kha an chîntir zoro laiin a irchutirhai irkuanga an chuangtirhaia, dîl râl tiang a lei infehaia.

MATHAIA 8:18

Mipui tamtak a kôla om Jisua’n a hmu’n chu Jordan râl tiang fe hrangin a irchutirhai kha thu a pêka.

MARKA 5:21

Khan, Jisua kha irkuangin varâl a kâi nôkin chu, dîl panga mipui tamtak a kuang an hong irbûma.

MARKA 6:45

Khan, mipuihai an chîntir laiin varâl tianga Bethsaida khuaa a matona lei fe hrangin ama ngêtin a irchutirhai irkuanga an chuangtirhaia.

MARKA 8:13

Khan, anni kha mâksanin, irkuang chunga chuang nôkin varâl tiang panin a fe tâka.

LUKA 5:1

Sûn khat chu, Jisua Genesaret dîl kôla a ngîra, mipuihaiin Pathian thu irngai hrangin an hong pan mur mura;

LUKA 8:23

Khaanga an fe lai khan, Jisua kha a lei ina. Voikhat rengin dîla khan phâivopui a hong thoa, an irkuang tuiin a sip vâng vâng tâka, a sân phûkinthingin an om tâka.

LUKA 8:33

Kha pa sûng ata an suaka, vokhai sûnga an lût tâka. Rôl fora khan an intâna, dîla an intân lûta, tui inhakin an thi ta.

JOHANA 6:1

Kha zoi hnung chu Jisua kha Galili dîl, (Tiberi dîl an iti) râla a kâi tâka.

TÎRTÔNHAI SINTHO 27:2

Adramuteno khuaa irkuang, tuikhanglian kôla Asia ram khuahai hro hrang khan kin chuanga, kin fe tâka. Makedonia rama Thesalonika kho mi Aristarka khom a om sa.