LUKA 7:39 - PATHIAN LEKHABU IRTHIANG C.L. Bible (BSI)

³⁹ Farisai khan a hmu’n chu a milungin, “Hi mi hi deipu dik a ni’n te, a tôntunu, nupang sualzia hi inhria a ti,” a tia.

LUKA 7:39 ပူးပေါင်းရင်းမြစ်များ

2 RÊNGHAI 5:20

Hlataka a fe mân zel khan, Pathian mi Elisa hnungzui Gehazia’n, “Ka pu hin Naamana chu ite la loiin an fetira, kha Suria mipa’n pêk a itum kha la sianlân a isa hrang, Rengpa irhming sâmin la va’rzûl hi rong, i zât mo khôk la va sut ngêt hrang,” a tia.

THUVÂRHAI 23:7

“Tho hong ro, hong fa ro” a tiin, a lungrîl taka ti mah. A ngaitua lam ang takin kêng a nina chu a ini.

ISAIA 65:5

Ni hong pan no roi, nin themna nin ti, nangni nin them zât ni ma ung, an ti ngai. Hi mihai hi meikhû, sûn sôta ni ur ngaihai an ni.

MATHAIA 20:16

Khanchu, Jisua’n, “A hnungkhônhai chu a masa tak la ni an ta, a masa takhai chu a hnungkhôn tak la ni an ti,” a tia.

MATHAIA 21:11

Mipuihai khan, “Hi mi hi deipu Jisua, Galili rama Nazaret khuaa mi a ni,” an tia.

MARKA 7:21

Mihriam lungrîl sûng rengata kêng ngaituana sual a hong suak, kha ngaituana sual khan kêng irditna, inruna, irthatna,

LUKA 12:17

Khanchu, ar ngaituaa, ‘Itin mo ki itho hrang tâk? ki bu le bâl siana hrang nei zoi ta ma unga,’ a tia.

LUKA 15:2

Farisaihai le Dân irchutirtuhai khan, “Hi pa hin mi sualhai a’rpâlpuia, bu khom a nêkpuihai ngai,” tiin an chiara.

LUKA 16:3

Kha sum enkoltu khan a lungrîlin, ‘Ka pu’n sum enkoltu ki nina a ni inmâktir hrang ni a ti, itin mo tho ta ning? Irnêng tuk lak hrât ma unga, kut do lak kin zaka, a tia.

LUKA 18:4

Ama khan i dôr ten mani chu lei nuam maka, nakan tena chu a lungrîlin, “Pathian chi loiin mihriam uksak no khom inlân,

LUKA 3:8

Nin sual nin irlet tak tak tih nin nunchana inlangtir roi. Abrahama kha ei irchibul a ni khate, lei ti chin ni; nangni ki hril, Pathianin hi lunghai khom Abrahama irchi a inchang thei kêng.

LUKA 7:16

Mi murdi’n an chia, Pathian an inpâka, “Ei laia Deipu roiinpui tak a zuang iom tâk a ni,” an tia; Pathianin a mihai a zuang ihro tâk a ni, an ti saa.

LUKA 7:37

Kha khua khan nupang sual a oma, Jisua Farisai ina bu a nêk tih an hriatin chu alabastar bûrin sahriak mirimhoi a hong chôia.

LUKA 7:38

Jisua hnung tiang a ke bula a ngîra, a chapa, a mit irthîn a kehai a zunga, a samin a huia, a ke kha a tuma, a sahriak mirimhoi kha a pol tâka.

LUKA 7:40

Jisua’n a kuang, “Simon, nang hril hrang ki nei,” a tia. Simona’n “Ti ro ba, irchutirtu,” a tia.

JOHANA 4:19

Nupang khan, “Ka pu, deipu ni nih ti kin hriat ta.

JOHANA 7:12

Mipui khan a chungchâng an insîr sup supa. Senkhatin, “Mihriam sa a ni,” an tia, senkhatin, “Ni mah, mipui a hruai insual kêng,” an tia.

JOHANA 9:24

Khan, mitcho lei ni ngaitu kha a voi hnina an koi nôka, a kuang, “Pathian makunga thudik hril hrangin inkungna nei ro! Nang indampu kha mi sual a nih ti kin inhriat,” an tia.