LUKA 7:19 - PATHIAN LEKHABU IRTHIANG C.L. Bible (BSI)

¹⁹ Khanchu, mi inhni Rengpa kuang a tîra, “A zuang hrang Mesia kha mo ni ini, mi dang kin la itûng hrang mo?” tia irdon hrangin.

LUKA 7:19 ပူးပေါင်းရင်းမြစ်များ

IRPHUTNA 22:18

Ki hê ni lâk tâk sikin, ni’rchi lai ata rammuala chi tin vânsatna la dong an ti; mâni le mâni irtiin thu ki inkung a ni ta, Rengpa’n a ti,” a zuang tia.

IRPHUTNA 3:15

Khan, nang le nupang hi nangni irdoitir ki ta, ni’rchihai le a’rchihai khom la’rdoitir ki ti: kha khan ni lu zêmirnôitir a ta, nangin a ke ârtui lei inchuk pe ni ti,” a tia.

IRPHUTNA 49:10

Reng khianghrol chu Juda kuang ata irsam no nia; roirêltu khianghrol khom a ke kâr ata irsam no ni. Nam tinin ama thu la zôm an ti.

ISAIA 11:1

Thing phûrna bul a hong incher nôk ang hin, Jesaia irchi ata rêng thar hong suak a ti:

ISAIA 7:14

Rengpa ngêtin irsinsiana nang irhmutir a ti: Irngai ro, dôngmate’n nâi vong a ta, nâipasal nei a ta, a’rhming hrangin ‘Immanuel’ phua a ti.

MIKA 5:2

Khannisian nang Bethlehem Efrata, Juda rama sâng tamtakhai laia kopa a sân chîn khomin lân, nangma ata hi Israelhai roirêltu hrang kha ki ta hrangin zuang suak a ta; a zuang suakna kha tianlai ata le kumtuang ata a ni.

HAGAIA 2:7

Nam tinrênghai kha inhnîngtir ki ta, nam tinrêng thil inuamhai kha hong tung a ta, hi in hi roiinpuina’n insiptir ki ta, sipaihai Rengpa khan a ti.

ZAKARIA 9:9

O Zion nâinu, a sân nin raiinfân roi; O Jerusalem nâinu, raifânin khêk roi. En ta ni rêng chu ni kuang a zuang e! Ama chu mi dik a nia, saninzôkna neiin irngaiintôm takin sakuartung chunga, Sakuartungte chung ngeia zuang chuangin.

MALAKIA 4:2

Khannisian, nangni ki’rhming chituhai chunga rêk chu felna misa hong suak a ta, a thal chu damna ni a ta, sehrâtte insua angin râifân takin irchôm nin ti.

MARKA 6:7

Khan, mi irchu thiaiin khuahai a’rfang vêla. Sômhleihnihai kha a koia, inhni hnia irkopin a tîr suakhaia, ramilhlihai chunga irchamneina a pêkhaia,

LUKA 10:1

Kha zoiin chu, Rengpa’n mi dang sômsari inhni an thanga, a bo bopin an fena hrang kho tina le hmun tina a tîr suakhaia.

LUKA 11:1

Voikhat chu hmun inkhata a chongchaia. A hong mongin chu a irchutirhai laia inkhatin a kuang, “Rengpa, Johana’n a irchutirhai chongchai dân a irchutir angin keini khom nir chutir roh,” an tia.

LUKA 11:39

Khan, Rengpa’n a kuang, “Nangni Farisaihai, khilât le khêng a pên tiang nin infâia, khan, nin sûng tiang chu huatirhamna le sualna’n a sip a ni.

LUKA 12:42

Rengpa’n, “An pu’n a siahlohai hruaitua le an bu sem tika sem ngaitu hrangin sum enkoltu iamom tak le vâr tak a inkung hrang kha tu mo a ini hrang?

LUKA 13:15

Rengpa khan a kuang, “Nangni vârirlethaio, Sabat ni khoma mâni sehrât chal mani, sakuartung mani sûta, a thungna hmun ata tui in hranga hruai suak loia om mo nin om?

LUKA 17:5

Tirtônhaiiin Rengpa kuang khan, “Kin iamna nin det pe roh,” an tia,

LUKA 17:6

Rengpa khan, “Ancham ru malkhat dôr iamna nei unglân chu, hi thingtheimu kung kuanga hin ‘Irphôiin lân, tuikhangliana irson roh,’ ti nin ta, nin thu zôm a ti,” tiin a sâma.

LUKA 18:6

Rengpa khan an sîr maia, “Roirêltu felloi thu’nsîr chu inhre roi.

LUKA 19:8

Zakai kha a ngîra, Rengpa kuang khan, “Irngai ta, Rengpa, ki sum chimrip mi’nrianghai pe ki ta; tu chunga khom dikloi taka ki lei ilâkpai pe a omin chu a bâk minli’n tuam nôk ki ti,” a tia.

LUKA 22:61

Rengpa chu a hong irheia, Petera kha a ena. Petera khan, ‘A vuan zân âr a khuang mân nangin voi thum ni phil ni ti,’ Rengpa’n a kuanga a lei iti kha an hriat suaka.

LUKA 24:34

“Rengpa chu a hong thoi nôk ngêt a ni, Simona kuang khom a inlâr kêng,” an lei tia.

LUKA 7:13

Khan, Rengpa’n a hmu’n chu, kha nu kha lung an kham tak taka, “Chap ta no roh,” a tia.

LUKA 7:20

Khan, Jisua kuang an honga, “Baptistu Johana’n a zuang hranga kha ni ini mo, mi dang mo kin la itûng hrang? a ti,” tiin an irdona.

JOHANA 11:2

(Hi Mari hi Rengpa sahriak mirimhoi poltu, a ke sahriak innôta, a sam leh a ke hui penu kha a ni, a dam no Lazara hi a nuchapa a ni.)

JOHANA 4:1

Johana nêkin Jisua’n irchutir tam ual a siam le a baptis-hai nôk tih Farisaihaiin an inhriat tih Jisua’n an hriatin chu,

JOHANA 4:25

Nupangnu’n, “Mesia, Krista an iti kha, zuang hrang a nih ti kin hriat. A zuang tika chu itinrêng ni la hril a ti,” a tia.

JOHANA 6:23

Rengpa’n lômthu an sîr zoia bai an fâkna kôla Tiberi khua ata irkuang dang honghai kha an hong tung tâka.

JOSUA 2:1

Nuna nâipa Josua’n Sitim ram ata va envêl hrangin mi inhni a tîra, “Ram chu inrûkin va envêl u ta, Jeriko khua kha chu va en infel ual roi duah,” a tia. Khua an va tungin chu riak tumin notizuar Rahabi in an pana.

THUPHUANG 11:3

Ki inhriatpuihai inhni bora puan silin tîr ki ta, sûn sângkhat irzahni sômruk sûnga khan Pathian thu insîr an ti,” a tia.