LUKA 6:38 - PATHIAN LEKHABU IRTHIANG C.L. Bible (BSI)

³⁸ Pe unglân, khanchu, Pathianin nangni pe a ti. Tikhoi pêkin namirdên ngitin, nok inhnîngin, lêt rakin nin dong thei dôr nin kuta nangni pe a ti. Mi nin irte pêna ngai dêna khan Pathianin nangni irte pe a ti,” a tia.

LUKA 6:38 ပူးပေါင်းရင်းမြစ်များ

2 SAMUELA 19:36

Khaang dôra satna roiinpui dong hrangin irchukna nei ma ung. Khasikin Jordan râl kâi zoi hnungin zoro sôtloite nangma kuang om ki ta,

ESTHERI 7:10

Khanchu, rêngin, ‘Khataka khan inkhâi that roi,’ a tia. Mordekaia inkhâi thatna hranga a isiama khan, Hamana chu an inkhâi that tâka, rêng ningmur chu a hong boi tâka.

ESTHERI 9:25

Khannisianlân, Estheri chu rêng kuang a fea, rêngin thupêk an sua tâka. Kha thupêk sikin Judahai tuang hranga a isiam chu Hamana le a nâipasalhaiin an tuang tâka, thinga an inkhâi thathai tâk a ni.

JOBA 42:11

A urênghai le a farnuhai, le matona a hmêlhriat murdihai chu a kuang an honga a ina bu an nêkpuia. Rengpa’n a chunga thil saloi an tungtir sikin an milung hoiloina thu an hrila, irtharngam an saka. Mihaiin tangkarua le rângachak kutsabi an pêk chita.

INPÂKNA HLAHAI 79:12

O Rengpa, nang an ihrilinsiatna kha, Kin kôl vêla mihai an dârsuama a bâk sari’n thuan nôk roh.

FESUAKNA 21:24

mit irthûlin mit, ha irthûlin ha, kut irthûlin kut, ke irthûlin ke,

THUVÂRHAI 10:22

Rengpa satvurna khan ar chongtir ngai. Sin hrâtna ringotin irchongtir thei ual no ni.

THUVÂRHAI 19:17

Inrianghai san chu Rengpa a intângtir ang kha a nia, a sintho sa chu Rengpa’n thuan a ti.

THUVÂRHAI 22:9

Mi tikhoi chu satvurin a om ngai, a fâk hrang inrianghai a sem ngai sikin.

JEREMIA 32:18

Sâng tamtakhaia det lungkhamna nin neitirhaia, khan an pahai sualna sikin, mihai dûk ni tho sa ngai. Nang chu roiinpui le sin thothei tak Pathian ni nia; nang chu Rengpa Itinrêng thothei ni ni.

MATHAIA 10:42

Tukhom ki irchutirhai laia a chîn tak khom ki irchutir a nina sika tui dâi khilât khat khom lei pêk chu nangni ki hril, lômman hmu ngêt a ti,” a tia.

MATHAIA 7:2

Nin isêl lam ang takin Pathianin nangni sêl a ta, mi chunga dân nin ihmang tak kha nin chunga khom hmang an ti.

MARKA 4:24

Khan an kuang, “Nin thu irngai kha irdîn dêkin irngai roi, mi nin irkhîna ngêt khan, nangni irkhîna’n hmang an ti, nangni bôk ual viat an ti.

LUKA 6:30

Nang a zongtu murdi chu pe’n lân, ni sum nang lâk petu chu zong nôk ta no roh.

DÂN INHNINA 15:10

Irphal takin pe unglân, inpâm lungrîl pumin pe no roi; khaanga nin tho’n chu Rengpa nin Pathianin nin kut inzar satvur a ta, nin itho tinrêng tuanintung nin ti.

JAKOBA toc2 JAKOBA 2:13

Mi chunga za’rngaina nei loia thilthotu chu za’rngaina boiin a chunga roirêl pe ni a ti; khannisian, za’rngaina hin chu roirêlna an hnê ngai.

ROIRÊLTUHAI 1:7

Adoni-bezeka’n, “Rêng sômsari kutpui le kepui ki lei tan inbongpai pea omhai khan ki bu nêkna maichâm hnuaia bu’rmal an hrût ngaia, khaanga ki itho ang chie khan Pathianin ki chunga a hong tho tâk a ni hi te,” a tia. Khanchu, Jerusalema an hruaia, kha khan a thi tâka.