LUKA 6:25 - PATHIAN LEKHABU IRTHIANG C.L. Bible (BSI)

²⁵ Nangni atûna khophaio, nin chung a rik e, nin phîng a la châm hrang sikin! Nangni atûna innuihaio, nin chung a rik e, beidongin nin la ichap hrang sikin!

LUKA 6:25 ပူးပေါင်းရင်းမြစ်များ

INPÂKNA HLAHAI 49:19

A’rchibulhai murdi kuang thinaa khan zom a ta, Itiklai khom vâr hmu ngai loi rênghai kuang khan.

THUVÂRHAI 14:13

Innuinaa khom ngaisiatna a om thei. Raifânna a hek tena chu beidongna a om mai ngai.

THUVÂRHAI 30:9

khano’nchu ki nei hraiin nang ki phil itinin. A ninole kin riang hrai khomin mi ta kin rûkin ki Pathian mualphoi ki sak itinin.

THUHRILTU 2:2

Innuina khom hi intona a nih ti ki hmusuaka, lômna khom hi ite a satna om mah.

THUHRILTU 7:3

Innui nêkin chardong khom chu a sa ual, chardong hmêl hin milung a siam insa ngai sikin.

THUHRILTU 7:6

Invêt innui chu, ilhling meia ei hâla a’rhâi phet phet ti ang hi a ni; ite omzia nei ma.

ISAIA 28:7

Deipu le ochaihai khomin, uain inruiin an khêka, uain le rakzu an in intama, an inrui buaia, an hong irtet an va irtet zoi ta. Deipuhaiin inlârna an ihmu ite donsui thei loi rakin an inruia, ochaihai khom ite rêl thei loiin an inruia.

ISAIA 65:13

Rengpa Pathianin hiang hin a ti: “Ki siahlohaiin fâk hrang nei an ta, nangni chu nin phîngchâm a ti. Ki siahlohaiin in hrang nei intam an ta, nangni’n nin tuiinhrâl a ti.

ISAIA 8:21

Chardong le phîngchâmin ram chu irfang an ta, an phîngchâm ningmurin irvân enin an rêng le an Pathian chu khuasâl an ta.

ISAIA 9:20

an chang tianga mihai huangin fâk an zonga, an phîng a la châm pehai mai ngai. An vei tianga mi khom an fâka, khop inhre ual mahai, an nâihai khom an fâka.

AMOSA 8:10

Nin kût nikhuahai kha chardongnaa le nin hlahai murdi kha chapnaa inchangtir ki ti; nin kong murdi kha bora puan diar inkaitir ki ta, lu sîp tina khan inkolna hong intungtir ki ta; mi’n a nâipa neisun a isûn angin om nin ti. Kha nikhua kha chu a mong dênin dengtheina, intakna nikhua ni a ti.

NAHUMA 1:10

Ilhling râng anga omin, An uain in khan inchie indui ual angin om khom sian, ilhlingbuk angin le fapôl châr anga irhmangtir zit la ni an ti.

LUKA 12:20

Khan, Pathianin a kuang, ‘Mi’nvêt, a vuan zân zel hin ni hringna a iboi hrang tâk kêng, hi thil ni isuahai hi tu ta hrang mo a ini tâk?’ a ti pea.

LUKA 13:28

Hnôlin nin om tikin chu chapin, irkamnôi nin ta; Abrahama hai, Isaka hai, Jakoba hai le deipu murdihai kha, Pathian Rama omin hmu nin ti.

LUKA 6:24

“Nangni irchonghaio, nin chung a rik e, inhoina murdi nin hmang zoi tâk sikin!

LUKA 6:26

“Mi tinin nangni an inpâk tika chu lungkham nin la iom hrang kêng; khaang dênin an irchibulhaiin deipu dolhai an inpâk ngai.

LUKA 8:53

A thi ngêt a nih ti an inhriat sikin an innuisana.

EFESI 5:4

Bâi nghalhai, chonghoi loi le tufiam porinche insîr hai, nin ta hrangin sa mah, lômthu insîr uar ual roi.

1 THESALONIKA 5:3

“Ningbeina le zôkna,” zoroa an ti lai takin nupang nâiha ise angin voikhat rengin an chunga irhmangna zuang tung a ta, lôi thei no nihai.

JAKOBA toc2 JAKOBA 4:9

Lunginzîng unglân, beiindong unglân, chap roi; nin innuina kha beidonga chang sianlân, nin raifânna kha ngûina chang ri se.

THUPHUANG 3:17

Ki’rchong, sum ki nei, ite irsam ma ung ni tia, nang mi’rngaiinsia, inrenom, inriang, mitcho le korongboi ni nih ti ni inhriat loi a ni.

1 SAMUELA 2:5

A lei khopa omhai kha fâk hrang zongin an irhlo tâka, phîngchâma lei omhai kha an hong khop ta. A ni, nupang chingnu khan nâi sari a nei tâka. Nâi tamtak neinu kha kut korongin a om ta.