LUKA 6:20 - PATHIAN LEKHABU IRTHIANG C.L. Bible (BSI)

²⁰ Jisua’n a thîr vêla, a irchutirhai kha a ena, thu an sîra, “Nangni inrianghaio, nin vân a sa e, Pathian Ram nin ta a ni sikin!

LUKA 6:20 ပူးပေါင်းရင်းမြစ်များ

JAKOBA toc2 JAKOBA 2:5

Ki urêng inditom takhaio, irngai u ta, rammual irngaia mi inrianghai hi iamnaa irchong hrang le ama lungthungtuhai kuang a ram inkung chang hrangin Pathianin a inthang loi ma ni?

2 KORINTH 8:9

Ei Rengpa Jisua Krista lungkhamna nei intamzia chu nin inhriat; inriangna sikin nin hong irchong theina hrangin irchong ok khomsian, nangni sikin a lei inriang tâk a ni.

LUKA 12:32

Pôl tômtehaio, chi no roi, Ram nangni pêk hi nin pa nuamlam tak a ni.

MATHAIA 25:34

“Kha tika chu inlaltak rêng khan a chang tianga mihai kuang, ‘Hong roi, ka pa satvurhaio, hong unglân, rammual siam irphut ata nin ta hranga ram sinsiam kha chang roi.

THUPHUANG 2:9

Ni dengtheizia le nin riangzia kin hriat, khannisianlân, nir chong, Juda tak ni loia, Setana pâla mi Juda irtihai nang insîrinsiatzia kha kin hriat!

2 KORINTH 6:10

Lungdûk irsak ni khom unglân, ki lôm mai; inriang kin ang, khannisian, mi tamtak kin irchong; ite neiloi kin ang, khan khoma thil tinrêng kin nei zit.

ZEFANIA 3:12

Ni sûng ata mi inrianghai le denginthei tuanghai kha hôi ki ta, Rengpa irhming kha iam an ti.

ISAIA 29:19

Inrianghai Rengpaa khan lôm an ta, invâihai khom Israel mi irthianghai kôla lâm an ti.

JAKOBA toc2 JAKOBA 1:12

Fiana tonga, ngîr indet khak mi chu a vân a sa, fiaa a om hnungin Rengpa’n ama lungthungtuhai pêk a inkung, chôiindômna lukhum, hringna kha, a ichang hrang a ni.

2 THESALONIKA toc2 2 THESALONIKA 1:5

Pathian Ram sika tuang nin nia, khataka lût inruk nin ni theina hrangin. Pathian roirêl dikzia inlangna nin ni.

1 THESALONIKA 1:6

Kin om lam le Rengpa om lam lâktuhai nin hong ni tâka, intakna tamtak tuang pumin Irtha Irthiang thu kha lâkin nin pom ta.

2 KORINTH 8:2

Buaina an tonga khan fia tak takin an oma, khannisianlân, an raifânna a lian tak tak sikin inriang tak ni khomhai sian, tikhoina tak neiin pêkna an inei a ni.

TÎRTÔNHAI SINTHO 14:22

“Intakna tamtak tuangin Pathian Rama ei ilût hrang a ni,” tiin iamtuhai lungrîl an indettira, iamna kha chel khak hrangin an inthorhaia.

LUKA 14:15

A khalâi otpui inkhat khan kha kha an hriatin a kuang, “Pathian Rama hruaithe hrang chu an vânnei bâka!” a tia.

LUKA 13:28

Hnôlin nin om tikin chu chapin, irkamnôi nin ta; Abrahama hai, Isaka hai, Jakoba hai le deipu murdihai kha, Pathian Rama omin hmu nin ti.

LUKA 4:18

“Inrianghai kuang Thurchi Sa insîr hrangin a nin thang sikin, Rengpa Irtha ki chunga a oma, mi intânghai kuang zôkna thu inpuang hrangin a ni itîr a ni. Mitchohai, mit vâr nôkna hrang le mi ihnuaisiahai zôkna hrangin.

MATHAIA 11:5

Mitchohai an hmu thei ta, ke’nbâi hai an fe thei ta, phârhai an irthiang ta, kuarsêthai khom an inhriat thei ta, mithihai kaithoiin an om ta, inrianghai laia Thurchi Sa insîr a ni ta.

ZAKARIA 11:11

Khasikin thuthung chu kha nî khan sûtin a om tâka, belra irchôktuhai le zuartuhai khan kei chu an ni en maia, khan Rengpa chu ki sinthohai ata kha a zuang chong a nih ti an inhriat tâka.

ISAIA 66:2

Thil tinrêng hi keima kut ngêia ki isiam an nia, khanchu an hong oma, Rengpa thusuakin a ti. Ki ihmu nuamhai hi tuhai moh an ini? Lungrîla irngaiintôm le irsîra ki hê lâkhai hi kêng an ini.

THUVÂRHAI 19:1

Mi, milak vai thoa lan to nôk nêkin chu, mi’nriang lungrîl satak irputa om a sa ual.

THUVÂRHAI 16:19

Mi lârirpâkhai le râllâk thil irsem nêkin chu irngaiintôm taka inriang ni hi a sa ual.

1 SAMUELA 2:8

Vâiphin ata inriang kha a kaithoi thei ngai. Inriangtengtêr kha vâiphin ata an domirsângtir theia, Mi lianhai kuang an omtir thei. Roiinpuina rêngtoihmun an lua theina hrangin. Irnêng irnghatnahai hi Rengpa ta a nia, a chunga khan rammual hi a irnghat tâk a ni.

LUKA 16:25

“Abrahama’n chu, ‘Ki nâipa, nangin ni dam laiin thil sa inzen ni donga, khaang dênin Lazara’n thil saloi inzen a idong kha inhre mai ro ba; atûn chu ama chu irtharngam takin hi hin a om ta, nang chu natna tuangin ni iom tâk a ni.

INPÂKNA HLAHAI 37:16

Mi fel thil tômte nei chu mi sia tamtak thil nei zel zulhai nêkin chu a sa ual a ni.

MATHAIA 5:1

Jisua’n mipuihai kha a hmu’n chu tânga a kâia, a toia, a irchutirhai an hong irbukkhôma;