LUKA 5:34 - PATHIAN LEKHABU IRTHIANG C.L. Bible (BSI)

³⁴ Jisua’n an kuang, “Irneinaa an rualhai kha moineipu an kuang a om kâr ka chu bu nin inngheitir theihai hrang ma ni? Ni thei no ni!

LUKA 5:34 ပူးပေါင်းရင်းမြစ်များ

HLAHAI HLA 5:8

O Jerusalem nâinuhai, nangni ki ngên, chonginkungna nei roi, ki lungdi kha nin hmu’n chu lungkhamnain a na a ni, ti hi ama kha ni hril pe roi.

HLAHAI HLA 6:1

O nupanghai laia hmêl satak, kho tiang mo ni lungdi kha a fe ta? Nang kin zongpui theina hrangin, Kho lampuia hin mo ni lungdi a ife nin hril ro.

ISAIA 54:5

Nang a siamtu chu ni pasal ni a ta, A’rhming chu itinrêng Rengpa a ni. Israelhai irtantu, mi irthiang, irnêng pumpui Pathian iti a ni.

ISAIA 62:5

Dôngmate irthiang ruathar inlâr takin a ilua ang hin, a siamtu khan nang pom a ti. Moineitu’n a moi a ilôm ang hin, ni Pathianin nang lôm a ti.

ZEFANIA 3:17

RENGPA ni Pathian kha ni chunga a om e, Saninhringtu hrang mi hrât tak kha: Lômin ni chunga raiinfân a ta, a lungthungna inthartir a ta, hla sakin ni chunga lôm a ti.

MATHAIA 22:2

“Irvân Ram chu rêng inkhat a nâipa ta hranga irneina hruaithe leh khan irkhek thei a ni.

MATHAIA 9:15

Jisua’n an kuang, “Irneinaa khual mihai kha moineitu an kuanga a om sûngin chardong hrangin nin itûng ma ni? Ni thei no ni! khannisianlân, an kuang ata moineitu an tuangpai pe zoro la tung a ta, kha tika chu bu la nghei an ti.

LUKA 5:33

Mi senkhatin Jisua kuang, “Johana irchutirhaiin bu ngheiin an chongchai ngaia, Farisai irchutirhai khomin khaang dênin an tho ngaia, khannisianlân, ni irchutirhaiin chu nghei ngai mahaia?” an tia.

LUKA 5:35

Khannisianlân, an kuang ata moineitu an hruaipai nikhua la tung a ta, kha tika chu la nghei an ti,” a tia.

JOHANA 3:29

Moi pasal chu moineitu kha a ni, moi neitu rual, a thu hong uksak maitu khan moineitu irhai an hriatin a lôm ngai, khaang khan kei khom ki lôm ar kip tâk a ni.

2 KORINTH 11:2

Pathian hnarsâna angin kêng nang ki hnarsa; dôngmate irthiang ang nin nia, pasal ruathar inkhat, Krista ngei kha, nangni innei hranga ki lei inkung pehai nin ni.