LUKA 5:32 - PATHIAN LEKHABU IRTHIANG C.L. Bible (BSI)

³² Mi felhai irlam hranga zuang ni ma unga, mi sualhai an irlet theina hranga zuang kêng ki ini,” a tia.

LUKA 5:32 ပူးပေါင်းရင်းမြစ်များ

ISAIA 57:15

Hmun irsânga om, kumtuanga hring, mi irthiangin hiang hin a ti: Hmun irthiang irsângtaka om khom inlân, mi thuhnuairôl le irsîrhai kuang chu, chôiirsâng le nin har nôk hrangin ki om mai ngai.

MATHAIA 18:10

“Hi mi chîntehai laia inkhat lua hi hmusit loi hrangin irdîn roi, irvâna vântîrtônhaiin ka Pa irvâna mi, hmêl an hmu mai ngai ti nangni ki hril a ni.

MATHAIA 9:13

Pathian Thubu’n, ‘Irbôlna zong ma ung, lungkhamna kêng ki inuam’ a iti hi fe unglân, a omzia va irchu roi, mi felhai irlam hranga zuang ni ma unga, mi sualhai irlam hranga zuang kêng ki ini,” tiin a sâma.

MARKA 15:10

Ochai inlalhai khan an hnarsa sika Jisua kha a kuang an hong hruai a nih ti an hriat infela.

MARKA 15:7

Kha zoroa khan mi inkhat ar hming Barabba kha, mi pualoihai leh mi an that sika intângna ina om a ni.

MARKA 2:17

Jisua’n kha kha an hriatin an kuang, “Mi hrisêlhaiin daktor innang ngai mahaia, mi irveisiahai kêngin an innang ngai a ni. Mi felhai donsui hranga zuang ni ma unga, mi sualhai donsui hranga zuang kêng ki ini,” a tia.

LUKA 15:10

Nangni ki hril, khaang dênin Pathian vântirtônhai laia khan mi sual inkhat irlet chunga lômna a lûminna ual ngai,” a tia.

LUKA 15:7

Nangni kin hril, khaang dênin mi fel sômkuak kuak irlet nuam loihai nêkin chu, mi sual inkhat irlet chunga hin irvâna mi an lôm ual ngai.

LUKA 19:10

Mi irhmanghai zonga saninhring hrangin Mihriam Nâipa hi a izuang a ni,” a tia.

LUKA 24:47

Ama irhmingin irletna le sual ngaidamna thu Jerusalem ata nam tin laia insîr la ni a ti.

LUKA 5:31

Jisua’n an kuang, “Mi hrisêlhaiin daktor innang ngai mahaia, mi irveisiahai kêngin an innang ngai.

LUKA 5:33

Mi senkhatin Jisua kuang, “Johana irchutirhaiin bu ngheiin an chongchai ngaia, Farisai irchutirhai khomin khaang dênin an tho ngaia, khannisianlân, ni irchutirhaiin chu nghei ngai mahaia?” an tia.

TÎRTÔNHAI SINTHO 17:30

Pathianin ama ei inhriat no laia khan chu inhre loi om a tho ngaia; khannisianlân, atûn chu ram tina mi murdi irlet hrangin chong a ipêk tâk a ni.

TÎRTÔNHAI SINTHO 2:38

Petera’n, “Irlet unglân nin sualhai ngaidam a nina hrangin Jisua Krista irhmingin baptisma chang chit roi; khanchu, hi thilpêk, Irtha Irthiang hi, dong nin ti.

TÎRTÔNHAI SINTHO 20:21

Judahai le Grikhai kuang khom Pathian tiang an sualna irlet hrang le ei Rengpa Jisua iam hrangin ngûk takin thu ki hril ngai.

TÎRTÔNHAI SINTHO 3:19

Khasikin nin sualhai irlet unglân, Pathian tiang hong kîr nôk roi.

TÎRTÔNHAI SINTHO 3:26

Pathianin a nâi kha an thanga, nin sualhai irheisantir zit hrang le sat nangni vur hrangin nin kuang a zuang itîr masa a ni hi,” a tia.

TÎRTÔNHAI SINTHO 5:31

Israelhai sual irlettira ngaidam an ni theina hrangin. Ama ngei kha Pathianin rêng le saninhringtu ni hrangin a chang tiang a chôiindôm ta.

2 PETERA toc2 2 PETERA 3:9

Senkhat iam lam angin Rengpa hi a thu’nkung hlenna lama ir-ial ma; nin ta hrangin a ituang thei kêng; tûte irhmang nuam maka, mi murdi’n an sual an irleta, a kuang an ikîr a nuam ual a ni.