LUKA 5:22 - PATHIAN LEKHABU IRTHIANG C.L. Bible (BSI)

²² Jisua’n an ngaituana an hriata, “Itho mo khaanga thil nin ingaitua?

LUKA 5:22 ပူးပေါင်းရင်းမြစ်များ

1 THURCHI SUINA 28:9

Solomona kuang khan, “Nang ki nâipa Solomona, ni pa Pathian hi pomin lân, irzuk tak le dik takin a sin tho’n lân, kin ingaitua le kin itumhai hi an hriat ving a ni. Ama hi ni zong photin chu hmu ngêt ni ti, nir ngaitua no’n chu nang pai zôi a ti.

INPÂKNA HLAHAI 139:2

Nangma’n ki toi le ki ngîr nin hriat ngaia; Ki ngaituana hi hlatak ata khom nin hriat thiam ngai.

THUVÂRHAI 15:26

Rengpa’n ngaituana sualhai chu a hnôla, mi irthiang chonghai chu a lôm ngai.

ISAIA 66:18

An sinthohai le an irngaituanahai kin hriat; nam tinrêng le chong chi tinrêng hmanghai chu hruai khômhai ki ta, hong an ta, ki roiinpuina hmu an ti.

EZEKIELA 38:10

Rengpa Pathianin Gog chungthu chu hiang hin a hrila, “Kha zoro kha a tung tena chu thil saloi ngaitua chu phut ta ni ti.

MATHAIA 12:15

A that hrang lam an zong ti Jisua’n an hriatin chu kha hmun ata kha a rota, mipuihaiin a hnung an zuia. Damloihai murdi an dama,

MATHAIA 12:25

Jisua’n an ingaituahai kha an hriata, an kuang, “Kho rama khom mâni le mâni irdoi chu an chiam ngai; kho khuaa khom, sûngkua khom, mâni le mâni irdoi ka chu inding suak no nihai.

MATHAIA 9:4

Jisua’n an lungrîla an ingaituahai kha a lei inhriata, an kuang, “Ithoa mo khaanga thil saloi nin lungrîla nin ingaitua?

MARKA 8:17

Jisua’n an chong kha a len hriatin chu an kuang, “Itho sikin mo bai nin inei loi thu ngot nin ibuaipui? Atûn ten nin la inhriat thei loi ma ni? A’rngailam khom nin la inhriat loi ma ni? Nin milung a ingar hrai ma ni?

LUKA 24:38

Ama khan, “Ithoa mo khaang dôra nin ichi? Itina mo nin irngaitua inbuai tâk?

LUKA 5:21

Khan, Dân irchutirtuhai le Farisaihai khan, “Hiang taka Pathian hrilsiat hi tu mo a ini! Pathian vai kêng sual ngaidam thei,” tiin an insîr irhlôma.

LUKA 5:23

‘Ni sualhai ngaidam a ni ta’ ti le thoiin lân ke’n fe ta roh, ti hi kho hi mo a ol ual?

TÎRTÔNHAI SINTHO 5:3

Khannisianlân Petera’n, “Anani, Irtha Irthiang huangin ram man a chimrip thup hrangin ithoa mo Setana’n ni milunga ircham ni inneitir?

HEBRAI toc2 HEBRAI 4:12

Pathian thu chu a hringa, sin a tho theia, i ang dôra khandai hriam ngaih tak nêk khomin a ngaih uala, hringna le irtha irbunnahai, ru’rbun le irtin hai dênin a sunkhoi chit theia, lungrîla ngaituana le tumnahai hi an hriat thei zôi zel ngai a ni.

THUPHUANG 2:23

A zui ngaihai khom kha that pe ki ta, khanchu keima hi lungrîl le ngaituana inhre ngaitu ki nih ti koiindanghai murdi’n inhria an ti. Nin rêngin nin sintho ang sengin nangni pe ki ti.