LUKA 5:17 - PATHIAN LEKHABU IRTHIANG C.L. Bible (BSI)

¹⁷ Sûn khat chu Jisua’n mi ar chutira, a kôla Farisaihai le Dân irchutirtuhai an toia, Galili le Judai ram kho tin ata le Jerusalem ata hong an nia. Mi indam theina hrangin Rengpa Irtha Jisua chunga a oma.

LUKA 5:17 ပူးပေါင်းရင်းမြစ်များ

MATHAIA 11:5

Mitchohai an hmu thei ta, ke’nbâi hai an fe thei ta, phârhai an irthiang ta, kuarsêthai khom an inhriat thei ta, mithihai kaithoiin an om ta, inrianghai laia Thurchi Sa insîr a ni ta.

MATHAIA 15:1

Khanchu, Jerusalem ata Farisaihai le Dân irchutirtuhai kha Jisua kuang an honga.

MARKA 1:45

Khannisian a fe suaka, kha thu kha an sîr tâka, a puang indarh ual uala, khanchu, an insîr inlum hrai sikin, Jisua chu thangphuangin khua khom lût ta maka, hmun fianriala a om ta, hmun tin ata mi’n an hong pan ngaia.

MARKA 16:18

Mirûlhai an kutin chel an ta, thina tûr i ang khom in an ta, ite ti no ni; damloihai chunga an kut irnghat an ta, dam thiai an ti,” a tia.

MARKA 3:22

Dân irchutirtuhai Jerusalem rengata zuanghai khan, “Belzebula ikop a ni hi te. Ramilhli rêng sikin kêng ramilhlihai a inhnot suak ngai,” an tia.

MARKA 5:30

Jisua khom khan ama ata sinthotheina a suak tih ar hriat zôia, mipui tiang ar hei vêla, “Tu mo ki puan tôn kha?” a tia.

MARKA 7:1

Khan, Jerusalem rengata hong Farisaihai le Dan irchutirtuhai Jisua kuang an hong irbuka.

LUKA 15:2

Farisaihai le Dân irchutirtuhai khan, “Hi pa hin mi sualhai a’rpâlpuia, bu khom a nêkpuihai ngai,” tiin an chiara.

LUKA 2:46

A sûn thum ni’n chu Tempila, irchutirtuhai kuang lei toiin an hong hmu tâka; an thu a lei irngai le lei irdonhaiin an va hmu tâka.

LUKA 5:21

Khan, Dân irchutirtuhai le Farisaihai khan, “Hiang taka Pathian hrilsiat hi tu mo a ini! Pathian vai kêng sual ngaidam thei,” tiin an insîr irhlôma.

LUKA 5:30

Khan, Farisai senkhathai le Dân irchutirtu senkhathaiin Jisua irchutirhai kha an sêla, “Itho mo khâzana irfuangtuhai, mi sualhai leh nin fâkin nin iin suam,” an tia.

LUKA 6:19

A kuang ata sinthotheina a suak sikin mipui murdi’n ama tôn hrang an tuma, an rêngin an dam pak tâka.

LUKA 7:30

Farisai le Dân irchutirtuhai chu baptisma kha chang nuam mahai, anni ta hranga Pathian irfûktir kha nuam mahai.

LUKA 8:46

Khannisianlân Jisua’n, “Tukhôkin mani a ni tôn, keima ata sinthotheina a suak ti kin hriat,” a tia.

JOHANA 3:10

Jisua’n a kuang, “Israelhai irchutirtu ni nia, kha kha ni inhriat loi mo?

JOHANA 3:21

Sin dik thohai murdi’n vâra an hong ngai, an sinthohai kha Pathian thu zôma tho an nih ti an langna hrangin.

TÎRTÔNHAI SINTHO 19:11

Khan, Pathianin Paula kuta thilirkhêl danglam tak an thoa.

TÎRTÔNHAI SINTHO 4:30

Mihai indam hrangin ni sinthotheina inlangin lân, ni siahlo irthiang Jisua irhmingin irsinsianahai le thilirkhêlhai inthotir sa roh,” an tia.

TÎRTÔNHAI SINTHO 5:34

Khannisianlân, Farisai inkhat; ar hming Gamaliela, Dân irchutirtu, mi murdi irngaisâng tak kha Sanhedrin-ah khan a ngîra, tîrtônhai kha insuahai viat hrangin enkoltuhai kha a hrila.