LUKA 4:8 - PATHIAN LEKHABU IRTHIANG C.L. Bible (BSI)

⁸ Jisua’n, “Rengpa ni Pathian chu chubai mûkin lân, Ama sin vai tho ro, tih irziak a ni,” tiin a sâma.

LUKA 4:8 ပူးပေါင်းရင်းမြစ်များ

2 RÊNGHAI 19:15

Hezekia chu Rengpa makunga a chongchaia, “O Rengpa, Israelhai Pathian, cherub chunga toi, nang hi Pathian tak chu ni ni, ram murdi luatu le roirêltu ni nia, irnêng le irvân khom hi nangma isiam a ni.

INPÂKNA HLAHAI 83:18

Nangma vai hi JEHOVA irhming irput, Irnêng murdi chunga Anchungtak ni nih ti an inhriat theina hrangin.

ISAIA 2:11

Mihriamhai mualphoina hong dâi a ta, an irngaiirsângnahai hor hnuai a ti. Kha ni tena chu Rengpa vai hi chôiindôm ni a ti.

MATHAIA 16:23

Khan, Jisua kha a’rheia, Petera kuang “Setan, rot roh; a ni khâltu ni ni; Pathian nuamlam ngaitua loiin mihriam nuamlamin ni ingaitua a ni hi,” a tia.

MATHAIA 4:10

Jisua’n a kuang, “Setan, rot pat ro, ‘Rengpa ni Pathian chu chubai mûkin lân ama sin vai tho ro,’ ti irziak a ni,” a tia.

LUKA 4:4

Jisua’n chu, “Bai ringotin chu mihriam hi an ihring hrang ni ma tih irziak a ni,” a tia.

LUKA 4:7

Chubai ni mûkin lân, a rêngin nang pe ki ti,” a tia.

DÂN INHNINA 10:20

Rengpa nin Pathian kha chi unglân, a sintho unglân, ama kha chel khak roi; inkungna hrangin a’rhming vai sâm ngai roi.

DÂN INHNINA 6:13

Rengpa nin Pathian kha chi unglân, ama vai chubai mûk unglân, ama irhming vai sâmin khomâkirsâm ngai roi.

JAKOBA toc2 JAKOBA 4:7

Khasikin Pathian kuang irpelût unglân, Diabola chu doi roi, khanchu nangni rotsan a ti.

1 PETERA toc2 1 PETERA 5:9

Iamna hin ngîr indet khak unglân, ama kha doi roi. Rammual hmun danga nin urênghai khomin khaang dênin an tuang ti nin inhriata.

THUPHUANG 19:10

Khanchu, chubai mûk hrangin a ke bula kin boka, khannisianlân, ama khan ki kuang, “Hiang hin chu tho no roh, kei khom nangma le ni urênghai le Jisua thutak inpuang pomhai suak chanpui kêng ki ni. Pathian chubai mûk roh!” a tia. Thutak Jisua inpuang kha thu’nsîr theina irtha a ni.

THUPHUANG 22:9

Khannisianlân, ama khan ki kuang, “Khaang khan chu tho no roh. Kei khom nangma le ni urêng deipuhai le hi lekhabu thu pom murdihai suak chanpui kêng ki ini, Pathian chubai mûk roh!” a tia.

1 SAMUELA 7:3

Khante Samuela khan Israel mihai kuang khan, “Nin lungrîl taka Rengpa tiang nin irnghat tak takin chu, ram dang pathianhai le Asterothi pathiannuhai millim kha nin lai ata pai ving roi. Nin lungrîl kha Rengpa ta hrangin sinsiam unglân, ama sin vai tho roi; khanchu Filistia-hai kut ata hi nangni a isansuak hrang a ni,” a tia.