LUKA 4:18 - PATHIAN LEKHABU IRTHIANG C.L. Bible (BSI)

¹⁸ “Inrianghai kuang Thurchi Sa insîr hrangin a nin thang sikin, Rengpa Irtha ki chunga a oma, mi intânghai kuang zôkna thu inpuang hrangin a ni itîr a ni. Mitchohai, mit vâr nôkna hrang le mi ihnuaisiahai zôkna hrangin.

LUKA 4:18 ပူးပေါင်းရင်းမြစ်များ

IRPHUTNA 3:15

Khan, nang le nupang hi nangni irdoitir ki ta, ni’rchihai le a’rchihai khom la’rdoitir ki ti: kha khan ni lu zêmirnôitir a ta, nangin a ke ârtui lei inchuk pe ni ti,” a tia.

2 THURCHI SUINA 34:27

ni’rleta, ni’rhnuai tâka. Jerusalem le a sûnga mi hrem ki ti, ki ti lai khan poi ti takin ni puan ni ir-ekthêra, ni chapa.

INPÂKNA HLAHAI 102:20

Mi intâng inrûm kha irngai hrang le, Thi hranga inkunghai kha khoi hrangin;

INPÂKNA HLAHAI 147:3

Milung koihai chu an damtira, An popnahai chu a tuam pe ngai.

INPÂKNA HLAHAI 2:2

An rênghai chu an irhela, An hruaituhai khom inrualin Rengpa le a rêng inthang kha doiin thu an ngaituaa;

INPÂKNA HLAHAI 2:6

Rengpa’n “Keima ngeiin ki tâng irthiang Zion-a khan, Ki rêng inthang chu ki intoitir a ni ta,” a tia.

INPÂKNA HLAHAI 34:18

Rengpa khan milunga beiindonghai kha a nâi ngaia, Lungrîla irsîrhai murdi chu a saninhring ngai.

INPÂKNA HLAHAI 45:7

Felna chu nir ngai inhlua, pualoina chu ni khôkmâk kha; Khasikin, Pathian, ni Pathian chu ni rualhai nêka irkhêl raifânna sahriak nang a’rthûtir tâka.

INPÂKNA HLAHAI 51:17

Pathian nuamlam irbôlnahai chu irtha milung koi hi a ni. O Pathian milung insiat le irsîr ngôi ngôi hi hmusit ngai mak chea.

ISAIA 32:3

Ngûk takin thil thîr an ta, ngûk takin an mikuar sung an ti.

ISAIA 35:5

Mitcho tak mit chu invâr a ta, Kuarsêt mikuar invârtir pe a ti.

ISAIA 42:7

Mitchôhai mit invâr hrang le, rôl sûnga om insuak hrangin, inthim laia om sansuak hrangin.

ISAIA 45:13

Râl a hong lianin chu Kura chu ki tumna lam tinrênga changpui ki ta, ki khopuihai indingtir nôk a ta, lômman pe ual nuam loiin irtanna man pêk khom nuam no ni. Ki mi, sala omhai insuahai a ti,” tiin Itinrêng Rengpa’n a ti.

ISAIA 49:9

Intângna ina omhai chu, ‘Suak roi,’ ti ki ta. Inthima omhai chu, ‘A vâra hong suak roi,’ ti sa ki ti. Kêlbelra angin lampuia irtet an ta, mual sûl tam loina hmuna khom sûlhring hmu mai an ti.

ISAIA 50:4

Rengpa ki Pathianin thuhril theina a ni pêka, Mi irzal takhai inthor theina kin hriat theina hrangin a ni tin a ni kai inhara, a sûn a zânin mi irchutir theina ki neiin kin hriata.

ISAIA 57:15

Hmun irsânga om, kumtuanga hring, mi irthiangin hiang hin a ti: Hmun irthiang irsângtaka om khom inlân, mi thuhnuairôl le irsîrhai kuang chu, chôiirsâng le nin har nôk hrangin ki om mai ngai.

ISAIA 59:21

“Keima’n nin laia thu ki ithung chu hi hih a ni,” Rengpa’n a ti. “Ki’rtha nin kuanga om le ki thu nin bâia ki isia khan atûn ata kumtuangin nangni suaksan ta ngai no ni; nin nâihai le nin tuhai nâihai ten khomin mâksan ngai no ni,” ti hi Rengpa thusuak a ni.

ISAIA 61:1

Rengpa pathian irtha chu ki chunga a oma, Hriak a ni’rthûtira, Rengpa’n a ni itîr a ni. Invâihai laia Thurchi Sa hrila, nun beidong takhai inhar nôk hrangin, suaka intâng suak nôkna hrang thuhai, intângna ina omhai zalênna pe hranga inkung ki ni.

ISAIA 66:2

Thil tinrêng hi keima kut ngêia ki isiam an nia, khanchu an hong oma, Rengpa thusuakin a ti. Ki ihmu nuamhai hi tuhai moh an ini? Lungrîla irngaiintôm le irsîra ki hê lâkhai hi kêng an ini.

EZEKIELA 9:4

Khan, Rengpa’n a kuang, “Khopui chu irfangin lân, Jerusalem chu irfangsuak ro; a sûnga thil porinche an thoa poi tia chap tâkhai chu an michala irsinsiana sia ro,” a tia.

DANIELA 9:24

“An insiatnahai irhîptir le, sualna inhek hrang le, dik loina inboi hrang le, kumtuanga felna hrang le, inlârna le lei hrilna irsinsia hrang, hmun irthiangtak chu sahriak inthek hranghaiin, ni mi le khopui irthiang hrang, hapta sômsari inkung a ni.

ZEFANIA 3:12

Ni sûng ata mi inrianghai le denginthei tuanghai kha hôi ki ta, Rengpa irhming kha iam an ti.

ZAKARIA 11:11

Khasikin thuthung chu kha nî khan sûtin a om tâka, belra irchôktuhai le zuartuhai khan kei chu an ni en maia, khan Rengpa chu ki sinthohai ata kha a zuang chong a nih ti an inhriat tâka.

MALAKIA 4:2

Khannisian, nangni ki’rhming chituhai chunga rêk chu felna misa hong suak a ta, a thal chu damna ni a ta, sehrâtte insua angin râifân takin irchôm nin ti.

MATHAIA 11:5

Mitchohai an hmu thei ta, ke’nbâi hai an fe thei ta, phârhai an irthiang ta, kuarsêthai khom an inhriat thei ta, mithihai kaithoiin an om ta, inrianghai laia Thurchi Sa insîr a ni ta.

MATHAIA 12:18

“En ta, ki siahlo ki inthang, Ki indit tak, Ki lungrîlin a ilôm tak tak hi; A sûnga ki’rtha sia ki ta, Khanchu, nam tin laia roirêlna thu inpuang a ti.

MATHAIA 12:20

Hrât loihai chunga zâidamna nei a ta, Beiindonghai chunga khonzana nei a ta, Dikna khan inhnêna a pêk mâka chu mong no ni.

MATHAIA 4:16

Inthim hnuaia toihai khan vâr roiinpuitak an hmua, Thina ram inthim hnuaia toihai chunga a zuang vâr ta,” tia a lei insîr kha a hong tung indikna hrangin, kha kha a hong iom a ni.

MATHAIA 5:3

“Irthaa inrianghai chu an vân a sa e, irvân Ram an ta a ni sikin.

LUKA 4:17

Deipu Isaia lekhabu an pêka, lekha irzuat kha a phara, hi irziak omna hi a tepa.

LUKA 6:20

Jisua’n a thîr vêla, a irchutirhai kha a ena, thu an sîra, “Nangni inrianghaio, nin vân a sa e, Pathian Ram nin ta a ni sikin!

LUKA 7:22

Khan, Johana irchutirhai kuang, “Fe nôk ta unglân, Johana kuang nin ihmu le nin inhriathai va hril roi, mitchohai an hmu thei ta, kholrahai ke’n an fe thei ta, phârhai an irthianga, kuarsêt hai khom an mikuar a vâra, mithihai kaithoi an ni tâka, inrianghai kuang Thurchi Sa hril a ni ta.

JOHANA 1:41

Ama khan a masa taka a urêng Simona a va hmua, “Mesia, (Kha kha Krista tihna a ni) kin hmu ta,” a va tia.

JOHANA 12:46

Rammuala hin vâr angin ki izuang a ni, tukhom a ni iam murdi’n chu inthima an om nona hrangin.

JOHANA 3:34

Pathian itîr khan Pathian thu an sîr ngai, Pathianin ama Irtha irkip a pêk sikin.

TÎRTÔNHAI SINTHO 10:38

Nazaret Jisua chu Pathianin Irtha Irthiang le sinthotheina’n a vurzia kha nin inhriat. Pathian khan a ompui maia, sin sa thoa inzin vêlin Diabola soisak murdihai an damtir thiaia.

TÎRTÔNHAI SINTHO 26:18

Keima ni iam sika an sualhai ngaidam an nina hrangin mi irthianghai laia irchon dongtum an nei sa theina hrangin. An mit invâr hrangin, inthim ata vâr hong inkîrtir hrangin Setana thuhnuai ata Pathian tiang hong inkîrtirtu hrang ni ni,” a ni tia.

TÎRTÔNHAI SINTHO 4:26

Irnêng rênghaiin an irsiam irfôk tâka, Hruaituhai khom a chungchânga an insîr irhlôma, Rengpa le a Krista doi hrang,’ tiin.

TÎRTÔNHAI SINTHO 4:27

“Khaang tak khan hi khuaa hin ni siahlo irthiang, Jisua sahriak ni ipoltu chunga khan, Heroda le Pontia Pilata hai kha Jentailhai, Judahai leh an inthurual tâka.

KOLOSA 1:13

Ama khan inthim irchamneina ata a ni san suakin, a Nâipa lungthung taktu rama khan a ni hruai inlût ta a ni.

JAKOBA toc2 JAKOBA 2:5

Ki urêng inditom takhaio, irngai u ta, rammual irngaia mi inrianghai hi iamnaa irchong hrang le ama lungthungtuhai kuang a ram inkung chang hrangin Pathianin a inthang loi ma ni?

1 PETERA toc2 1 PETERA 2:9

Nangni chu nam inthang, Rengpa ochai, nam irthiang, Pathian ta bîk, ama vâr irkhêl taka lût hranga inthim ata nangni koi suaktu Pathian sintho roiinpui inpuang hrang nin ni.