Khasikin o inlaltak, ki thu nang tihai hi pomin lân, ni sualna chu felna’n thûlin lân, nin châinahai chu, mi inrianghai nin renhaiin chu, ni khonhoinahai hi a la sei khom a ol,” tiin a sâma.
Kha kha an hriatin Jisua’n a kuang, “Lam inkhat ni la’rsam; ni inei murdi zuarin lân, inrianghai sem roh, khanchu, irvâna irchon nei ni ti; khan, hongin lân, ni zui roh,” a tia.
Zakai kha a ngîra, Rengpa kuang khan, “Irngai ta, Rengpa, ki sum chimrip mi’nrianghai pe ki ta; tu chunga khom dikloi taka ki lei ilâkpai pe a omin chu a bâk minli’n tuam nôk ki ti,” a tia.
Irchutir senkhathaiin chu Juda sum hmarsa a dôn sikin, Jisua’n, kût hranga thil ei innanghai var cho roh; a iti mani, a ninole, inrianghai i i pehai roh, a iti pe mani an sôna.
Kornelia khan ama kha a en chiana, a chia, “Rengpa, i mani?” a tia. Vântîrtôn khan, “Ni chongchaina le ni thil pêkhai kha Pathianin an hriat chian a ni.
Rammual mi irchonghai kha irsor loi hrangin hrilin lân, sum songloi ruaa irnghat tum loia itinrêng ei ihmang hranga ni pêktu Pathiana irnghat ual hrangin inthor roh.
Pathian chu felloi ni mah. Ama ta hranga sin nin ithohai, lungthungna nin inlanghai, nin Kristian chanpuihai nin lei ichangpui le atûn ten khom nin la ichangpui maihai kha irnghil viat no ni.
Pathian mit hmua sakho biak dân irthiang le sual kop loi chu hi hi a ni: fara le meithâihai an intak laia donsui le rammual porinche kop loia irvong insa hi a ni.
Mi’n, “Pathian lung ki thung,” tiin a urêng khôkmâk sian, milak a ni; a urêng a ihmu mai lua lung a thung no’n te, Pathian a ihmu ngailoi kha itin mo lung a ithung thei hrang?