LUKA 24:47 - PATHIAN LEKHABU IRTHIANG C.L. Bible (BSI)

⁴⁷ Ama irhmingin irletna le sual ngaidamna thu Jerusalem ata nam tin laia insîr la ni a ti.

LUKA 24:47 ပူးပေါင်းရင်းမြစ်များ

IRPHUTNA 12:3

Khan sat nang vurtu murdihai satvurhai ki ti. Khua nang sâltu chu khuasâlhai ki ti, nangmaa khan irnênga nam tin satvurin la om an ti,” a tia.

INPÂKNA HLAHAI 22:27

Kôlkunga mi murdi khomin inhre nôk an ti, Rengpa tiang irhei ta an ta: Nam tin chi tin ni makunga kûn an ti.

INPÂKNA HLAHAI 67:7

Pathianin sat ni vur a ta, Kôlkunga mi murdi khomin ama chi an ti.

INPÂKNA HLAHAI 86:9

O Rengpa, ni isiam nam tinrênghai chu hong an ta, ni makunga hong kûn an ta; Ni’rhming chu hong chôiindôm an ti.

ISAIA 11:10

Kha ni tena khan chu Jesaia irchia rêng hong suak kha nam tinhai hranga irsinsiana ni a ta, a omna hong pan an ta, chôiindôm an ti.

ISAIA 49:22

Rengpa Pathianin hiang hin a ti: “Nam tin mithmua ki bân phar ki ta, irsinsiain, ni nâihai pomhai an ta, ni nâinuhai pohai an ti.

ISAIA 49:6

Rengpa’n hiang hin a ti: Jakoba irchi inhartir nôka, Israel la damhai hruai kîr hranga ki siahlo ni hi ite ual ni mah. Hi nêka sintho hrang roiinpui ual ni nei. Rammual pumpui hi inzôk a ni theina hrang le nam tin ta hranga vâr ni ngêt ni ti.

ISAIA 5:4

Ki insâp nêka tam ki grep irhuana, Imo ki la insâp mai hranga? Grep ra sa hmu ngêt hrangin ki tuma, a dol inzenin a ni ra pea;

ISAIA 52:10

Mi tin mithmua Rengpa’n a bân irthianga khan a râi an fân ta, rammual pumpui khom hin, Pathian saninhringna chu hmu thei an ti.

ISAIA 52:15

Nam tamtak chu a thisenin a’rsûkinfâia, Renghai khomin ar khêl ti pumin an bâi phong ngam no nihai; an la ihril ngai loi thil hmu an ta, an la inhriat ngai loi thil lan hre thei an ti.

JEREMIA 31:34

Rengpa chu inhre mai roi, ti’n tûte’n an rualhai le an urênghai irchutir no nihai. A chîn ata a lian dênin nin hre mai an tah ti hi Rengpa thu suak a ni. Khanchu an sin insiatnahai ngaidam ki ta, an sualnahai inhre ta no ning,” a tia.

DANIELA 9:24

“An insiatnahai irhîptir le, sualna inhek hrang le, dik loina inboi hrang le, kumtuanga felna hrang le, inlârna le lei hrilna irsinsia hrang, hmun irthiangtak chu sahriak inthek hranghaiin, ni mi le khopui irthiang hrang, hapta sômsari inkung a ni.

HOSEA 11:8

O Efraima itin mo nang ki inthapai thei hrang? O Israel, itin mo nang ki intha thei hrang? Itin mo Adama angin nang ki isiam thei hrang? Itin mo Zeboim angin nang ki inomtir thei hrang? Ki sûnga ki milung a’rleta! ki lungkhamnahai kha a sêm irvâm lik tâka?

HOSEA 2:23

Khan, kha kha ki ta hrangin irnênga hin song ki ta, inren loinu kha inren ki ta, ki mi ni loi kha ki mi ni nih ti ki ti,” khan, ama khan, “Ki Pathian ni nih,” ti a ti.

MIKA 4:2

Khan, nam tamtakhai kha fe an ta, zuang kîr unglân, Rengpa tânga, Jakoba Pathian ina khin hong fe ei ti; khanchu ama’n a lampui thurchihai kha nir chûtir a ta, a fena lampuihaia khan fe kin tih ti an ta: Zion ata kha dân thu a zuang isuak hrang a nia, Rengpa thu kha Jerusalem ata a zuang isuak hrang a ni.

MALAKIA 1:11

Misa suakna ata a tâkna dên khomin, Jentailhai laia ki’rhming kha a roiinpuia, hmun tina ki’rhming hrangin mirimhoi inhlan a ni, thilinhlan irthiang le Jentailhai laia ki’rhming a roiinpuia, Sipaihai Rengpa’n a ti.

MATHAIA 28:19

Khanchu, hmun tina mihai kuang fe unglân, ki irchutirhaiin siam unglân, Pa le Nâipa le Irtha Irthiang irhmingin baptis-hai unglân,

MATHAIA 3:2

“Irlet roi, Irvân Ram anai tâk e!” a tia.

MATHAIA 9:13

Pathian Thubu’n, ‘Irbôlna zong ma ung, lungkhamna kêng ki inuam’ a iti hi fe unglân, a omzia va irchu roi, mi felhai irlam hranga zuang ni ma unga, mi sualhai irlam hranga zuang kêng ki ini,” tiin a sâma.

LUKA 13:34

“O Jerusalem, Jerusalem, deipuhai thattu, ni kuanga tîrhai lunga lei dêng thattu! Ârpuinu’n a tehai a mitha hnuaia a iop khôm angin ni nâihai voi iza op khôm ki tuma, nin inuam loi kha?

TÎRTÔNHAI SINTHO 10:43

Tukhom, Ama iam tâk chu ar hming sikin a sualhai ngaidamin om a ti, tiin deipu murdihai khomin a Thurchi an insîr ngai,” a tia.

TÎRTÔNHAI SINTHO 11:18

Hi chong hi an inhriat le chu sêl ta mahaia, “Khaang khan a ni’n chu, Pathianin Jentailhai khom irleta, hring hranga zoro’nchum a ipêk a ni kha te,” tiin Pathian an inpâk ta.

TÎRTÔNHAI SINTHO 13:46

Paula le Barnaba khan hâi takin, “Pathian thu hi nangni kuang hril masa hrang rêng a ni; khannisianlân, nin hnôla, kumtuang hringna nei zel loia nin irngai hnung chu inhre roi, Jentailhai tiang irhei kin ti.

TÎRTÔNHAI SINTHO 2:38

Petera’n, “Irlet unglân nin sualhai ngaidam a nina hrangin Jisua Krista irhmingin baptisma chang chit roi; khanchu, hi thilpêk, Irtha Irthiang hi, dong nin ti.

TÎRTÔNHAI SINTHO 20:21

Judahai le Grikhai kuang khom Pathian tiang an sualna irlet hrang le ei Rengpa Jisua iam hrangin ngûk takin thu ki hril ngai.

TÎRTÔNHAI SINTHO 26:18

Keima ni iam sika an sualhai ngaidam an nina hrangin mi irthianghai laia irchon dongtum an nei sa theina hrangin. An mit invâr hrangin, inthim ata vâr hong inkîrtir hrangin Setana thuhnuai ata Pathian tiang hong inkîrtirtu hrang ni ni,” a ni tia.

TÎRTÔNHAI SINTHO 26:20

Khanchu, Damaska mihai kuanga insîr irphutin Jerusalema mihai kuang, Judai rama mi murdihai le Jentailhai kuang khom an sualna ata irleta Pathian tiang an irheia, an irlet tak tak a nih ti an langna hranga, sin an thôna hrangin thu ki ihril ngai a ni.

TÎRTÔNHAI SINTHO 28:28

Pathian saninhringna kha Jentailhai kuang pêk a nih ti inhre roi; anni’n chu irngai irngai an ta,” a tia.

TÎRTÔNHAI SINTHO 3:19

Khasikin nin sualhai irlet unglân, Pathian tiang hong kîr nôk roi.

TÎRTÔNHAI SINTHO 4:12

“Tu dang kuang khom saninhringna om mah, irvân hnuaia mihriam irhming iphua laia ni saninhring thei irhming dang rêng rêng om mahai,” a tia.

TÎRTÔNHAI SINTHO 5:31

Israelhai sual irlettira ngaidam an ni theina hrangin. Ama ngei kha Pathianin rêng le saninhringtu ni hrangin a chang tiang a chôiindôm ta.

ROM KHUAA MIHAI KUANGA TÎRTÔN PAULA LEKHATHON 5:20

Sual a pung nôk ual theina hrangin Dân a zuang oma; khannisianlân, sual a pung nôk ualin lungkhamna a pung nôk ual a ni.

EFESI 1:6

A lungkhamna roiinpui tak sika a Nâipa lungthunga thilmanboi pêk sikin Pathian inpâk ei ti.

EFESI 3:8

Keima hi mi irthiang murdihai laia chîn tak nêk khoma chîn ual ki ni, khan khomin Pathianin Jentailhai kuang Krista irchongna suisuak zoiloi Thurchi Sa insîr hrangin a lungkhamna’n a nin kunga.

KOLOSA 1:27

Kha mihai kuang khan Nam tin ta hranga thu’rthup roiinpui le hlu tak kha Pathianin inhriattir a nuam ngei a ni; kha thu’rthup kha, Krista nangnia om, roiinpuina sabeina san kha a ni.

1 JOHANA 2:12

Nâihaio, Krista zâra nin sualhai ngaidam a ni tâk sikin nin kuang ki irziak a ni.