LUKA 24:44 - PATHIAN LEKHABU IRTHIANG C.L. Bible (BSI)

⁴⁴ Jisua’n an kuang, “Nin laia ki om lai khan hi thuhai lele hi nangni ki hril ngai khate. Mosia Dân bua, Deipu lekhabua, inpâkna hlabuhaia ki Thurchi an lei irziak, hong tung indik ngêt hranga nangni ki lei inhrilhai kha a ni,” a tia.

LUKA 24:44 ပူးပေါင်းရင်းမြစ်များ

IRPHUTNA 14:18

Khan Salem khuaa Rêng Melkisedeka’n bai le uain a lâka, Abrama a pêka. Ama chu Pathian inchungtak a ni.

IRPHUTNA 22:18

Ki hê ni lâk tâk sikin, ni’rchi lai ata rammuala chi tin vânsatna la dong an ti; mâni le mâni irtiin thu ki inkung a ni ta, Rengpa’n a ti,” a zuang tia.

IRPHUTNA 3:15

Khan, nang le nupang hi nangni irdoitir ki ta, ni’rchihai le a’rchihai khom la’rdoitir ki ti: kha khan ni lu zêmirnôitir a ta, nangin a ke ârtui lei inchuk pe ni ti,” a tia.

IRPHUTNA 49:10

Reng khianghrol chu Juda kuang ata irsam no nia; roirêltu khianghrol khom a ke kâr ata irsam no ni. Nam tinin ama thu la zôm an ti.

INPÂKNA HLAHAI 118:22

In sinhai lung indit loi kha a kila lung poimo tak a hong ni ta.

ISAIA 28:16

Khasikin, Rengpa Pathianin hiang hin a ti: “Irngai ro, Zion-a lung ki phûm ta, zôkna lung iamom tak chu, a kila lung poimo le hlutak chu ki phûm ta, a iam zoihai chu inhnîng no nihai.

ISAIA 52:13

Irngai ro, ki siahlo chu a sinthoa ir-iampui a ta, mihaiin chôiindôm an ti.

ISAIA 7:14

Rengpa ngêtin irsinsiana nang irhmutir a ti: Irngai ro, dôngmate’n nâi vong a ta, nâipasal nei a ta, a’rhming hrangin ‘Immanuel’ phua a ti.

ISAIA 9:6

Ei ta hrangin nâi a zuang suaka, nâipa pêkin ei oma, a dârsuama roirêlna irnghatin, A’rhming khom Irkhêl, Irfûktirtu, Pathian Hrât, Kumtuang Pa, Irngeina Rêng ti an ti.

JEREMIA 23:5

Khan Rengpa’n, “Davida irchia mi fel, rêng chang hranga kin thang zoro a hong itung thiai a ni. Rengin vâr takin sintho a ta.

JEREMIA 33:14

Khan Rengpa’n, “Israel in sûngkua le Juda in sûngkuahai laia ki chonginkung kin tungna hrang nikhua chu a hong nâi thiai ta a ni.

EZEKIELA 17:22

Rengpa pathianin hiang hin a ti: “Sidar thing irsâng tak rêlvîk chu la ki ta, a dôn irzîk kha khiak ki ta, Keima ngêtin tâng irsâng chunga khan phun ki ti.

EZEKIELA 34:23

Khanchu ki sinthotu Davida anga rêng inkhat an belrapu hrangin pehai ki ta, ama’n anni chu donsuihai a ti.

DANIELA 2:44

Kha nia rênghai khan irvâna Pathianin ram zuan ding a ta, kha ram kha chu siat ta ngai no ni; an lalna khom mi danghai hrangin mâksan ni ta no ni; hi ram murdihai hi insiatin inhek zoi a ti, a ram chu kumtuangin inding mai ta a ti.

DANIELA 7:13

Zân inlârnaa khan irngai ro, vân sûmlâia zuang mi inkhat mihriam nâipa anga om ki hmua, kumtuanga om pa kuanga khan an hong hruaia.

HOSEA 3:5

Kha tena chu Israel irchihai kha irlet an ta, Rengpa an Pathian le an inlaltak Davida kha zong an ta; zoro hnungkhônhaia chu Rengpa le a satna kha inthing pumin pan an ti.

AMOSA 9:11

Hi thil thotu Rengpa thu suak khan hiang hin a ti, “Kha nikhuaa khan Davida kairêng chim kha indingtir ki ta, a pophai kha tuam ki ta; a siathai kha irfûktir nôk ki ta, tianlaia a iom angin sin nôk ki ti.

ZAKARIA 12:10

Davida irchi suanpâra mihai le Jerusalema mihai chunga khan khonzâna le chongchai nuamna irtha chu buak ki ti. Khanchu an lei isun that tâk kha en an ta, mi’n a nâi khât a ichâ angin ama chu la châ an ti. Nâilutîr sûntuhai angin a sân la sûn an ti.

ZAKARIA 13:7

Khan Sipaihai Rengpa’n hiang hin a hrila, “O khandai, harin lân, keima ta hrang sinthotu belrapu kha that roh. Ama chu thatin lân, belrahai chu irthekindarh an ti.

ZAKARIA 14:4

Kha tena chu ama chu oliv tânga ngîr a ti, Jerusalem nisua tiang khan. Khanchu oliv tâng chu a laitaka nisua tiang ata nitâk tiang irhôr lian tak changin irsenphat a ta, a chimrip kha hmâr tiang irson a ta, a chimrip dang kha sim tiang irson a ti.

ZAKARIA 6:12

Khan Sipaihai Rengpa’n hiang hin a hril tiin ama chu hril ro, ‘Khan ar hming ôn an iti kha, ama chu tuanintung takin la om a ta, Rengpa biakbuk chu lan ding thar nôk a ti.

ZAKARIA 9:9

O Zion nâinu, a sân nin raiinfân roi; O Jerusalem nâinu, raifânin khêk roi. En ta ni rêng chu ni kuang a zuang e! Ama chu mi dik a nia, saninzôkna neiin irngaiintôm takin sakuartung chunga, Sakuartungte chung ngeia zuang chuangin.

NAMBAR 21:8

Khanchu Rengpa’n Mosia kuang, “Mirûl tûr nei kha a’rlim siamin lân, chopuia inkhâi ro, mirûl inchukhaiin chu kha kha en an ta, khanchu hong dam an ti,” a tia.

NAMBAR 35:25

Pungkhômhai khan mi thattu kha thisen phuba lâktua irthokin hrung an ta, pungkhômhai khan a thâna, zôkna khuaa khan inomtir nôk an ta, sahriak irthianga nâl, ochai inlal a thi mâka chu khataka khan a iom hrang a ni.

MATHAIA 1:22

Rengpa’n Deipu bâia,

MATHAIA 16:21

Kha zoi ata chu Jisua’n a irchutirhai kuang fel takin thu an sîra, “Jerusalema a fe hrang thu hai, upa hai, Ochai inlalhai le Dân irchutirhai kuta a tuang hrang thu hai, thatpaia a om hrang thu hai le sûn thum nia kaithoia a om hrang thu hai kha,” a irchutirhai a hril irphut tâka.

MATHAIA 26:54

Khannisian, ngên ta inlân Pathian lekha thu kha itin mo a hong itung thei hrang?” a tia.

MATHAIA 26:56

Khannisianlân, deipu lekha thuhai kha a hong tung theina hrangin hihai murdi hi a hong iom a ni,” a tia. Khannisianlân, a irchutirhaiin ama kha an mâksana, an rot zit tâka.

MARKA 9:31

A irchutirhai kha a hrila, an kuang, “Mihriam Nâipa hi mihriamhai kuta incheltirin om a ta, that an ti; khan an that hnung sûn thum tena thoi nôk a ti,” a tia.

LUKA 21:22

Pathian thubua irziak a hong tung indik theina hrangin, kha nikhuaa chu ‘Phuba lâk nihai,’ ni a ti.

LUKA 22:37

Nangni ki hril, ‘Ama chu mi sual laia an tep sa ta,’ ti Pathian Lekha thu chu ki chunga tung ngêt hrang a ni. Ki chungthu an irziak kha tung irkip hrang a ni ta” a tia.

LUKA 24:46

An kuang, “Krista khan tuang ngêt a ta, sûn thum ni’n mithi lai ata thoi nôk a ti,

LUKA 9:22

An kuang, “Mihriam Nâipa hi upahai, Ochai inlalhai, Dân irchutirtuhaiin, hnôl an ta, dengintheitir an ta, that an ti, khan, sûn thum hnunga chu hringin thoi nôk a ti,” a tia.

LUKA 9:44

“Nangni ki ihril hrang hi irnghil no roi, Mihriam Nâipa hi mihriamhai kuta ipêk nih a ti,” a tia.

JOHANA 3:14

Mosia’n ramchâra mirûl a inkhâi ang khan Mihriam Nâipa hi inkhâiin a iom hrang a ni.

JOHANA 5:39

Pathian Lekha Thu ngûk takin nin irchu ngai, a sûnga kumtuang hringna a om ti nin iam sikin. Kha Pathian Thubuhai khan ki thu inhriattirtu chu an ni.

JOHANA 5:46

Mosia kha nin lei iam ni sian chu kei khom ni iam nin ta, ki thurchi kêng a irziak.

TÎRTÔNHAI SINTHO 13:33

eini an irchihai kuanga Jisua kaithoia a hong intung tâk thu hi. Sam inhninaa, ‘Nang chu ki nâipa ni ni, A vuan hin ki nâia ki nei ta a ni,’ tia irziak ang khan.

TÎRTÔNHAI SINTHO 13:40

Khasikin, irdîn roi, deipuhai lei iti kha nin chunga tung likna ti:

TÎRTÔNHAI SINTHO 2:27

Ki’rtha mithi khuaa mâksan no chi nia, Ni mi irthiang ruak hmon phal no chi ni,

TÎRTÔNHAI SINTHO 3:18

Pathianin a deipu murdihai hmanga Krista khan a ituang hrang a nih ti a lei insîr kha a zuang itung a ni ta.

TÎRTÔNHAI SINTHO 7:37

Kha Mosia kha Israel nâihai kuang, ‘Pathianin keima angin nin urênghai laia om deipu nangni la siam pe a ti’ titu kha a ni.

HEBRAI toc2 HEBRAI 10:1

Juda Dân chu thil tak ang zeka dûr irkip le entonna iamom ni maka, thil sa zuang irlang hrang irhlîm, a tak ni loi, a’rlim vai a ni. Kum tin irbôlna ngaingîr kha kumkhua’n an inhlan ngai a ni. Itin mo kha Dân khan khaanga irbôlnahai sika khan Pathian kuanga hong mihai kha famirkipin a isiam thei hrang?

HEBRAI toc2 HEBRAI 3:5

Pathian in sûng mihai laia tirtôn chu Mosia kha iamom tak a nia, Pathianin sûn matona a la iti hranghai kha a lei insîr a ni.

HEBRAI toc2 HEBRAI 7:1

Hi Melkisedeka hi Salem rêng le Pathian Inchungtak ochai a ni. Abrahama rêng minlihai inhnê zoia râl buala irthoka a hong tiang Melkisedeka hin a’rtongpuia, sat a ivur a ni.

HEBRAI toc2 HEBRAI 9:8

Hi irfûktirna murdia irthoka hin Irtha Irthiangin ar chutira; “Biakbuk chontan masa kha a la om sûng ka chu, Hmun Irthiang Tak lampui kha la’rhong mah,” ti hi.

1 PETERA toc2 1 PETERA 1:11

Annia Krista irtha om chu, Krista tuangna le a hnunga chôiindôma a om hrang thu, a lei inhriattira, i zoroa mo zuang tunga, itina zuang tung hrang moh ti inhriat an tum ngai a ni.

THUPHUANG 19:10

Khanchu, chubai mûk hrangin a ke bula kin boka, khannisianlân, ama khan ki kuang, “Hiang hin chu tho no roh, kei khom nangma le ni urênghai le Jisua thutak inpuang pomhai suak chanpui kêng ki ni. Pathian chubai mûk roh!” a tia. Thutak Jisua inpuang kha thu’nsîr theina irtha a ni.