LUKA 24:32 - PATHIAN LEKHABU IRTHIANG C.L. Bible (BSI)

³² Anni’n, “Lampuia a ni chongpui laia Pathian Lekha thuhai a ni hril lai khan, ei milung a hong vâr ual mo ni ma?” an irtia.

LUKA 24:32 ပူးပေါင်းရင်းမြစ်များ

INPÂKNA HLAHAI 104:34

Ki ngaituana hi ama hrangin lôm inruk ni sianlân, Rengpaa khan ki lôm mai sikin.

INPÂKNA HLAHAI 39:3

Ki phîng sûnga hin ki milung a lum rak raka; Ki ngaitua ki ngaitua’n chu mei chu a hong chok suaka; Khanchu, ki milei hin thu an sîr tâka:

THUVÂRHAI 27:17

Thîr inngaihtirna hrangin thîr ngêt a inang ang dên hin, mihai khom mi dang ata an irchutir irhlôm ngai.

THUVÂRHAI 27:9

Hriak mirimhoi le mirimhoi dang danghaiin ni lungrîl inlômtir an ta, buaina rêkin chu ni lungrîl dam riam inkhoi a ti.

ISAIA 50:4

Rengpa ki Pathianin thuhril theina a ni pêka, Mi irzal takhai inthor theina kin hriat theina hrangin a ni tin a ni kai inhara, a sûn a zânin mi irchutir theina ki neiin kin hriata.

JEREMIA 15:16

Ni ni chongpuia, ki kuanga ni iti thuhai ki lei irngai mai a ni. Ni thupêkhai chu ki lungrîla lôm leh râifânin a isip a ni.

JEREMIA 20:9

Rengpa chu irnghil ki ta, ar hmingin thu hril ta no ning, ki ti lakin ni chongbe chu mei ang rengin ki sûngrîl ata a kâng ngaia, ki sûnga om chian hrangin ki tuma, khannisian ki idan thei loi a ni.

JEREMIA 23:29

Ki chongbe chu mei ang a nia, sekchôia lung inkhoktir ang a ni.

MARKA 4:34

Chongirkhek no’n chu an kuang thu insîr ngai ma, a irchutirhai kuang chu itinrêng a hrilfiah ngai a ni.

LUKA 24:45

Khanchu, Pathian lekha thu inhre thiam thei hrangin an lungrîl an vâr pehaia.

JOHANA 6:63

Hringna pêktu chu Irtha a ni; taksa kha kâmnang ma. Nin kuanga thu ki insîrhai hi Irtha le hringna a ni.

TÎRTÔNHAI SINTHO 28:23

Khanchu, nikhua an khita, kha ni khan a omna ina mi tam takin an hong pana, zîng ata zân dênin Pathian ram thu an sîra, a hrilfiaa. Mosia Dan bu le deipuhai lekhabu ata Jisua chungchânga annihai kha in-iamtir tumin a hrilhaia.

HEBRAI toc2 HEBRAI 4:12

Pathian thu chu a hringa, sin a tho theia, i ang dôra khandai hriam ngaih tak nêk khomin a ngaih uala, hringna le irtha irbunnahai, ru’rbun le irtin hai dênin a sunkhoi chit theia, lungrîla ngaituana le tumnahai hi an hriat thei zôi zel ngai a ni.