LUKA 24:27 - PATHIAN LEKHABU IRTHIANG C.L. Bible (BSI)

²⁷ Khanchu, Mosia ata irphutin deipu murdi thu suiin Pathian Lekha thua, a thurchi irziakna hmun tina a hrilfiah pehaia.

LUKA 24:27 ပူးပေါင်းရင်းမြစ်များ

IRPHUTNA 12:3

Khan sat nang vurtu murdihai satvurhai ki ti. Khua nang sâltu chu khuasâlhai ki ti, nangmaa khan irnênga nam tin satvurin la om an ti,” a tia.

IRPHUTNA 22:18

Ki hê ni lâk tâk sikin, ni’rchi lai ata rammuala chi tin vânsatna la dong an ti; mâni le mâni irtiin thu ki inkung a ni ta, Rengpa’n a ti,” a zuang tia.

IRPHUTNA 26:4

Khan, irvâna ârsi tam nêkin nir chi la’npung ki ti, hi ram murdi khom hi nir chihai la pe ki ti; khan nangma irchi ata rammual mi chi tin vânsatna dong an ti.

IRPHUTNA 3:15

Khan, nang le nupang hi nangni irdoitir ki ta, ni’rchihai le a’rchihai khom la’rdoitir ki ti: kha khan ni lu zêmirnôitir a ta, nangin a ke ârtui lei inchuk pe ni ti,” a tia.

IRPHUTNA 49:10

Reng khianghrol chu Juda kuang ata irsam no nia; roirêltu khianghrol khom a ke kâr ata irsam no ni. Nam tinin ama thu la zôm an ti.

INPÂKNA HLAHAI 132:11

Rengpa khan Davida kuang chonginkung det an kunga; Ama kha la nôk ta no nia; Nangma nâi ngei ni rêngtoihmuna khan intoitir ki ta,

ISAIA 1:23

Nin hruaituhai chu nakhrâtsong an nia, Inruhai rualsa an ni; mi huang hrang an zonga sum irzûlin an om zoi ta, Farahai diktakin roirêl pehai loiin, meithâihai enkolna khom nin irsama.

ISAIA 50:6

Vîk hrangin ki hnung zâng ki doa, ki hnerkamulhai khom an phôia, an nin chilthuana; khannisian inzakin ki hmâi thup ma ung.

ISAIA 7:14

Rengpa ngêtin irsinsiana nang irhmutir a ti: Irngai ro, dôngmate’n nâi vong a ta, nâipasal nei a ta, a’rhming hrangin ‘Immanuel’ phua a ti.

ISAIA 8:17

Keima’n chu Rengpa hi ki nghâk maia, Jakoba irchihai laia a ni la irbîk pe viat a ni hi; keima’n chu ki sabeina hi ama vai hin ki’rnghat maia.

ISAIA 9:1

Chardong taka omhai hrangin chu ngûina rêng rêng om ta no nia. Tianlai khan Zebulun le Naftali ram chu, hnuaisia om tak a nia, zoro hnungkhôna chu la roiinpuitir a ti, tuipui kôl ata Jordan varâl Galili ram, Jentailhai omna ram chu.

EZEKIELA 34:23

Khanchu ki sinthotu Davida anga rêng inkhat an belrapu hrangin pehai ki ta, ama’n anni chu donsuihai a ti.

EZEKIELA 37:25

Khanchu an irchibulhai omna ram, ki sinthotu Jakoba kuanga ki lei ipêk rama khan om ta an ta, khataka khan kumkhontuangin anni le an nâi le tehai le an irchi suanpârhai chu om ta an ti. Ki sinthotu rêng Davida angin an chunga kumtuangin roirêl ta a ti.

DANIELA 7:13

Zân inlârnaa khan irngai ro, vân sûmlâia zuang mi inkhat mihriam nâipa anga om ki hmua, kumtuanga om pa kuanga khan an hong hruaia.

MIKA 5:6

Assuria ram kha khandaiin insiattir an ta, Nimroda ram kha a lûtnaa khan insiattir sa a ti: khan, ama khan, ei rama Assuria mi a honga, ei ram ten a hong sir tika, ama ata khan ni sansuak a ti.

MIKA 7:20

Tianlaia ei puhai kuang chong nin kung tâka, Jakoba kuang thutak le Abrahama kuang lungkhamna kha hlensua ni ti.

ZAKARIA 13:7

Khan Sipaihai Rengpa’n hiang hin a hrila, “O khandai, harin lân, keima ta hrang sinthotu belrapu kha that roh. Ama chu thatin lân, belrahai chu irthekindarh an ti.

ZAKARIA 9:9

O Zion nâinu, a sân nin raiinfân roi; O Jerusalem nâinu, raifânin khêk roi. En ta ni rêng chu ni kuang a zuang e! Ama chu mi dik a nia, saninzôkna neiin irngaiintôm takin sakuartung chunga, Sakuartungte chung ngeia zuang chuangin.

MALAKIA 4:2

Khannisian, nangni ki’rhming chituhai chunga rêk chu felna misa hong suak a ta, a thal chu damna ni a ta, sehrâtte insua angin râifân takin irchôm nin ti.

NAMBAR 21:14

Khasikin Rengpa irdoina lekhabua, “Sufa irhôr Vahep khuaa Arnon irhôrhai,

MARKA 4:34

Chongirkhek no’n chu an kuang thu insîr ngai ma, a irchutirhai kuang chu itinrêng a hrilfiah ngai a ni.

LUKA 24:25

Jisua khan an kuang, “Mi’ntohaio, deipuhai thu’nsîr tinrêng iamna tianga beng sêthaio!

LUKA 24:44

Jisua’n an kuang, “Nin laia ki om lai khan hi thuhai lele hi nangni ki hril ngai khate. Mosia Dân bua, Deipu lekhabua, inpâkna hlabuhaia ki Thurchi an lei irziak, hong tung indik ngêt hranga nangni ki lei inhrilhai kha a ni,” a tia.

JOHANA 1:45

Filipa’n Nathanaela chu a hmua, a kuang “A thurchi Dân lekhabua Mosia’n a’rziak, deipuhai khomin an irziak kha ama kin hmu ta, Nazaret Jisua, Josefa nâipa kha,” a tia.

JOHANA 12:41

Isaia’n kha thu kha a roiinpuizia a hmu sikin a thurchi a insîr a ni.

JOHANA 5:37

Pa ni tîrtu ngei khom khan ki thu an hriat ta a ni. Nangni’n itiklai khom a hnukirhai inhre ngai mak chêi, a hmêl khom hmu ngai mak chêi.

JOHANA 5:39

Pathian Lekha Thu ngûk takin nin irchu ngai, a sûnga kumtuang hringna a om ti nin iam sikin. Kha Pathian Thubuhai khan ki thu inhriattirtu chu an ni.

TÎRTÔNHAI SINTHO 10:43

Tukhom, Ama iam tâk chu ar hming sikin a sualhai ngaidamin om a ti, tiin deipu murdihai khomin a Thurchi an insîr ngai,” a tia.

TÎRTÔNHAI SINTHO 3:18

Pathianin a deipu murdihai hmanga Krista khan a ituang hrang a nih ti a lei insîr kha a zuang itung a ni ta.

TÎRTÔNHAI SINTHO 3:22

Mosia khom khan, “Rengpa nin Pathianin keima anga nin urênghai laia mi, deipu inkhat nangni inding pe a ti, i khom nin kuanga a insîr murdi chu nin la izôm hrang a ni.

TÎRTÔNHAI SINTHO 3:24

Samuela le a hnunga deipu murdihaiin atûnlai thurchi hi an lei insîr sa ngai a ni.

TÎRTÔNHAI SINTHO 7:37

Kha Mosia kha Israel nâihai kuang, ‘Pathianin keima angin nin urênghai laia om deipu nangni la siam pe a ti’ titu kha a ni.

TÎRTÔNHAI SINTHO 8:35

Filipa khan Lekha thu ata insîr phut chu Jisua thurchi a hril tâka.

DÂN INHNINA 1:45

Rengpa tiang nin irheia, a kuang nin chapa; khannisian Rengpa khan nin irhâi len hre nuam maka, lei irngaitua nuam sa ma.

DÂN INHNINA 18:15

Nin laia mi, keima ang, deipu nangni pe a ta, ama thu kha nin izôm hrang a ni.

THUPHUANG 19:10

Khanchu, chubai mûk hrangin a ke bula kin boka, khannisianlân, ama khan ki kuang, “Hiang hin chu tho no roh, kei khom nangma le ni urênghai le Jisua thutak inpuang pomhai suak chanpui kêng ki ni. Pathian chubai mûk roh!” a tia. Thutak Jisua inpuang kha thu’nsîr theina irtha a ni.