LUKA 23:2 - PATHIAN LEKHABU IRTHIANG C.L. Bible (BSI)

² “Hi mi hin ei mipuihai tehel zong hrangin an thorhaia, Kaisara kuang khâzana chôi a khapa, ama hi Rêng, Krista chu, ar ti, ti khom kin inhriat suak a ni,” tiin an hnôla.

LUKA 23:2 ပူးပေါင်းရင်းမြစ်များ

1 RÊNGHAI 18:17

Ahaba’n Elija a hmu’n chu a kuang, “Israel ram inbuaituhai mo ni lei iom?” a tia.

INPÂKNA HLAHAI 35:11

Inhretu felloi takhai hong thoi an ta; Ki thil inhriat loi thuhaia khan khua an ni sâla.

INPÂKNA HLAHAI 62:4

A roiinpuina ata namtha hrang ringotin an irtia; Milak tho hi an nuamlam tak a ni. An bâiin sat an vura, khannisianlân an lungrîlin khua an sâl ngai.

JEREMIA 20:10

Mihai chong set sat kin hriata, “Hmun tina ichi zât irkhêla om ngai! Tho thuneituhai kuang la va hnôl ta rei,” tiin ki rual sahai lua’n kin rîl zoro an inghâk chian a ni; “huang thei duai an ni itinin, khanchu chel ei ta, phuba la ei ta,” an tia.

JEREMIA 38:4

Khanchu mi lianhai kha rêng kuanga fe’n an ti pea, “Hi mi hi that ngêt hrang a ni. Hianga tong lai hin khopui sûnga sipaihai thâiindôpin an oma, khopuia la om, a tu chunga khom khaang khan a tho chita, mipuihai san tum loiin; anni that vai a ingaitua a ni,” an tia.

AMOSA 7:10

Khan, Bethel khuaa ochai Amazia khan Israel rêng Jeroboama kuang, “Amosa khan Israela sûngkuahai laia inrûkin nang a doia: ram khan a thu murdi kha tuang thei mah.

ZAKARIA 11:8

Khanchu belrapu inthum, a ni hmumâkpu’n chu irngaitheihai ma unga, khasikin tha khat sûngin anni chu ki paithâkhai tâka.

MATHAIA 17:27

Khannisianlân, hi mihai lunghoi loia an iom hi nuam ma ung, khasikin dîla fe’n lân, irkuai chôiin lân, nga ni iman masa tak bâia khan ei ruaia Tempil khâzana ei ichôi ruk bak sum hmu ni ti. Kha kha hong chôiin lân, ei chôi tum kha an kuang va pe roh,” a tia.

MATHAIA 22:21

Anni khan, “Kaisara,” tiin an sâma. Khanchu, Jisua’n an kuang, “Kaisara ta chu Kaisara pe unglân, Pathian ta chu Pathian pe roi,” a ti pehaia.

MATHAIA 27:11

Jisua kha Rom ramoptu makunga a ngîra, ramoptu khan, “Judahai rêng mo ni ni?” tiin ar dona. Jisua’n, “Ki ni,” tiin a sâma.

MARKA 12:17

Khanchu, Jisua’n an kuang, “Kaisara ta chu Kaisara pe unglân, Pathian ta chu Pathian pe roi ba,” a ti pehaia. Kha hnung chu Jisua chunga khan a sân an irngai ar khêl tak taka.

MARKA 15:2

Pilata’n a kuang, “Judahai rêng mo ni ni?” tiin ar dona. “Ni nih, ni ni ti khate,” tiin a sâma.

LUKA 23:14

“Hi mi hi mihai tehel zong hrangin an thorhai, nin hong tia, nin makung ngeia ki’rtipuia, nin ihnôlna thua thilpoi ite a itho hmu ma ung.

LUKA 23:5

Khannisianlân, anni khan, “Tehel zong mi inthorin, Judai ram kho tina mi ar chutir ngai ti kin inhriat, Galili rama a phuta, hin khom a hong itung tâk a ni,” tiin an bei nôk uala.

JOHANA 18:29

Khanchu, Pilata chu an kuang a va suaka, “Hi mi hi imo a tho’nsuala nin ibe,” a tia.

JOHANA 18:30

Anni khan, “Hi mi hin thilsual tho no sian chu ni kuang hong hruai no ni ung,” an tia.

JOHANA 19:12

Khasikin Pilata’n ama insua hrang lam a zong tâka, khannisianlân, Judahai an khêka, “Hi pa hi nin sua’n chu Kaisara rual ni no chi ni,” an tia.

TÎRTÔNHAI SINTHO 24:13

Atûna an ni sêlna khom hi a bul a bâl ni kuang insîr hrang nei ual no nihai.

TÎRTÔNHAI SINTHO 24:5

Hi pa hi mizêl tak, ram tina Juda murdi laia buaina insuaktu, Nazaret pâl hruaitu tak a nih ti kin inhriat.

ROM KHUAA MIHAI KUANGA TÎRTÔN PAULA LEKHATHON 13:7

Pe hranga an inkunghai murdi kuang pe unglân, irnêng man a niin chu pe unglân, khâzana chôi hrang a ni le chôi unglân, chi hrang chu chi unglân, mahrip hrang chu mahrip roi.