57 Ama’n, “Nupang, ama chu inhre ma ung,” a tia, a phila.
Khannisianlân, tukhom vântâng inhriata ni hnôl chu ka Pa irvâna mi makunga hnôl ki ti.
Khannisianlân, an rênga makunga a phila. “I thurchi mo ni insîr inhre ma ung,” tiin a sâma,
Khannisianlân, mihai makunga ni hnôl ka chu Mihriam Nâipa khomin Pathian vântîrtônhai makunga hnôl a ti.
Mei vâra a toi laiin siahlo dôngmate inkhatin a hong hmua, a en vong vonga, “Hi pa khom hi a kuanga om sa a ni hi te,” a tia.
Kha hnungin mi dangin a hong hmu nôka, “Nang khom hi, an laia mi ni ni hi te,” a tia. Petera’n, “Mihriam, kei chu ni viat ma ung,” a tia.
Simon Petera khan ngîrin mei lum a la uata, “Nang khom hi irchutirhai laia mi ni mak che mo?” an tia. Khan Petera’n a phila, “Ni ma ung,” a tia.
Petera khan a phil nôka; khanchu âr a khuang zôi zel tâka.
Khasikin nin sualhai irlet unglân, Pathian tiang hong kîr nôk roi.
Ei sualhai Pathian kuang ei irphuangin chu, ama kha iam a omin a dika, ei sualhai a ni ngaidamin, ei dikloina murdi a ni irsûkinfâi hrang a ni.