LUKA 22:32 - PATHIAN LEKHABU IRTHIANG C.L. Bible (BSI)

³² Khannisianlân, ni iamna a boi nona hrangin nang ki chongchai pe. Khan, ni hong irhei nôk tika chu ni urênghai indet ro,” a tia.

LUKA 22:32 ပူးပေါင်းရင်းမြစ်များ

MATHAIA 18:3

“Thudik nangni ki hril, nin irleta, nâipangtehai angin nin om no’n chu, irvân Rama lût viat no chin ni.

MATHAIA 26:75

Âr a khuang zôi tâka, “Âr a khuang mân nangin voi thum ni phil ni ti,” tia Jisua’n a iti kha Petera khan an hriat suaka, khanchu a suaka a chap ngûi ngûi tâka.

MARKA 14:72

Kha zoiin chu âr voihni a khuang nôk tâka, khanchu Jisua’n Petera kuang, “Âr voihni a khuang mân nangin voithum ni phil ni ti,” a iti pe chong kha a hong irhriat suak nôka, kha chong kha a ngaitua’n a chap tâka.

MARKA 16:7

Atûn chu fe unglân, a irchutirhai le Petera kuang khan, nangni a ihril tâk ang khan Galili-a fe masa a ta, kha khan hmu nin ti, tiin va hril roi,” a tia.

LUKA 8:13

Lungpherpha chunga tâk kha, an inhriat zôi le thu kha lôm taka pom tâkhai hi an ni; khannisianlân, irzung la maka; zoro sôtnote chu an iam tâka, inthêmna an tong viat le chu an tûk nôk zôi ngai a ni.

JOHANA 14:19

Zoro sôtnote hnunga rammualin ni hmu ta no nihai, nangni’n chu ni hmu nin ti, keima ki hring sikin nangni khom la hring nin ti.

TÎRTÔNHAI SINTHO 3:19

Khasikin nin sualhai irlet unglân, Pathian tiang hong kîr nôk roi.

ROM KHUAA MIHAI KUANGA TÎRTÔN PAULA LEKHATHON 8:32

Ama Nâipa ngei khom hôi loia ei rênga hranga pêktu khan itinrêng manboiin a ni ipêk sa loi hrang ma ni?

ROM KHUAA MIHAI KUANGA TÎRTÔN PAULA LEKHATHON 8:34

Tu’n mo thiamno inchangtir hrang? Krista Jisua mo? Ama chu ei ta hrangin a ithi vai ni loiin a thoi nôka, Pa Pathian chang tiang omin ni chong petu kha chu ama dên kêng a ini.

2 TIMOTHEA toc2 2 TIMOTHEA 2:18

Thutak chu an pêtsana, “Thoinôkna chu a om chian ta” an tia, mi senkhat iamna khom an irhmangtir ngai.

TITA toc2 TITA 1:1

Kei Paula hi, Pathian siahlo le Jisua Krista tirtôn, Pathian mi izenhai iamnaa kaihruai hrang le

HEBRAI toc2 HEBRAI 12:15

Tûte Pathian lungkhamna ata kîr nôk loia, thingkung khâ hong inchera, a tûr sika buaina tamtak insua anga mi om loi hrangin en zit roi.

HEBRAI toc2 HEBRAI 7:25

Khasikin amaa Pathian kuanga honghai chu atûn le itiklai khomin a saninhring thei, anni ta hranga Pathian kuang ngên pe hrangin kumtuangin an hring mai sikin.

1 PETERA toc2 1 PETERA 1:1

Petera, Jisua Krista tirtôn khan, Pathian mi irthiang irthekindarhai Ponto ram hai, Galatia ram hai, Kapadokia ram hai, Asia ram hai le Bithunia rama om tâkhai chubai ki mûk.

1 PETERA toc2 1 PETERA 1:13

Khasikin lungrîl irsiam diamin irtûng chian unglân, Jisua Krista a zuang inlang tika lungkhamna nangni a zuang chôi pe hrang kha tûng ngit roi.

1 PETERA toc2 1 PETERA 1:5

Ama nin iam sikin saninhringna sinsiam sai, zoro hnungkhôna inlang a ni dênin, Pathian sinthotheina khan nangni vong a ti.

2 PETERA toc2 2 PETERA 3:14

Khanchu inditom takhaio, hi thil nin nghâkhai hin Pathian makunga irthiang le sêlna boia om hrangin theidôr insua unglân, ama leh irngei roi.

1 JOHANA 2:19

Anni kha ei lai ata an suaka, ei mi le satak tak ni mahaia, nihai sian ei kuang an iom mai hrang a ni. Khannisian, an rêngin ei mi le sa ni zit mahai tih an inlang fiana hrangin an isuak tâk a ni.