Ka pa in sûng mi murdi kha, o rêngpa, ka pu ni ithat paihai vinga ruk an ni. Khannisian nang a zuitu hi ni khalâi irhîlpuihai laia nin thanga. Khasikin rêng kuanga thil dang indit bîkna zong ngam zât ni ta ma ung,” a tia.
That hrang belra Seol-ah khitthunghai ang an ni, Thina chu a enkoltu ni a ta: Khua a vârin mi felhaiin an chunga roirêl an ta; an taksa hek a ta, Seol chu omna in hrang ni a ti.
Jisua’n an kuang, “Thudik nangni ki hril: Zoro thara chu, Mihriam Nâipa a rêngtoihmun roiinpui taka a toi tika, nangni a ni zuituhai khom hi Israel nam sômhleihni chunga roirêlin rêngtoihmun sômhleihnia la toi nin ti.
Vântîrtôn khan ki kuang, “Belrate irneina hruaithea fialhai chu an vân a sa,” ti irziak roh, a tia. Ama dênin ki kuang, “Hihai hi Pathian thu dikhai a ni,” a ti saa.
Rêngtoihmun kôl vêla khan rêngtoihmun dang sômhni minli a om saa, kha rêngtoihmunhaia khan upa sômhniminli puan chek sila rângachak rêng lukhum khumin an toi.