LUKA 21:19 - PATHIAN LEKHABU IRTHIANG C.L. Bible (BSI)

¹⁹ Diar ngitin ngîr unglân, khanchu zôk nin ti.

LUKA 21:19 ပူးပေါင်းရင်းမြစ်များ

INPÂKNA HLAHAI 37:7

Rengpaa khan irngamin lân, ama chu nghâk zâm zâm roh; Ni om lama vânneina dongtu sikin beiindong no roh. Ngaituana sualhai puiinhlingtu sika khan.

INPÂKNA HLAHAI 40:1

Rengpa chu ki nghâk zâm zâma; Khanchu a mikuar a zuang sunga, ki ikoi kha ar ngai ta.

HABAKUKA 3:16

Kin hriatin ki sûngrîl kha an thinga, Ki hmûrhai kha hnukirhai khan an thing nor nora; ki ruhaia khan hmonna a hong lûta, Kha ki omna hmuna khan ki inthing a ni; Buaina nia khan irngam ki ta, Mipui, sipai pâl anga ni rûntu chunga a hong tung tika chu.

MATHAIA 10:22

Keima sikin mi tinin nangni la hnôl an ti. Khannisian tukhom a mong dêna tuang diar ka chu saninhringin om a ti.

MATHAIA 24:13

Khannisianlân, tukhom a mong dêna tuang diar ka chu saninhringin om a ti.

LUKA 8:15

Irnêng saa tâk kha hihai hi an ni; thu kha inhriata lungrîl dik le saa, sataka vonga, bei zâma ra suak tâkhai hi an ni.

ROM KHUAA MIHAI KUANGA TÎRTÔN PAULA LEKHATHON 15:4

Pathian Lekha thua lei irziak tâk rêng rêng chu nir chutir hranga irziak a ni, thu irziak ata dorôina le irtharngamna ei dong zâra sabeina ei nei theina hrangin.

ROM KHUAA MIHAI KUANGA TÎRTÔN PAULA LEKHATHON 2:7

Roiinpuina hai, chôiindômna hai le irhmang thei loinahai zonga thil sa tho mai maihai kumtuang hringna pe a ti;

ROM KHUAA MIHAI KUANGA TÎRTÔN PAULA LEKHATHON 5:3

Khabana ei intaknaa khom ei ilôm mai a ni; intakna’n dorôina a siama,

ROM KHUAA MIHAI KUANGA TÎRTÔN PAULA LEKHATHON 5:4

dorôina khom khan detna a siama, detna khan sabeina an suaktir ti ei inhriata.

ROM KHUAA MIHAI KUANGA TÎRTÔN PAULA LEKHATHON 8:25

Ei ihmu loi kha ei sabeiin chu ei inghâk zâm zâm ngai a ni.

1 THESALONIKA 1:3

Iamna sika irnak nin isonghai, lungthungna sika nin sin intamzia haia, ei Rengpa Jisuaa sabeina nin sip indetziahai, ei Pa le Pathian makunga kin inhriat mai ngai a ni.

2 THESALONIKA toc2 2 THESALONIKA 3:5

Rengpa khan nin milunghai kha Pathian lungthungna inhre nôk ual hrang le Krista anga tuangdiarna nei hrangin kaihruai ri se.

HEBRAI toc2 HEBRAI 10:36

Pathian nuam lam nin sina, a inkung kha nin hmu theina hrangin diarna nin inang a ni.

HEBRAI toc2 HEBRAI 6:11

Nin itûng a hong tung indik theina hrangin nin sika nin takirtâina chit insua mai hrangin kin inuam tak tak a ni.

HEBRAI toc2 HEBRAI 6:15

Abrahama’n a tuangdiar sikin Pathian inkung kha a ihmu a ni.

JAKOBA toc2 JAKOBA 1:3

nin iamna fiaa a om hin tuangdiarna a siam ti nin inhriat.

JAKOBA toc2 JAKOBA 1:4

Khaang khan, ite irsam loia nin famirkipa, puihlinga nangni a siam theina hrangin nin tuangdiarna khan hlosam viat loiin nangnia sintho ngêt ri se.

2 PETERA toc2 2 PETERA 1:6

nin inhriatnaa khan mâni irsepna, mâni irsepnaa khan diarna,

THUPHUANG 1:9

Kei Johana, nin urêngpa le Jisua hnung zuinaa a Ram mihai chunga dengtheina hong tung diar taka tuangna lama nin chanpuipa ki ni, Pathian thu le Jisua’n thutak a inpuang thu kin puangna sikin Patmos chômbunga intângin ki oma.

THUPHUANG 13:10

Tukhom sala om hranga a niin chu sala hruaiin om a ta, khandaia thi hrang a niin chu, khandaia thatin om a ti. Hitaka hin Pathian mihai chu ngîrindetna le iamom taka an om a nangzia an lang,” a tia.

THUPHUANG 14:12

Hi hin Pathian mihai, a thupêk zôma Jisua ta hranga iamomhai chu tuangdiarna an inei a ni.

THUPHUANG 3:10

Diarna thu nang ki pêk hi ni zôm sikin, irnêng chunga mihai fia hranga rammual pumpui chunga fiana zoro zuang tung hranga irthok khomin nang inzôk sa ki ti.