LUKA 20:21 - PATHIAN LEKHABU IRTHIANG C.L. Bible (BSI)

²¹ Kha mihai khan, “Irchutirtu ni thu’nsîr le ni thu irchutir hi a dik ti kin inhriat; tukhom inza bîk nei ual loiin Pathian thu dik tak nir chutir ngai.

LUKA 20:21 ပူးပေါင်းရင်းမြစ်များ

2 THURCHI SUINA 19:7

Rengpa kha chi unglân, irdîn takin itinrêng tho roi, Rengpa ei Pathian chu mi huanghai, theibîk neihai, thamna neihai hi a inuam loi a ni,” a ti ngaia.

JOBA 34:19

Hruaituhai khom indit bîkhai ual maka, Mi irchonghai khom inrianghai nêkin en irsânghai mah. Ama kut suak ving an nia.

INPÂKNA HLAHAI 12:2

Mi tinin an bômhai kuang thu ite ni loi mai mai an insîr ngai: Mi inpâk pai pai hmûr le huangna milung irputin thu an insîr ngai.

INPÂKNA HLAHAI 55:21

A bâi chu sahriak angin a tora, A milung chu irdoina a nia: A thuhai chu sahriak nêkin ar nâla, Khannisianlân khandai phôisaihai a ni.

MATHAIA 22:16

Khan, an irchutir senkhathai le Heroda pâla mi senkhathai a kuang an tîra, kha mihai khan, “Irchutirtu, thutak nin sîr ngai ti kin inhriat tukhom uksak ual ngai mak chea, tukhom theibîk loiin mihriam ta hranga Pathian lungdo thutak kha nir chutir ngai.

MARKA 12:14

A kuang an hong tungin chu, “Irchutirtu, mi dik tak ni nia, tukhom ngaisak bîk nei mak che ti kin inhriata, tukhom hnôl ual loiin thei dôrin Pathian thu mi nir chuhai ngaia, khan, Kaisara kuanga khâzana chôi hi mo a’rthiang, irthiang ma mo? kin ipêk hrang mo, kin ipêk loi hrang mo?” an tia.

LUKA 20:20

Khanchu, zoro’nchum an irdîp chaka. Ramoptu roirêlna le ar chamneinaa an tung theina hrangin a chong insuala chel hrangin enirchiktu senkhat mi dik anga inlang, an tîra.

LUKA 20:22

Kaisara kuang khâzana kin ichôi hrang mo, chôi loi hrang mo? nin hril roh,” tiin an irdona.

JOHANA 3:2

Zân khat chu Jisua kuang a honga, a kuang, “Rabbi, Pathian itîr irchutirtu ni nih ti kin hriat, Pathian an chunga a om no’n chu tukhomin ni irsinsiana sinirkhêl tho ang hi tho thei no nihai,” a tia.

2 KORINTH 2:17

Mi tamtak chu Pathian thu hi irvaina hmang an iom ang khan, keini chu hmang ma ung. Pathianin a ni tîrna sikin Krista zuituhai ang khan Pathian mit hmua dik takin kin ichong a ni.

GALATIA 1:10

Khante! mihriam inlômtir mo ki itum Pathian inlômtir mo? Mihriam lôm lam insîr tumin ki ihong ma ni? Mihriam inlômtir tum ni inlân Krista suak ni no ning.

GALATIA 2:6

Hruaitu poimo nia inlanghai, an ni tak tak le ni loi, ki ta hrangin danglam ual mah, Pathianin pên tiang inlang dân vai ngaisâng ma, hihai luan insîr hrang ite nei mahai.