LUKA 2:47 - PATHIAN LEKHABU IRTHIANG C.L. Bible (BSI)

⁴⁷ A vâr le a sâm theizia an inhriatin a sân ar khêl an tia.

LUKA 2:47 ပူးပေါင်းရင်းမြစ်များ

INPÂKNA HLAHAI 119:99

Ni’rchutirtu murdi nêkin inhriat thiamna ki nei ual a ni, Ni nir chûtirna ki ngaitua ngai sikin.

MATHAIA 13:54

a omna khua tiang a kîr nôka, Sinagoka khan a’rchutirhaia; a thu’nsîr inhriat dôrin chu an irngai a’rkhêl tâka, “Hi mi hi vârna le sinirkhêl sin theinahai hi khô taka a ihmu ma ni?

MATHAIA 22:33

Mipuihaiin an inhriatin a irchutirna kha ar khêl an ti tak taka.

MATHAIA 7:28

Jisua’n kha thu kha an sir zoiin chu mipuihaiin a thu irchutir kha a sân ar khêl an ti.

MARKA 1:22

Mi a irchutir dân inhriat murdihai khan ar khêl an ti oka. Dân irchupuhai ang ni loia, thuneina nei taka anni kha ar chuhai sikin.

MARKA 11:18

Khan Ochai inlalhai le Dân irchutirtuhaiin kha kha an inhriatin, an that theina hrang lampui an zonga. Ama kha a sân an chia, asan chu mipuihai khan ar chutirna kha ar khêl an ti zap sikin.

MARKA 6:2

Sabat ni a hong nia, Sinagoka khan mi a hong irchutir phut tâka; mi tamtak an oma, a thu an inhriatin chu ar khêl an ti tak taka, “Hi hi kho tak ata a inhriat ma ni? A kuang vârna khom ipêka a iom hi? Itin mo sinirkhêl a itho thei hi te?

LUKA 2:18

An hriatpu dôrin belrapuhai thu’nsîr kha ar khêl an ti tak taka;

LUKA 2:46

A sûn thum ni’n chu Tempila, irchutirtuhai kuang lei toiin an hong hmu tâka; an thu a lei irngai le lei irdonhaiin an va hmu tâka.

LUKA 4:22

A chongbâi suak, lungkham thu insîrin, an lungrîl a tôna, ar khêl an tia, “Hi mi hi Josefa nâipa ni ma mo?” an tia.

LUKA 4:32

Irchamnei takin ar chuhai sikin a sân an irngai ar khêl tâka.

JOHANA 7:15

Judahai khan, “Hi mi hi irchu loiin itin mo lekha a ithei?” an tia, a sân ar khêl an tia.

JOHANA 7:46

Enkolpu sipaihai khan an sâma, “Hi pa thu’nsîr ang hin tûte’n thu lan sîr ngai mahai,” an tia.