LUKA 2:14 - PATHIAN LEKHABU IRTHIANG C.L. Bible (BSI)

¹⁴ “Anchungtaka khin Pathian roiinpui takin om sianlân, Irnênga a lômhai kuang irngeina lêng ri se,” an tia.

LUKA 2:14 ပူးပေါင်းရင်းမြစ်များ

ISAIA 44:23

Irvânhaio, lômin zâi roi, Rengpa’n sin a itho a ni ta, irnêng rîlhai khom khêksuak unglân, Ram le thing om murdihaio, khêk murin om ta roi. Jakoba chu Rengpa’n a’rtansuaka, Israelhai laia nin chôiindôm sa tâk.

ISAIA 49:13

Irvânhaio, râifân takin khêk unglân, irnêng chung khom hi lômin khêk sa ri se. Tânghai khom lômin khêksuakhai sian, Rengpa’n a mihai chu irtharngam a saka; dengthei hranghai chu an renhai ngai.

ISAIA 57:19

Ram tin tâng tin hrangin irngeina, irngeina, ki mihai chu indamtirhai ki ti. Rengpa bâiin a ti.

MIKA 5:5

Khan, hi mi hi ei irngeina ni a ta; Assuria mi kha ei rama hong a ta, ei rêng inhai a hong sir tika chu, ama doi hrangin belrapu sari le mi roiinpui kiriat inthang suak ei ti.

MATHAIA 21:9

Mipui Jisua maton tianga fehai le a hnung tianga zuihai khan, “Davida Nâipa kuang, Hosana! Rengpa irhminga hong chu inpâkin om ri se. An chung taka khin Hosana!” tiin an khêka.

LUKA 1:79

irvân ata vârin, inthim le thina dâihlim hnuaia omhai êl invâr a ta, Irtharngamna lama kal nin chôitir a ti,” a tia.

LUKA 19:38

“Rengpa irhminga hong chu, inpâkin om ri se, Irvâna irngei lêng sianlân, Anchungtaka khin roiinpuina om ri se,” an tia.

LUKA 2:13

Voikhat rengin vântîrtôn kôla khan irvân mipuihai an zuang om mur tâka, Pathian an inpâka.

LUKA 2:15

Khan, vân vântîrtônhaiin an rotsan le chu belrapuhai khan, “Thoi, Bethlehem-a fe ei ti, Rengpa’n thu a ni ihril, zuang tung kha lei va en rei,” an tia.

LUKA 3:22

Irtha Irthiang chu taksa irputin a chunga vasu angin a zuang chuma, irvân ata hnuk irhai a zuang suaka, “Ki Nâi lungthung tak ni ni; ni chunga ki lôm tak tak,” a zuang tia.

JOHANA 14:27

Irtharngamna nangni ki mâk pe, keima irtharngamna kêng nangni ki ipêk; rammualin a ipêk ang ni loiin nangni ki ipêk a ni. Nin milung dûk tong no ri se, chi khom chi no ri se.

JOHANA 17:4

Thil tho hrang ni ni ipêk kha ki tho zoia irnênga hin nang ki chôiindôm ta.

JOHANA 3:16

Pathianin rammual lung a thung tak taka, khanchu, a Nâipa khât neisun a pêka, ama iam tâk ka chu irhmang loia kumtuang hringna an neina hrangin.

TÎRTÔNHAI SINTHO 10:36

Ama khan irtharngamna Thurchi Sa Jisua Krista, mi tinhai Rengpa bâia insîrin Israelhai an pêltir ti nin inhriat, Jisua chu mi murdi Reng a ni.

ROM KHUAA MIHAI KUANGA TÎRTÔN PAULA LEKHATHON 5:1

Khasikin iamna sika thiam ei chang tâk sikin, ei Reng Jisua Krista zâra Pathian le irngeiin ei om ta.

EFESI 1:6

A lungkhamna roiinpui tak sika a Nâipa lungthunga thilmanboi pêk sikin Pathian inpâk ei ti.

EFESI 1:9

Pathianin a lungdo irthup Krista zâra zoi a itum kha zoiin a nin hriattir ta.

EFESI 2:4

Khannisianlân, Pathian khonzana kha a itamin a milung ni thungna kha a ilian a ni,

EFESI 2:7

Khahai murdi a thôna san chu zoro la hong hranghaia Krista Jisuaa lungthungna a inlanga a lungkhamna lian bîkzia kha an hmutir theina hranga a ni.

FILIPI 2:11

Pa Pathian roiinpuina hrangin mi tinrêngin, Jisua Krista kha Rengpa a ni tiin lan puang an ti.

FILIPI 2:13

Ama nuamlam tho tum hrang le tho thei hranga nangnia sintu kha Pathian a ni.

KOLOSA 1:20

Krista sikin Ama leh a’rngeitir nôka, Krosa a Nâipa thisen khan irngeina a siama, Krista sika khan irnênga omhai, irvâna omhai kha Ama leh irngeina a siam ta.

2 THESALONIKA toc2 2 THESALONIKA 2:16

Khanchu, ei Rengpa Jisua Krista, Pathian ei Pa, lung ni thungpu, a lungkhamna sika kumkhua’n irtharngamna le sabeina sa ni pêktu khan,

THUPHUANG 5:13

Khabana, irvân le irnêng chung le irnêng hnuai le tuikhangliana thilhring tinrênghai le rammual sûnga thilhring om murdihaiin, “Rengtoihmuna toitu le Belrate kuanga khan, Inpâkna hai, chôiindômna hai, roiinpuina hai le sinthotheina hai, kumtuangin om ri se,” ti hla an isak kin hriat sa.