LUKA 19:27 - PATHIAN LEKHABU IRTHIANG C.L. Bible (BSI)

²⁷ Khan, hi ki râlhai inlal hranga ni inuam loituhai hi, hong hruai unglân, ki makunga that roi,” a tia.

LUKA 19:27 ပူးပေါင်းရင်းမြစ်များ

2 SAMUELA 23:7

A tôntu hrang khan thîr hriamhrei le ufei ngul a ihmang ngêt hrang a ni; khanchu an hmuna hâlirvôm ving ni an ti,” tiin a hrila.

INPÂKNA HLAHAI 109:20

Kha kha mi doituhai le ki hringna hrilsiattuhai Rengpa a thuanna a ni.

INPÂKNA HLAHAI 2:9

Anni kha thîr khianghrolin inkhoi ni ta, Pil bêl angin anni kha khoi irnôitir chit ni ti,” a tia.

ISAIA 66:14

Ama kha nin hmu tena chu lômin hong har thei nin ta, ilhling incher thar angin irnoi nutin om nin ti. Kei Rengpa hin ki siahlohai ki changpuihai ngaia, ki râlhai chunga ki ning an mur ngai ti inhre ta nin ti.

ISAIA 66:6

Khopui sûnga irhâi om chu, Tempil sûnga irhâi chu imo a inih ta? Rengpa phuba lâk irhâi a ni, a râlhai a ithuanna a ni.

NAHUMA 1:2

Rengpa kha nunse Pathian le phuba lâk hmang mi a ni; Rengpa khan phuba a lâka, ninginmurna’n a isip a nih; Rengpa khan a doituhai chunga phuba a lâka, a râlhai ta hrangin ningmurna a irtingtir a ni.

NAHUMA 1:8

Ama doituhai rêk chu tuilian irkhêl tak hmangin inboitir zit a ta, a râlhai kha khua inthima irzûl lût a ti.

MATHAIA 22:7

Reng kha a sân a ning an mura, khasikin a sipaihai a tîra, kha mi thathai kha an thata, an khua khom an hâl pehai tâka.

LUKA 19:14

Khan, kha khuaa mihai khan an hnôla, “Hi pa hi rêng hrangin nuam ma ung” ti hrangin palai an tîr zui sa zôia.

LUKA 20:16

“Hong a ta, irhuan enkoltuhai kha that irhmanghai a ta, irhuan kha mi danghai pe a ti,” a tia. Kha thu kha an inhriatin chu, ‘Kha tenpa bâk kha chu tho tet no ni,’ an tia.

LUKA 21:22

Pathian thubua irziak a hong tung indik theina hrangin, kha nikhuaa chu ‘Phuba lâk nihai,’ ni a ti.

LUKA 21:24

Khandaiin thi an ta, nam tin kuang suaka hruai indarin om an ta, khan, Jentailhai zoro a mong mâka chu Jerusalem hi Jentailhai isirbe ni a ti.

HEBRAI toc2 HEBRAI 10:13

A râlhai Pathianin a ke zapha siana’n a siam pe mâka chu ama khan a inghâk mai a ni.

1 SAMUELA 11:12

Khanchu Israel mihaiin Samuela kuang, “Tuhai mo an ini, Saula hin ei chunga thu a inei hrang ma ni? tituhai kha? kha mihai kha hong hruai suakhai unglân, lei thatpaihai kin ti,” an tia.