LUKA 18:23 - PATHIAN LEKHABU IRTHIANG C.L. Bible (BSI)

²³ Kha thu kha a hong inhriatin chu a sân a char a dong tâka irchongpa a ni sikin.

LUKA 18:23 ပူးပေါင်းရင်းမြစ်များ

EZEKIELA 33:31

Khasikin ki mipuihai chu i thu mo ni ihril hrang tih irngai hrangin an irbûm ngai, khannisian tho hranga ni ihrilhai chu tho ngai mahai. Ni thuhai chu hla papai angin an bêa, khannisian an huatirhamna lampuihaia khan an fe mai ngai.

MATHAIA 19:22

Ruathartepa khan kha chong kha an hriatin chu chardong takin a rot ta, mi irchongtak a ni sikin.

MARKA 10:22

Khapa khan kha chongbâi kha an hriatin chu, a hmâi a môk rupa, milung inzîng takin a rota, sum tamtak nei mi a ni sikin.

LUKA 12:15

Khan an kuang, “Irdîn unglân, irzukna tinrêng ata irdîn roi, mihriam hringna bi hi irchon lâmkhîl sika ni mah,” a ti pehaia.

LUKA 18:22

Kha kha an hriatin Jisua’n a kuang, “Lam inkhat ni la’rsam; ni inei murdi zuarin lân, inrianghai sem roh, khanchu, irvâna irchon nei ni ti; khan, hongin lân, ni zui roh,” a tia.

LUKA 18:24

Jisua’n ama kha a hmu’n, “Irchonghai ta hrangin Pathian Rama lût an tak vang na!

LUKA 19:8

Zakai kha a ngîra, Rengpa kuang khan, “Irngai ta, Rengpa, ki sum chimrip mi’nrianghai pe ki ta; tu chunga khom dikloi taka ki lei ilâkpai pe a omin chu a bâk minli’n tuam nôk ki ti,” a tia.

LUKA 21:34

“Khanchu, nuam le ninga omhai, zu’nrui hai, a nitin om dân ngaituana hai, nin lungrîla a sip nona hrangin irdîn roi.

LUKA 8:14

Hloiilhlingnei laia tâkhai chu thu kha an inhriata, a hong irsôna, khannisian dam sûng hringnun inhoinahai le irchongnahai khan a hong dîpa, ra puihling a insuak ngai loi a ni.

EFESI 5:5

Irdit uar hai, mi porinche hai, mi huatirham (Kha kha millim biak tihna a ni); kha mihai khan Krista le Pathian Rama khan dongtum nei viat mahai ti inhre fel roi.

FILIPI 3:8

Kha vai kha ni mah, ki Rengpa Jisua Krista inhriat hi a sân a hlua, itinrêng hi inchânna ki bê tâka, Krista kha ki nei theina hrang le ama leh pumkhat kin ni theina hrangin, ama sikin itinrêng kin chân tâka.

KOLOSA 3:5

Nin rammual om dân sual: irditna hai, porinchena hai, hurna hai, irzukna sual hai huatirhamna hai (kha kha millim biakna a ni,) hihai hi thatpai roi.

1 JOHANA 2:15

Rammual hi lungthung no unglân, rammuala thil omhai khom lungthung sa no roi, Tukhomin rammual hi lung a thungin chu, Pa lungthungna a inei loi a ni.