LUKA 18:13 - PATHIAN LEKHABU IRTHIANG C.L. Bible (BSI)

¹³ “Khâzana irfuangtu chu inhnung tiang a ngîra, irvân tiang khom tang ngam maka, ‘O Pathian, keima mi sual hi lung nin kham roh,’ tiin a rôp ar chûm tâka.

LUKA 18:13 ပူးပေါင်းရင်းမြစ်များ

2 SAMUELA 12:13

Davida khan Nathana kuang, “Rengpa chunga thil ki tho insual tâk a ni,” a tia. Nathana’n, “Rengpa khomin nang an za ta, thi no chi ni.

2 THURCHI SUINA 33:19

Reng Manasea chongchaina le Pathian isâmna hai, a irlet zoia thilsual a ithohai thurchi, nam dang pathian biakna hmun irsânghai, Aseri irlim sina, a millim inluan a ibiakna thu hai, deipuhai thurchi irziakna bua a chuang sa ving a ni.

2 THURCHI SUINA 33:23

Khan, a pa angin irngaiintômna nei maka, Rengpa tiang irhei nuam maka, a pa nêkin a isual ual a ni.

EZRA 9:6

“O ki Pathian, nangma tianga hor hei hi kin zaka, ki hmâi a isen hlut hlut ngai a ni, ki Pathian, kin inchâinahai chu ni delpha thei rakin a punga, kin thei loinahai hin irvân a suna.

JOBA 42:6

Khasikin ki irtir tâk a ni, nêngpila toiin, Vâiphin irthu’n ki irsîr a ni ta, a tia.

INPÂKNA HLAHAI 106:6

Kin irchibulhai angin thil kin tho’nsual tâka; Thilsual kin sina, sual takin kin om tâka.

INPÂKNA HLAHAI 119:41

O Rengpa, ni lungkham lianna chu Ki kuang zuanga inlangtirin lân, Ni chonginkung ang takin ni saninhring roh.

INPÂKNA HLAHAI 130:7

O Israelhai, Rengpa chu tûng roi, Rengpa kuang khan lungkham lianna a oma, a kuanga khan irtanna a om.

INPÂKNA HLAHAI 25:11

O Rengpa, nir hming sikin ki sualhai ngaidamin lân; a natinsat tâk a ni.

INPÂKNA HLAHAI 25:7

Ki thoibop lai sualnahai le insiatnahai kha inhre mai no’n lân; O Rengpa ni satna sikin, Ni lungkhamna sikin nin hre mai roh.

INPÂKNA HLAHAI 40:12

Thil saloi tep zoi loi khan a ni hual vêla, ki tho’nchâinahai khan a ni’rzûl phâka, Khanchu hmu thei ta ma unga; kha kha ki samzâihai nêk khomin a tam uala, ki milung hi a’rzal ta.

INPÂKNA HLAHAI 41:4

Keima’n, “O Rengpa, lung nin khamin lân, ki hringna hi indamtir roh, Ni chunga thil ki tho’nsual tâka,” ki tia.

FESUAKNA 33:10

Sûm ir-al kha puan in mikota khan an hmu le chu mipuihai an lu an kûn ngaia;

ISAIA 1:18

Rengpa khan, “Thoi hong roi lei ngaitua irhlôm rei! Nin sualhai kha seninlâr angin om ta khomsian, ivur angin la vâr a ta; senduk angin sen ta khom sianlân, belra mul angin om ta a ti.

ISAIA 6:5

Keima’n chu, “E hei! ki ithi a ni ta! hmûr saloia sip, hmûr porinchea siphai laia om, Anchungtak itinrêng Rengpa chu ki mitin ki hmu ta,” ki tia.

ISAIA 66:2

Thil tinrêng hi keima kut ngêia ki isiam an nia, khanchu an hong oma, Rengpa thusuakin a ti. Ki ihmu nuamhai hi tuhai moh an ini? Lungrîla irngaiintôm le irsîra ki hê lâkhai hi kêng an ini.

EZEKIELA 16:63

Ni sintho murdihai ki ngaidam zit tika inhriat ni ta, ni hmâimôk rup a ta, inzak sikin ni bâi a kak thei ta loina hrangin,” ti hi Rengpa pathian thusuak a ni.

DANIELA 9:5

Ni thupêk le roirêlnahai ata rotsanin kin suala, dikloi le felloi takin kin tho tâka;

MATHAIA 10:3

Filipa le Bartholomaia; Thoma le khâzana irfuangtu Mathaia; Alfaia nâipa Jakoba le Thadaia;

MATHAIA 6:5

“Nin chongchai khomin mi vârirlethai angin tho no roi; mi’n an hmu theina hrangin Sinagok haia, kholaidung haia, ngîr puma chongchai an ngaipoimo ngai. Thudik nangni ki hril, an lômman chu an hmu zoi ta.

MATHAIA 9:13

Pathian Thubu’n, ‘Irbôlna zong ma ung, lungkhamna kêng ki inuam’ a iti hi fe unglân, a omzia va irchu roi, mi felhai irlam hranga zuang ni ma unga, mi sualhai irlam hranga zuang kêng ki ini,” tiin a sâma.

MARKA 11:25

Khan, chongchai hranga nin ngîr rikipa, tu chunga khom nuarna nin nei khomin ngaidam roi, nin pa irvâna mi khomin nin inchâinahai nangni a ngaidam theina hrangin.

LUKA 17:12

Khua inkhata a lûtin chu, phâr sômkhat an honga; hla vita an ngîra;

LUKA 22:41

Lung dêng phâk ten vêla, a bingin a va fea, khûksadelin a chongchaia.

LUKA 23:48

Kha thîr hranga mipui hong irbukhai khan thil omzia kha an hmu’n, beidongin an rôp irchu chûmin an kîr nôk tâka.

LUKA 5:8

Khan, Simon Petera’n thil omzia a hmu’n chu, Jisua kuang khûksadelin, “Rengpa, ni masan roh, mi sual kêng ki ni,” a tia.

TÎRTÔNHAI SINTHO 2:37

Khanchu, kha thu kha an inhriatin chu an lungrîl a sân a tôna, Petera le tîrtôn danghai kuang khan, “Urênghaio, imo kin itho hrang tâk?” an tia.

ROM KHUAA MIHAI KUANGA TÎRTÔN PAULA LEKHATHON 5:8

Aniachu Pathianin lung a ni ithungna an langna chu, mi sual ei ni lai ata Krista kha ei ta hrangin a zuang thi tâka!

2 KORINTH 7:11

En u ta, nin lungdûknaa Pathian sintho hi, sathnem irngaina nangni an neizia hai, nin irthiangzia fia nin nuam dân hai, ninginthikna hai, irningna hai, ngaituana hai, irpêkna hai, tho’nsualna hai dengintheina hai hranga nin irsiam dân hai kha! kha thu rêng rênga khan nangni chu sêlna om mak chêi ti nin inlang a ni.

1 TIMOTHEA toc2 1 TIMOTHEA 1:15

Krista Jisua kha mi sualhai saninhring hrangin rammuala a zuang tih hi a dikin pomrua tak a nia, anni laia kei hi a sual tak ki ni.

HEBRAI toc2 HEBRAI 4:16

Tho, khasikin za’rngaina le changpuina ei intak tika ei hmu theina hrangin Pathian lungkhamna rêngtoihmun kha hâi takin pan ei ti.

HEBRAI toc2 HEBRAI 8:12

An sualhai ngaidam ki ta, an inchâinahai inhre mai ta no ning, Rengpa’n a ti,” tiin.