LUKA 17:25 - PATHIAN LEKHABU IRTHIANG C.L. Bible (BSI)

²⁵ Khannisian, atûnlai mihai hin la hnôl an ta, thil tamtak a ituang masa hrang a ni.

LUKA 17:25 ပူးပေါင်းရင်းမြစ်များ

ISAIA 53:3

Ennuam om loitak, mihai ihnôl, mihriam chuk loi, natna tuang chuan chuan, dam nî nei loi, Mi tin imâksan, ennuam loitak, ite bêa ei ibe loi chu a ni.

MATHAIA 16:21

Kha zoi ata chu Jisua’n a irchutirhai kuang fel takin thu an sîra, “Jerusalema a fe hrang thu hai, upa hai, Ochai inlalhai le Dân irchutirhai kuta a tuang hrang thu hai, thatpaia a om hrang thu hai le sûn thum nia kaithoia a om hrang thu hai kha,” a irchutirhai a hril irphut tâka.

MATHAIA 21:42

Jisua’n an kuang, Pathian lekha thu’n, ‘In sintuhaiin lung an ipai, hmang hmunboia an ibe kha, A kila lung poimo tak a hong chang ta. Ama kha Rengpa itho a ni; Ei mit hmua hin a irkhêl a ni!’ a iti hi nin itep ngai loi ma ni?

MARKA 10:33

“Irngai u ta, Jerusalema ei hong ife nôk hrang a ni hi; Mihriam Nâipa hi Ochai inlalhai le Dân irchutirtuhai kuta incheltirin om a ti. Thi hrangin rêlinchuk an ta, kha hnung chu Jentailhai kuta pêk an ti.

MARKA 12:10

Hi Pathian thu hi nin itep loi ma ni? ‘In sinhaiin lung an ipai, hmanghmunboia an ibe kha. A kila lung kâmom tak a hong ni ta.

MARKA 8:31

Khan, a irchutirhai kuang, “Mihriam Nâipa’n intakna tamtak a ituang ngêt hrang thu hai, upahai, Ochai inlalhai le Dân irchutirtuhaiin an ihnôl hrang thu hai, an ithat ngêt hrang thu hai, sûn thum hnunga a ithoinôk ngêt hrang thu hai,” ar chutir irphut tâka.

MARKA 9:31

A irchutirhai kha a hrila, an kuang, “Mihriam Nâipa hi mihriamhai kuta incheltirin om a ta, that an ti; khan an that hnung sûn thum tena thoi nôk a ti,” a tia.

LUKA 18:31

Sômhleihnihai kha an bingin a hruaihaia, an kuang, “Irngai u ta, Jerusalema ei ife hrang a ni; Mihriam Nâipa chungchâng thu deipuhai hmanga irziak murdi kha tung irkip a ti.

LUKA 18:33

Zêm an ta, that an ta; sûn thum ni’n thoinôk a ti,” a tia.

LUKA 24:46

An kuang, “Krista khan tuang ngêt a ta, sûn thum ni’n mithi lai ata thoi nôk a ti,

LUKA 9:22

An kuang, “Mihriam Nâipa hi upahai, Ochai inlalhai, Dân irchutirtuhaiin, hnôl an ta, dengintheitir an ta, that an ti, khan, sûn thum hnunga chu hringin thoi nôk a ti,” a tia.

JOHANA 1:11

Ama ram ngeia a zuanga, aniachu ama mihaiin lei lôm mahai.

JOHANA 12:38

Deipu Isaia’n: “Rengpa, kin thu’nsîr tu’n mo iam? Rengpa sinthotheina kha tu kuang mo an lang?” a iti kha a hong tung theina hrangin.

1 SAMUELA 10:19

Khannisian a vuan nin milung inzîngnahai le nin dengtheinahai ata nangni inzôkpu nin Pathian kha indit mak chêia, a kuang rêng ni siam pe roh nin tia,’ tiin. Khasikin, atûn ar chi le a panamin Rengpa makunga hong inlang roi,” a tia.

1 SAMUELA 8:7

Rengpa khan Samuela kuang, “Mipuihaiin ni kuanga an iti hi irngai ro; nangma nang an indit loi ni maka, an chunga rêng chang hrangin keima hi an ni indit loi a ni.