LUKA 17:2 - PATHIAN LEKHABU IRTHIANG C.L. Bible (BSI)

² Hi mi chîntehai laia inkhat khom hi an tûktir nêkin chu bu nôina lung lianpa a ringa inhlitira, tuikhangliana inthâk ni sian a ta hrangin sa ual a ti.

LUKA 17:2 ပူးပေါင်းရင်းမြစ်များ

ISAIA 40:11

Belra hrungtu angin Belrahai infâhai a ta, a têhai chu pomhaiin, a puihai hruaihai a ti.

ZAKARIA 13:7

Khan Sipaihai Rengpa’n hiang hin a hrila, “O khandai, harin lân, keima ta hrang sinthotu belrapu kha that roh. Ama chu thatin lân, belrahai chu irthekindarh an ti.

MATHAIA 17:27

Khannisianlân, hi mihai lunghoi loia an iom hi nuam ma ung, khasikin dîla fe’n lân, irkuai chôiin lân, nga ni iman masa tak bâia khan ei ruaia Tempil khâzana ei ichôi ruk bak sum hmu ni ti. Kha kha hong chôiin lân, ei chôi tum kha an kuang va pe roh,” a tia.

MATHAIA 18:10

“Hi mi chîntehai laia inkhat lua hi hmusit loi hrangin irdîn roi, irvâna vântîrtônhaiin ka Pa irvâna mi, hmêl an hmu mai ngai ti nangni ki hril a ni.

MATHAIA 18:14

Khaang dênin, hi mi chîntehai laia inkhat irhmang khom hi nin Pa irvâna mi nuam mah.

MATHAIA 26:24

Mihriam Nâipa hi a thurchi an irziak ang takin a ife hrang a ni; khannisianlân, Mihriam Nâipa incheltir hrangtu chung chu a rik; kha mihriam kha chu irsiang no sian, a ta hrangin sa ual a ti,” a tia.

MARKA 9:42

“Tukhom, hi a ni iampu chîntehai laia inkhat khom intûktir ka chu, an ringa bu nôina lung liantak inhlitirin tuikhangliana inthahai sian, a ta hrangin sa ual a ti.

JOHANA 21:15

Khan, an fâk zoiin chu Jisua’n Simon Petera kuang, “Simon, Johana nâipa, hihai nêkin nangin lung mo ni ni thung ual?” a tia. Ama khan, “O Rengpa, lung nang ki thung ti nin hriat,” a tia. Jisua’n a kuang, “Ki belra tehai infa roh,” a tia.

1 KORINTH 9:15

Khannisianlân, keima’n chu khahai kha inkhat khom ki ihmang loi a ni; atûn khom hin ki chunga khaang khan nin thôna hranga ki irziak ni viat mah. Tukhomin ki isong hi chanlamboia an isiam nêkin chu thi zel inlân ki ta hrangin a sa ual.

1 KORINTH 9:22

Hrât loi ki lâklût theina hrangin hrât loihai laia chu hrât loi angin ki om ngai. Itin tak mani, senkhathai lua ki saninhring theina hrangin mi murdi kuang thil tinrêng ki ni tâk.