LUKA 14:23 - PATHIAN LEKHABU IRTHIANG C.L. Bible (BSI)

²³ Khan a siahlo kuang, ‘Fe’n lân, lamlian haia, lam kêmhaia, mihai ki in sipna hrangin mi hong hruai inlûthai roh.

LUKA 14:23 ပူးပေါင်းရင်းမြစ်များ

INPÂKNA HLAHAI 110:3

Ni râlhai ni doi ni sûn chu Ni mihai chu mâni irchamin hong irpe an ta; Zîng irdo angin ni vânglaihai chu ni tâng irthianga khan ni kuang hong an ti.

INPÂKNA HLAHAI 98:3

Israela insûng mihai chunga a lungkhamzia le a iamomzia kha an hriat maia: Kôlkunga mi murdi khomin ei Pathian saninhringna kha an hmu tâka.

ISAIA 11:10

Kha ni tena khan chu Jesaia irchia rêng hong suak kha nam tinhai hranga irsinsiana ni a ta, a omna hong pan an ta, chôiindôm an ti.

ISAIA 27:13

Kha tena chu bekul liantak tum an ta, Assuria rama irhmang tâkhai le Aigupta an imâkhai chu hong kîr an ta, Jerusalem tâng irthianga khan Rengpa chubai mûk an ti.

MALAKIA 1:11

Misa suakna ata a tâkna dên khomin, Jentailhai laia ki’rhming kha a roiinpuia, hmun tina ki’rhming hrangin mirimhoi inhlan a ni, thilinhlan irthiang le Jentailhai laia ki’rhming a roiinpuia, Sipaihai Rengpa’n a ti.

MATHAIA 21:43

Khasikin nangni ki hril, “Pathian Ram hi nin kuang ata lapai ni a ta, ra insua hrang namhai kuang ipêk ni a ti.

MATHAIA 5:41

Khan, mêl khat nakhrâta nang hruaitu chu mêl hni zui roh.

LUKA 14:22

Siahlo khan, ‘Ka pu, ni thupêk ang khan tho a ni tâka, khan khomin hmun kha a la ôl mai,’ a tia.

LUKA 14:24

Nang ki hril, mi ki ifialhai khan inkhat luan ki hruaithe fa no nihai,’ ” a tia.

LUKA 24:29

Chong bâiin an chela, “Kin kuang riak sa ta roh, an hnung ok tâk, misa khom tâk hrang a ni ta, a inthim hrang tâk kêng,” an tia. Khanchu an kuang riak hrangin a lût tâka.

TÎRTÔNHAI SINTHO 16:15

Ama le a in mihaiin baptisma an chang zoiin chu, “Rengpa iam tak takin nin ni bêin chu ki ina hong tung roi,” tiin a ni fial ngita, a nin tûk tâka.

TÎRTÔNHAI SINTHO 18:6

Khannisianlân, Judahaiin an doia, an insîrinsiatin chu Paula’n a puan an thika, “Nin thi khomin nangni mophurna a ni ta, kei chu ki’rthiang ta. Atûn chu Jentailhai tiang irhei ta ki ti,” a tia.

TÎRTÔNHAI SINTHO 28:28

Pathian saninhringna kha Jentailhai kuang pêk a nih ti inhre roi; anni’n chu irngai irngai an ta,” a tia.

TÎRTÔNHAI SINTHO 9:15

Rengpa khan, “Fe chian roh, hi pa hi Jentailhai, rênghai le Israelhai kuang ki’rhming pe lûttu hranga ki mi inkung kêng a ini.

ROM KHUAA MIHAI KUANGA TÎRTÔN PAULA LEKHATHON 10:18

Khante, an mikuarin an inhriat ngailoi tak tak ma ni? Inhriat e: “An irhâi chu ram tina an thanga, An thu chu kôlkung dênin an thang suak ta,” ti a ni.

2 KORINTH 5:11

Rengpa chi lam kin hriata, mi kin inthêm ngai a ni. Pathianin a nin hriat infel zit, nangni khomin nin lungrîlin nin hriat infel sa nin ti ki tûng.

2 KORINTH 5:20

Khasikin Krista hranga palai kin ni. Pathianin nangni a ngênna kha keinia a ibâng a ni. Krista irthûlin nangni kin ngên: Pathianin râl nin nina irthokin a rualhaiin nangni siam ri se.

2 KORINTH 6:1

Pathian lungkhamna nin idong kha chanlamboia nin hmang inhek loina hrangin keini a sinthopuihaiin nangni kin ngên.

KOLOSA 1:23

Khanchu iamna khan om mai unglân, det taka ngîrin Thurchi Sa nin inhriat sika sabeina nin nei tâk kha irtôl irhmang no roi. Thurchi Sa kha irvân hnuaia thil siam murdi hril a ni ta, kei Paula hi kha sinthotua siam ki ni.

KOLOSA 1:28

Krista thu kha mi murdi laia kin hrila, Kristaa ei puihling chit theina hrangin vârna tinrêngin mi tin kin irchuin kin kaihruai ngai a ni.

2 TIMOTHEA toc2 2 TIMOTHEA 4:2

Thu chu hril roh, zoro saa khom, zoro saloia khom, bei mai roh; tuangdiar taka irchutir pumin an dikloina irhmutirin lân, halirchu’n lân, inthor roh.