LUKA 13:35 - PATHIAN LEKHABU IRTHIANG C.L. Bible (BSI)

³⁵ Khasikin, ‘Rengpa irhminga hong chu Pathianin satvur ri se,’ nin ti mâka chu nin Sinagok hi ram a ta, ni hmu nôk ta no chin ni,” a tia.

LUKA 13:35 ပူးပေါင်းရင်းမြစ်များ

INPÂKNA HLAHAI 118:26

Rengpa irhminga zuang chu hoi pe ri se! Rengpa ina irthokin sat nangni kin ivur a ni.

INPÂKNA HLAHAI 69:25

An omna chu hong ram sianlân; An puan inhaia khan tûte om no ri sehai.

ISAIA 52:7

Zion kuang, “Ni Pathianin roi a rêl ta,” a tia. Suaka zôkna thu lômom hmun tina inpuanga, irngeina Thurchi Sa intungtuhai ke chu en a hoi vang na!

JEREMIA 22:5

Khan ki thupêkhai nin zôm noa ni’n chu, nin kuang chong ki irkhâm a nia, hi rêng in hi la ram chit a ti. Keima Rengpa’n ki iti a ni.

JEREMIA 35:17

Khasikin atûn keima, Rengpa Israelhai Pathianin vânduaina irkhêl ki inkung kha nangni Judai ram le Jerusalema mihai chunga ki insum hrang a ni. Nin kuang thu ki hril lai khan irngai nuam mak chêia, nangni ki koi lai khan nin ni sâm nuam no sikin, hi hi ki itho hrang a ni,” a tia.

MIKA 3:12

Khasikin Zion kha nangni sika khan, loi anga lâk nôk ni a ta, Jerusalem kha thil siat om khôm ni a ta, biak in omna tâng kha ramhnuai hmun irsâng ang ni a ti.

ZAKARIA 12:10

Davida irchi suanpâra mihai le Jerusalema mihai chunga khan khonzâna le chongchai nuamna irtha chu buak ki ti. Khanchu an lei isun that tâk kha en an ta, mi’n a nâi khât a ichâ angin ama chu la châ an ti. Nâilutîr sûntuhai angin a sân la sûn an ti.

ZAKARIA 14:2

Rengpa’n nam tinrênghai chu Jerusalem doi hrangin hong hruaihai a ti. Khopui kha lâk ni a ta, inhai chu longindarh ni a ta, nupanghai chu châipui an ti. Mipui a chimrip chu sala fe an ta, khannisian a danghai kai chu khopui ata kha hruaipaiin om no nihai.

MATHAIA 21:9

Mipui Jisua maton tianga fehai le a hnung tianga zuihai khan, “Davida Nâipa kuang, Hosana! Rengpa irhminga hong chu inpâkin om ri se. An chung taka khin Hosana!” tiin an khêka.

MATHAIA 23:37

“O Jerusalem, Jerusalem! Deipuhai thattu, Pathianin ni kuanga itîra omhai lei dêng thattu! Ârpuinu’n a têhai a mitha hnuaia a iop khôm angin ni nâihai voi iza mo op khôm ki tuma, nuam mak che?

LUKA 19:41

Khan, a hong nâi uala khopui a hong hmu’n chu a chap tâka.

LUKA 21:24

Khandaiin thi an ta, nam tin kuang suaka hruai indarin om an ta, khan, Jentailhai zoro a mong mâka chu Jerusalem hi Jentailhai isirbe ni a ti.

JOHANA 12:13

tûm ônhai an chôia, a nghâk hrangin an suaka. “Hosana! Rengpa irhminga hong chu inpâkin om ri se! Israel rêng chu inpâkin om ri se!” tiin an khêk mur mura.