LUKA 13:27 - PATHIAN LEKHABU IRTHIANG C.L. Bible (BSI)

²⁷ Khannisian, ama khan, ‘Nangni ki hril, kho tianga mi mo nin ini, nangni inhre ngai ma ung; ki kuang ata rot roi, mi pualoihai!’ nangni ti nôk a ti.

LUKA 13:27 ပူးပေါင်းရင်းမြစ်များ

INPÂKNA HLAHAI 1:6

Mi felhai fena chu Rengpa khan an hriat mai ngaia; Mi siahai fena rêk chu irhmangna a ni.

INPÂKNA HLAHAI 101:8

A nitin hi rama mi siahai murdi hi inboipai ki ta; Rengpa khopui ata hi thil tho’nsualtuhai murdi inboipai hrangin. Intak tuangtu chongchaina a sôla, Rengpa makunga a lungzîng thu an sîr laia khan.

INPÂKNA HLAHAI 119:115

Ki Pathian thupêkhai ki zôm theina hrangin, Thil saloi thotuhai, ki kuang ata rotpai roi,

INPÂKNA HLAHAI 125:5

Mi siahai deng nin theitir tikin, Ni lampui hnung songhai khom hi denginthei sa roh. Israelhai chunga khan irtharngamna om ri se!

INPÂKNA HLAHAI 28:3

Mi siahai laia le thil tho’nsualtuhai laia chu Ni hnûkpai sa no’n lân; Khahai khan chu an bômhai kuang irngeina thu an insîr ngaia, Khannisianlân a milunghaia khan thil tho’nsualna a om chian a ni.

INPÂKNA HLAHAI 5:6

Milak ngaihai chu inboihai ni ta; Rengpa’n thisen insua hmang le mi huang hmang chu an tir ngai.

INPÂKNA HLAHAI 6:8

Nangni thil tho’nsual murdihaio, ni rotsan zit roi; Rengpa’n ki chap irhâi an hriat tâka,

HOSEA 9:12

An nâihai puihling khomhai sian pasal reng om loi hrangin insûntir ngêt ki ti. A ni, anni kha ki’rheisan tika chu, an chung kha rik ual a ti.

MATHAIA 25:12

Ama’n Thudik nangni ki hril, nangni inhre ma ung,” tiin a sâma.

MATHAIA 25:41

“Kha zoia chu, a vei tianga mihai kuang khom khan, ‘Khosâl tonghaio, kumkhuaa mei, diabola le a siahlohai ta hranga lei siama khan ni rotsan roi.

LUKA 13:25

In neitupa a thoia mikot a kal tâkin chu, nangni’n pên tiang ngîrin, ‘Ka pu, mikot nin hong roh,’ tiin van tôk khom unglân ama khan, ‘Kho tianga mi mo nin ini nangni inhre ma ung,’ tiin nangni lei sâm a ti.

1 KORINTH 8:3

Khannisian, tukhomin Pathian lung a thungin chu kha mi kha Pathianin a inhriat a ni.

GALATIA 4:9

Atûn chu Pathian nin hong inhriat tâka, Pathianin nangni a hong inhriat tah ti hrang a ni. Itho sikin mo rammual irchutirna dikloi mai maia, ite ni theiloihai tiang nin irheia an suak ni nôk nin inuam tâk?

2 TIMOTHEA toc2 2 TIMOTHEA 2:19

Khannisian, Pathian lungphûm det tak kha chu inhnîng thei ma, ama khan hi chong hi irziak a om: “Rengpa’n ama tahai chu an hriat,” iti le “Tukhom Rengpa ta ki nih ti murdi’n chu sual hnung a isongsan ngêt hrang a ni,” ti hi.