LUKA 12:28 - PATHIAN LEKHABU IRTHIANG C.L. Bible (BSI)

²⁸ Khanchu, ram hloisûl, a vuana hring, nangtûka meia tuah nôk hrang lua Pathianin khaang dôra a’rvôtirin te, o nangni iamna tômhaio, khahai nêkin nangni irvôtir no ni mo!

LUKA 12:28 ပူးပေါင်းရင်းမြစ်များ

ISAIA 40:6

Irhâiin, “Khêk ro,” a tia. Ama’n chu, “Imo ki iti hrang?” a tia. Mihriamhai hi sûlhring an nia, an roiinpuinahai khom sûl pârhai ang hi a ni.

MATHAIA 14:31

Jisua’n a hei inbana, an tûk zôi tâka, a kuang, “Ni iamna a tôm bâka! Itho sika mo lung ni irhlatir?” a ti pea.

MATHAIA 16:8

Jisua’n an insîrhai chu an hriata, an kuang, “Nin bai chôi no thua itho mo nin binga nin irngaitua? Nin iamna a tôm bâka!

MATHAIA 17:17

Khan, Jisua’n, “Iti hraia iamna boi mo nin ini tâk! Idôr ten mo nin kuang omin nangni ki ingaitua thei hrang? Nâipangtepa kha ki kuang hong hruai roi!” a tia.

MATHAIA 17:20

Jisua’n an kuang, “Nin iamna tôm sika a ni. Thudik nangni ki hril, iamna ancham ru dôr nin neiin chu hi tâng hi, ‘Hitak ata, so son irson roh ti nin ta,’ irson a ti. Tho thei loi zel nei no chin ni,” a tia.

MATHAIA 6:30

“Khanchu, ram sûl, a vuana hring, nangtûk zînga meia tua nôk zel hrang lua Pathianin khaang dôrin a’rvotirin te, O nangni iamna tômhaio, khahai nêkin chu nangni irvôtir no ni mo?

MATHAIA 8:26

Jisua’n an kuang, “Itho mo ang dôra nin ichi? Iti hraia iamna tôm mo nin ini!” a tia. Khanchu, a thoia, phâivua le tui irsok kha irngam hrangin thu a pêka, kha hnung chu a dâi dup zôi zel tâka.

LUKA 8:25

Irchutirtu khan an kuang, “Kho mo nin iamna?” a tia. An chia, ar khêl an ti tak taka, “Hi mi hi tu mo a ini? phâivua le tui ten khom thu a pêka, an i-zôm hi.” an irti irhlôma.

HEBRAI toc2 HEBRAI 6:7

Irnêng, a chunga rotui tâk ngai lei donga, a neitu ta hranga chîmu fâk rua insuak tâk chu Pathianin sat a vur ngai.

1 PETERA toc2 1 PETERA 1:24

Pathian Thubu’n, “Mi murdi hloisûl ang an ni, An roiinpuinahai khom hloisûl pâr ang a ni, Hloisûl chu a chuaia, A pârhai chu a tâka.