LUKA 12:2 - PATHIAN LEKHABU IRTHIANG C.L. Bible (BSI)

² Ite thupsua thei ni mah, an lang nôk zel ngai, ite inhriat loi hranga ip om mah, inhriat suak a ni nôk ngai.

LUKA 12:2 ပူးပေါင်းရင်းမြစ်များ

THUHRILTU 12:14

Pathianin sintho murdihai chunga roi a la rêl hrang a nia, thil irthup tinrêng, a siat mani, a sa mani tihai khom hi.

JEREMIA 16:17

Keimaa irthokin ite ar thup thei om maka, an sualnahai chu ki mithmua an lang loi zel om mah.

HOSEA 8:13

Ki ta hranga thil inhlan irbôlnahai chu hmê an inhlana, an fâka; khahai kha Rengpa’n pom mah: khanchu an pualoina an hriat maia, an sual a hrema, anni kha Aigupta rama kîr nôk an ti.

MARKA 4:22

Inpuang loi hranga thup ite om maka, inlang loi hranga thuppai khom ite om sa mah.

LUKA 8:17

Ite phuang nôk loi hranga thup om mah, inhriat loi hrang le inlang loi hrangin ite ithup om ual mah,

ROM KHUAA MIHAI KUANGA TÎRTÔN PAULA LEKHATHON 2:16

Pathianin mi tinrêng ngaituana irthup Jisua Krista hmanga a rêl niin chu Thurchi Sa ki insîr anga hin rêl a ti.

1 KORINTH 4:5

Khanchu Rengpa zuang nôk mâka chu a zoro loia tûte insîr insiat no roi. Rengpa zuang mâka chu, ama’n inthima thup irhmanghai chu ivâra hong inlang an ta, lungrîla tumna irthuphai khom inlang sa a ti. Khanchu, mi tinin mâni irphu tôka Pathian inpâk hlo seng an ti.

2 KORINTH 5:10

Mi tinin taksaa sinthohai, a sia mo, a sa mo, ei itho ang taka ei hmu theina hrangin Krista roirêlna toihmun makunga khan inlangin ei iom zit hrang a ni.