LUKA 11:4 - PATHIAN LEKHABU IRTHIANG C.L. Bible (BSI)

⁴ Keini khomin kin chunga tho’nsual murdi kin ngaidam ngai angin, Nang khomin kin sualhai ni ngaidam roh, Thêmnaa ni hruai lût no roh,’ ti hi,” a tia.

LUKA 11:4 ပူးပေါင်းရင်းမြစ်များ

IRPHUTNA 48:16

siatna tinrênga nin zôktu vântirtônin nâipanghai hi satvur ri se, khan ki’rhming le kir chibul Abrahama le Isaka irhming pêlin om ri sehai, rammual pumpui hi lua sipa pungin om ri sehai,” a tia.

1 RÊNGHAI 8:34

Irvân ata le’rngaiin lân, ni mihai sualna chu ngaidamin lân an irchihai ni ipêkhaina rama hin hruaihai nôkin lân,

1 RÊNGHAI 8:36

Irvân ata le’rngaitua’n lân, rênghai sualna le Israelhai sualna ngaidamin lân, thil dik tho hrang irchutirhai roh. Khanchu, O Rengpa ni mihai omna hrang ram ni ipêka hin rua inthotirin lân.

INPÂKNA HLAHAI 121:7

Rengpa khan sual tinrêng ata nang hrung a ta; Ni hringna chu hrung a ti.

INPÂKNA HLAHAI 25:11

O Rengpa, nir hming sikin ki sualhai ngaidamin lân; a natinsat tâk a ni.

INPÂKNA HLAHAI 25:18

Ki intakzia le ki lunginzîngzia hi ngaitua’n lân, Ki sualna murdi ngaidam roh.

DANIELA 9:19

O Rengpa irngai ro, o Rengpa ngaidam ro; O Rengpa irngaiin lân tho ta ro; ir-ial no ro; o ki Pathian, nangma sikin ni khopui le ni mihai nir hming pêla an om sikin,” tiin.

HOSEA 14:2

Rengpa kuanga khan kîr nôk unglân, a kuanga khan hiang hin insîr ro: a tho’nsualna murdi kha la paiin lan a sa ka kai kha pom ro; khanchu ei hmûr rahai kha sehrât chalpa irthûlin ki hong inhlan e.

MATHAIA 18:35

Khan, Jisua’n, “Mi tinin nin urênghai nin lungrîl takin nin ngaidam no’n chu ka Pa irvâna mi’n khaang dên khan nin chunga tho sa a ti,” a tia.

MATHAIA 26:41

Inthêmnaa nin lût nona hrangin irtûng chianin chongchai roi, Irtha’n chu a nuama, taksa’n a iphari loi a ni,” a tia.

LUKA 11:5

Jisua’n a irchutirhai kuang, “Nin laia mi inkhatin rual nei sianlân, zânlaia a kuang va fe’n, ‘Mala, bai tiam nin pûktir ta’:

LUKA 13:4

Khano’nte, Siloam in irsâng chimin sômhleiriat a idel thathai kha. Jerusalema mi danghai nêkin an isual bîk nin isôn ma ni?

LUKA 22:46

Thoi unglân, thêmnaa nin lût nona hrangin chongchai roi,” a tia.

LUKA 8:13

Lungpherpha chunga tâk kha, an inhriat zôi le thu kha lôm taka pom tâkhai hi an ni; khannisianlân, irzung la maka; zoro sôtnote chu an iam tâka, inthêmna an tong viat le chu an tûk nôk zôi ngai a ni.

JOHANA 17:15

“Anni chu rammual ata la suak hrangin nang ngên ma ung, mi sual ata hrung hrangin nang ki ngên a ni.

1 KORINTH 10:13

Fiana nin itong hen hi mi tong ban om ual mah. Pathian chu iam a oma, ni tuang thei bana irkhêl fiana nin chunga intungtir no ni, nin doi zoi theina hrangin fiana hong tung laiin lôitheina lampui nangni siam pe a ti.

KOLOSA 3:13

Tukhomin tu chunga khom thu’ntak nin neiin a tuang theiin, irngaidam irhlôm roi, Rengpa’n nangni a ingaidam ang khan tho roi.

2 THESALONIKA toc2 2 THESALONIKA 3:3

Rengpa chu iam a oma, ama khan nangni an hrâtin mi sualhaia irthokin nangni inzôk a ti.

2 TIMOTHEA toc2 2 TIMOTHEA 4:18

Rengpa’n sualna tinrênga irthokin ni kêlsua a ta, a vân rama khin hoi takin ni hruai a ti. Roiinpuina kha a kuang kumtuangin om mai ri se! Amen.

JAKOBA toc2 JAKOBA 2:13

Mi chunga za’rngaina nei loia thilthotu chu za’rngaina boiin a chunga roirêl pe ni a ti; khannisian, za’rngaina hin chu roirêlna an hnê ngai.

THUPHUANG 2:10

Ni tuang hranghai hi ite chi no roh. Irngai ta! nin laia mi senkhat intângna ina khumin Setana’n nangni a ifia hrang a ni. Khante, sûn sôm dengthei nin ti. Thina dênin keimaa iamomin om roh, khanchu inhnêna lômmanin hringna rêng lukhum nang pe ki ti.

THUPHUANG 3:10

Diarna thu nang ki pêk hi ni zôm sikin, irnêng chunga mihai fia hranga rammual pumpui chunga fiana zoro zuang tung hranga irthok khomin nang inzôk sa ki ti.