LUKA 11:34 - PATHIAN LEKHABU IRTHIANG C.L. Bible (BSI)

³⁴ Ni mit hi ni takpum ta hrangin meiser ang a ni; ni mit a dikin chu ni takpumpui kha invâr zit a ti; a dik no’n chu ni pumpui inthim khak a ti.

LUKA 11:34 ပူးပေါင်းရင်းမြစ်များ

IRPHUTNA 19:11

khan inkhâr kôla omhai, a chîn a lianhai mit an incho pehaia: khanchu inkhâr hmu thei loiin an siahai ta.

INPÂKNA HLAHAI 119:18

Ni dâna irthokin thudik irkhêl tak ki hmu theina hrangin, Ki mithai nin meng pe roh.

INPÂKNA HLAHAI 81:12

An lungrîl ngar sikin kin thâ tâka, an nuan lam taka om hrangin.

THUVÂRHAI 21:4

Mi siahai chu an irpâkna le an irsongna khan an lungrîl a zêka, kha kha sual a ni.

THUVÂRHAI 28:22

Mi tiksiahaiin chu irchon an irzûla, an chunga irsamna a hong tung hrang inhre phâk ngai mahai.

ISAIA 29:10

Rengpa’n inmusuna phâivua nangni insêmtir a ta, deipuhai mit a tuam pehaia, a hmutuhai lu a irkhuhai a ni ta.

ISAIA 42:19

Ki siahlo anga mitchô hi tu moh om, ki mi tîr anga kuarsêt hi tu moh om hrang? Rengpa siahlo le a mi indang anga mitcho tu moh om?

ISAIA 44:18

Annihai anga mihai kha chu an inmôl hrai ta, ite inhre loi an ni; an ihmuhai an chia, an mit an insîng ngaia, an inhriat thei loina hrangin lungrîl pe ngai mahai.

ISAIA 5:20

Thil sual le thil sa thoa, thil sa le saloi thoa, a vâr chu a zîng anga bêin, a zîng chu a vâr anga irngaiin, thil thum chu a khâ a tia, thil khâhai a thum tituhai chu,

ISAIA 6:10

Hi mihai lungrîl hi inchotir pehaiin lân, an beng sêt sianlân, an mit inthim pehai sian. Anino’nchu, an mitin hmu an ta, an mikuarin inhrena an ti, an lungrîla inhre mai an ta, irletin indam nina an ti, a tia.

JEREMIA 5:21

Nangni mi’ntohai le inhriatthiamna nei loihai, hi hi irngai roi, mit neia hmu thei loi, mikuar nei chaka inhre thei loihai.

MARKA 4:12

‘En enin hmu infel no nihaia, Irngai irngaiin ar fêna lam chang inhre no nihai, khano’nchu, hong irhei an ta, ngaidam nina an ti; ti ang kha a ni theina hrangin,’” a tia.

MARKA 7:22

uirena, irzukna, sual tinrêng tho nuamna, irhuangna, hurna, hnarsana, nuisona, lârirpâkna le invêtna hai hi an tungtir ngai.

MARKA 8:18

Mit nei chakin ithoa mo mit boi anga nin iom? Mikuar nei chakin ithoa mo mikuar boi anga nin iom? Nin inhriat ta loi ma ni?

LUKA 11:35

Irdîn roh, nangmaa vâr om kha inthim ni lik ni.

TÎRTÔNHAI SINTHO 13:11

Irngai roh, atûn Rengpa kut hi ni ituang hrang a ni; ni mit cho a ta, sun khovâr hmu ta no chi ni,” a tia. Khanchu, sûm le inthimin ama kha a zui zôi zel tâka, a hruai hrang mi zongin a’rvâk a’rvâk thiai tâka.

TÎRTÔNHAI SINTHO 2:46

A nitin milung hmunkhatin tempila an inkhôm ngaia, an in tiang khom raifân tak le milung chuk takin khalâi an ot suam ngai.

TÎRTÔNHAI SINTHO 26:18

Keima ni iam sika an sualhai ngaidam an nina hrangin mi irthianghai laia irchon dongtum an nei sa theina hrangin. An mit invâr hrangin, inthim ata vâr hong inkîrtir hrangin Setana thuhnuai ata Pathian tiang hong inkîrtirtu hrang ni ni,” a ni tia.

2 KORINTH 1:12

Hi rammuala kin hringnuna le a bîkin nangni leh kin irzomna khan lungkhamna sinthotheina sikin Pathian ipêk irthiangna le dikna an ni vong ti kin sia le sa inhriatna’n a ni hril sikin kin irsong a ni.

2 KORINTH 11:3

Nin lung sûng kha hong siatin Kristaa nin irpêkna rikip le irthiang kha marak nin ti, ti ki ichi a ni, khaang khan Evi kha mirûl butdi milak khan inthêmin a iom a ni.

2 KORINTH 4:4

Hi rammuala pathian saloi khan an milung inchong inthima a sia pehai sikin an iiam loi a ni. Krista, Pathian angna neitu roiinpuizia Thurchi sa vâr an chunga zuang inlang kha an hmu loina hrangin an mit a incho pehai a ni.

EFESI 1:17

Ei Rengpa Jisua Krista Pathianin roiinpuina Pa khan inhriatna lama vârna le inhriat infelna nin nei theina hrangin, Irtha kha nangni a pêkna hranga ngên maiin.

EFESI 6:5

Suakhaio, Krista thu nin izôm angin lungrîla a sate’n chi pum le inthing pumin taksaa nin puhai thu zôm roi.

KOLOSA 3:22

Suakhaio, lam tinrênga nin puhai thu zôm unglân, mihriam inlômtir tumtuhai anga an hmu laia vai sin loiin, milung taka Rengpa chi pumin an hmu loia khom sin roi.