LUKA 11:2 - PATHIAN LEKHABU IRTHIANG C.L. Bible (BSI)

² An kuang, “Nin chongchaiin hiang hin ti roi: ‘Kin pa, Ni’rhming mahrip om ri se, Ni Ram zuang tung ri se.

LUKA 11:2 ပူးပေါင်းရင်းမြစ်များ

THUHRILTU 5:2

Ni hril mânin ngaitua bak ro, irhnotpasotin Pathian kuang chonginkung no ro; ama chu irvâna om a nia. Nangma chu irnênga om ni ni sikin, khasikin ni hril hrang ban chu hril viat no roh.

2 THURCHI SUINA 20:6

Inring takin a chongchaia, “O Rengpa, kin irchibulhaiin Pathian sinthothei tak ni ni, tûte chelthung thei ni mak che.

THUPHUANG 15:4

Rengpa, tu mo nang chi loia, a chôiindôm loi hrang? Nangma vai ni’rthianga, Ni sintho felhai kha mi tinin an hmu tâk sikin. Nam tinrêngin chubai nang hong mûk an ti,” tiin.

INPÂKNA HLAHAI 11:4

Rengpa kha a biak in irthianga a oma, Rengpa kha, a rêngtoihmun kha irvâna a om; Mihriam nâihai hi a mitin a ena, an sinthohai a hmu:

THUPHUANG 20:4

Khan, rêngtoihmunhai ki hmua, a chunga mi an toia, kha a toihai kuang khan roirêl thei hrangin irchamneina pêkin an om. Khabana, Jisua inhriatpuitu an nina sik le Pathian thu an inpuangna sika an lu an itan pehai irtha kha ki hmu sa. Anni khan sahrâng le a’rlim chubai mûk mahaia, sahrâng irsinsiana kha an michala mo an kuta mo se mahai. Khahai kha an hong hringa, kum sângkhat sûnga hrangin Krista leh roirêlin an om ta.

1 THESALONIKA 1:3

Iamna sika irnak nin isonghai, lungthungna sika nin sin intamzia haia, ei Rengpa Jisuaa sabeina nin sip indetziahai, ei Pa le Pathian makunga kin inhriat mai ngai a ni.

FILIPI 4:20

Ei Pathian le ei Pa kha kumtuangin roiinpui ri se! Amen.

FILIPI 1:2

Pathian ei Pa le Rengpa Jisua Krista kuang ata lungkhamna le irngeina nin kuang om ri se.

EFESI 1:2

Pathian ei Pa le Rengpa Jisua Krista kuang ata lungkhamna le inrenna nin kuang om ri se.

2 KORINTH 1:2

Pathian ei Pa le ei Rengpa Jisua Krista’n lungkhamna le irngeina nangni pe ri se.

1 KORINTH 1:3

Pathian ei Pa le Rengpa Jisua Krista kuang ata lungkhamna le irngeina nin kuang om ri se.

ISAIA 63:16

Nang chu kin pa ni nia, Abrahama’n nin hre pha mah. Nang chu, Rengpa, kin pa ni nih. Itiklai khoma ni sûnghualtu ni nih.

INPÂKNA HLAHAI 57:11

O Pathian, nang chu irvân khêl raka khin chôiindômin lei omin lân, Ni roiinpuina chu irnêng murdi chunga hin lei om ri se.

THUPHUANG 19:6

Khanchu, mipui tamtak hnukirhai angin le tuitâk irhai angin le khonripui irhai angin, “Haleluia, Rengpa ei Pathian Itinrêngthothei khan roi a rêl ta!

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.

1 THESALONIKA 1:1

Paula, Silvana le Timothea khan, Pa Pathian le Rengpa Jisua Kristaa Thesalonika koiindanghai laia: Lungkhamna le irngeina nin chunga om ri se.

2 THESALONIKA toc2 2 THESALONIKA 2:16

Khanchu, ei Rengpa Jisua Krista, Pathian ei Pa, lung ni thungpu, a lungkhamna sika kumkhua’n irtharngamna le sabeina sa ni pêktu khan,

KOLOSA 1:2

Kolosa khuaa mi irthiang om Kristaa urêng iamomhai kuanga khan, Pathian ei Pa kuang ata lungkhamna le irngeina nin kuang om ri se.

ROM KHUAA MIHAI KUANGA TÎRTÔN PAULA LEKHATHON 8:15

Nin Irtha dong kha suak anga ichia nangni inomtir nôk hrang ni loiin nâia nangni siam hranga Irtha a ni ual; khasika khan, “Abba! ka Pa” tiin ei ikhêk suak ngai a ni.

MATHAIA 10:32

“Tukhom mihai makunga ni thop ka chu kei khomin ka Pa irvâna om makunga thop ki ti.

MATHAIA 5:16

Khaang dênin nin vâr kha mi mit hmu’n vâr ri se; khanchu, nin thil tho sahai kha hmu an ta, nin Pa irvâna mi chôiindôm thei an ti.

MATHAIA 3:2

“Irlet roi, Irvân Ram anai tâk e!” a tia.

HABAKUKA 2:14

Tuikhanglian kha tuihaiin a isip angin, Rengpa roiinpuina inhriatna khan irnêng hi a isip hrang a ni.

HOSEA 14:2

Rengpa kuanga khan kîr nôk unglân, a kuanga khan hiang hin insîr ro: a tho’nsualna murdi kha la paiin lan a sa ka kai kha pom ro; khanchu ei hmûr rahai kha sehrât chalpa irthûlin ki hong inhlan e.

DANIELA 7:27

Khan ram le roirêlna, irvân pumpui hnuaia ram roiinpuina chu inchungtak mi irthianghai kuanga pêk ni a ti: a ram chu ramhlu a ni sikin, a iop ram murdi’n a sintho an ta, ama iam an ti.

DANIELA 7:18

Khannisian inchungtaka mi irthianghaiin ram chu chang an ta, kumtuangin kumkhontuanga ta hrangin.

DANIELA 2:44

Kha nia rênghai khan irvâna Pathianin ram zuan ding a ta, kha ram kha chu siat ta ngai no ni; an lalna khom mi danghai hrangin mâksan ni ta no ni; hi ram murdihai hi insiatin inhek zoi a ti, a ram chu kumtuangin inding mai ta a ti.

DANIELA 2:28

khannisian thil irthup inpuangtu Pathian chu irvâna a oma, rêng Nebukadnezara hi thil la hong om hrang a inhriattir nuam a ni hi te. Ni’rmang le ni zâlhmuna inlârna omzia chu hiang hin a ni.

EZEKIELA 36:23

Khan ki’rhming roiinpui tak irthiangzia nam tinhai laia nin lei porinchetir tâk kha ki târinlang tena chu Rengpa ki nih ti inhre ta an ti, kei Rengpa Pathianin ki iti a ni. Nangma chu nam tinhai laia ki’rthiangzia inlangtirtu ni hrangin nang hmang ki ti.

INPÂKNA HLAHAI 108:5

O Pathian, nang chu irvân phâk rakin chôiindômin omin lân: Ni roiinpuina chu irnêng murdi chunga hin chôiindômin om sa roh.

INPÂKNA HLAHAI 103:20

A vân tîrtônhaio, A thu irngaituaa a thu zôm ngai, hrâtnaa roiinpuinahaio, Rengpa chu inpâk roi:

2 RÊNGHAI 19:19

O Rengpa, hi a kut ata hi ni sansuakin lân; khanchu, rammual hmun tina mihaiin nang vai hi Pathian Rengpa ni nih ti nan hrethei an ti,” a tia.

1 RÊNGHAI 8:43

An izong chu sâmhaiin lân, khanchu, rammuala mi murdi’n ni mi Israelhai ang dênin nang an inhriat theina hrangin. Hi tempil ki isin hi nangma chubai mûkna a nih ti an inhriat theina hrangin.

LEVI DÂN 22:23

Nuam thilinhlana khan sehrât mani, belra mani, irningloiin khom, inhlan thei a ni; chonginkung suana hranga thilinhlana rêk chu pom ni no ni.

LEVI DÂN 10:3

Mosia’n Arona kuang, “Rengpa’n hi chungchânga hin hiang hin a ti; ‘Ki sinthotuhaiin chu ki irthiangna hi an iuksak hrang a ni. Ki mihai makunga ki roiinpuizia inlangtir ki ti,’ a ti lele kha te,” a tia. Arona chu a dâihreka.

GALATIA 1:4

Pathian, ei Pa nuamlam zômin atûn zoro saloi ata ni sansuak hrang le ei sualhai ni’rsunfâi pe hrangin Krista kha a’rpêk tâka.

ROM KHUAA MIHAI KUANGA TÎRTÔN PAULA LEKHATHON 1:7

Pathianin a lungthung le ama mi irthiang ni hranga a ikoi Rom khuaa mihai chubai nangni ki mûk a ni. Pathian ei Pa le Rengpa Jisua Krista kuang ata lungkhamna le irngeina nin kuang om ri se.

LUKA 11:1

Voikhat chu hmun inkhata a chongchaia. A hong mongin chu a irchutirhai laia inkhatin a kuang, “Rengpa, Johana’n a irchutirhai chongchai dân a irchutir angin keini khom nir chutir roh,” an tia.