LUKA 10:31 - PATHIAN LEKHABU IRTHIANG C.L. Bible (BSI)

³¹ Kha lama khan Ochai inkhat a zu fea, a hong hmu’n chu a lôi pata.

LUKA 10:31 ပူးပေါင်းရင်းမြစ်များ

2 SAMUELA 1:6

Ruatharte khan, “Gilbo tânga khan ki lei va om ropa, Saula kha ufei irhnêla ngîrin ki hmua, râlhai tâlihai le sakor chung chuang mihai lakin an hong nâi tâk sikin.

INPÂKNA HLAHAI 142:4

Ki kôl vêl ki ena, Tûte ni changpui hrang lak hmu ma ung, Ni saninzôk hrang om ta maka; Tûte rêng rêngin ki hringna hi ngaisak ta mahai.

INPÂKNA HLAHAI 69:20

Mi ni hrilsiatna hin ki milung an siattira; a sate’n ki bei a donga: Khanchu lung nin khamtu hrang ki zonga, Khannisianlân tûte om mahai; Irtharngam ni sak hrang ki zonga, Khannisianlân tûte hmu ma ung.

THUVÂRHAI 21:13

Inrianghai chapna nir ngai no’n chu, nang khom changpui innangin ni chapna irngaiin om no ni.

THUHRILTU 9:11

Khan, ki thîr nôka, misa hnuaia intânirsiatna chu chaninranghai hrang vai ni maka, irdoina khom chu a hrâthai ta hrang vai ni ual ma; bâi khom chu mi vârhai ta hrang vai ni maka, irchongna khom hi inhriatthiamna nei mihai ta hrang vai ni ma, inditna khom hi mi thiamhai ta hrang vai ni mah ti ki hmua, khannisian zoro’nchum chu an rênga kuanga a itung hi kêng a ini.

ISAIA 58:7

Phîngchâmhai chu nin bu semhai unglân, a chai inlênghai chu nin in sûnga hruai inlûthai roi; korongboia nin ihmuhai chu sil le bom pehai unglân, nin urênghai masanhai no roi.

JEREMIA 5:31

deipuhai khan thu milak bana chu hril suak mahaia; ochaihai chu deipuhai thupêkin roi an rêla, ki mipuihai khomin an lôm lamtak a ni. Nikhua a hek tika chu itin mo an itho hrang tâk?” a tia.

HOSEA 5:1

O nangni, ochaihaio, hi hi inhre unglân, nangni Israel sûngkuahaio, irngai unglân, o inlaltak sûngkuahaio, mikuar sung roi, roirêlna kha nin ta hrangin a nia; Mizpa châng le Tabor tânga lên inzar nin ni sikin.

HOSEA 6:9

Hrâtlâksong pâlin mi an irdîp ngai angin ochai pôlhai khan Sekem lampuia mi an that ngai a ni, thil sual an tho tâk a ni.

MALAKIA 1:10

Mâkana’n ki maichâma khan mei nin inchok loina hrangin, Nin laia mi, mikot khâr hrang om sianlân chu o! Nin chunga lômna rêng rêng nei ma ung, nin kut ata thil irhlan kha pom sa no ning; Sipaihai Rengpa khan a ti.

LUKA 10:30

Jisua’n kha thu kha a sâma, “Mi inkhat, Jerusalem ata Jeriko khuaa fe hrang kha, lam chimripa hrâtlâksonghaiin an lei zêma, a puan a diar an khekpai pea, an zêm bita, thi vâng vângin an rotsana.

LUKA 10:32

Khaang dênin Levia irchi mi inkhat khomin kha hmun kha a hong tunga, ama kha a hong hmu’n chu a lôi sa tâka.

RUTHI 2:3

Khanchu a fea, bu âttuhai lâksel chu a va zong irkhôm tâka. Elimelek urêng Boaza loi khera khan a va fe tâka.