LUKA 10:28 - PATHIAN LEKHABU IRTHIANG C.L. Bible (BSI)

²⁸ Jisua khan, “Ni sâm indik e, khaang khan tho’n lân, hring ni ti,” a tia.

LUKA 10:28 ပူးပေါင်းရင်းမြစ်များ

NEHEMIA 9:29

ni dâna ni hruai lûthai theina hrangin nir chutirhaia; khannisian lârirpâk takin sin an thoa, ni thupêkhai pom loiin ni roirêlna sêlin thilsual an thoa, an zôma hringpui nêkin an tukullianin irngai nuam mahai.

THUVÂRHAI 19:16

Rengpa dân zôm indik murdi’n a hringna a ivong insa a ni; a omlama irdîn loi rêkin chu thi a ti.

EZEKIELA 20:11

Mihaiin an zôma an hring theina hrangin, ki thupêkhai chu kin hrila, ki dân chu ki’rchutira.

EZEKIELA 20:13

Khannisian, Israel mihaiin ramchâra khan ki chunga tehel an zonga, mi’n an zôma an hring theina hranga ki thupêkhai chu zôm nuam mahaia, ki dânhai an irheisana, ki Sabat nîhai lak an insiat zêla, khasika khan anni inboipai hrangin ki ninginmurna chu an chunga insum ning mo, ki tia.

EZEKIELA 20:21

“Khannisian, an nâihai khomin ki chunga tehel an zonga, mi’n a zôma a hring theina hrangin ki thupêkhai chu zôm nuam mahaia, ki dânhai chu zôm ual mahai; ki Sabat nîhai chu an insiata, ramchâra khan ki ninginmurna an chunga insumin thatpaihai ril hrang ma ni, ki tia.

LEVI DÂN 18:5

Ki dânhai hi zôm unglân, tho hrang ki itihai hi tho roi; kha kha mihriam ta hrangin hringna hrang a ni;” Rengpa ki ni.

MATHAIA 19:17

Jisua’n, “Itho mo sin sa ni ni irdon? A sa chu inkhat vai kêng a iom. I khom nisian, hringnaa lût ni nuamin chu thupêkhai zôm roh,” tiin a sâma.

MARKA 12:34

Khan, vâr takin a sâm ti Jisua’n an hriatin a kuang, “Pathian Ram chu hla mak che,” a ti pea. Kha zoiin chu tûte’n chong rêng rêng irdon ngam ta mahai.

LUKA 7:43

Simona’n a sâma, “Ki iam lamin chu a ingaidam tam ualtu khan,” a tia. Jisua’n, “Ni indik,” a ti pea.

ROM KHUAA MIHAI KUANGA TÎRTÔN PAULA LEKHATHON 10:4

Krista chu dân famirkiptirtu a ni, a iam murdihai thiam inchangtira an om theina hrangin.

ROM KHUAA MIHAI KUANGA TÎRTÔN PAULA LEKHATHON 3:19

Dân thuhai chu Dân hnuaia omhai chunga hmang hrang a nih ti ei inhriat; tûte’n ite an insîr thei loina hrang le rammual hi Pathian roirêla a omna hrangin.

ROM KHUAA MIHAI KUANGA TÎRTÔN PAULA LEKHATHON 7:10

kei chu ki thi tâka. Hringna hranga thupêk chu ki hrangin thina a hong ni ta.

GALATIA 3:12

Dânin chu, “Thupêk zôm zittu chu hring a ta a ti maia, iamna insîr sa mah.

DÂN INHNINA 6:24

Rengpa khan hi chonginkunghai hi tho zit hrangin thu a ni pêka, ei satna hrangin Rengpa kin Pathian kha chi mai hrangin a ni tia; khanchu, ei rêngin a vuan sûn ten hin a ni la ihôi mai a ni.