LUKA 1:9 - PATHIAN LEKHABU IRTHIANG C.L. Bible (BSI)

⁹ Dân angin Tempila lûtin Rengpa maichâma mirimhoi a hâla.

LUKA 1:9 ပူးပေါင်းရင်းမြစ်များ

1 THURCHI SUINA 23:13

Amrama hi Arona le Mosiahai pa a ni. Arona hi ar chihai le, Rengpa biakna mirimhoi thilinhlanhai inhlana bêlbûr irthiang enkoltu le Rengpa irhminga mipuihai hranga satvurna hriltu hranga indang bîk a ni.

1 THURCHI SUINA 6:49

Arona le a’rchihai hi maichâma mirimhoi hâlin, hâlirvôm thilinhlan ngaitu an ni. Hmun irthianga Pathian biak hi, annihai tho hrang bîk a ni. Pathianin a mihai sualna a ngaidamna hrangin, thilhai khom annihai hin an inhlan ngai hrang a ni. Pathian siahlo Mosia ihril ang takin an itho ngai a ni.

2 THURCHI SUINA 26:16

Reng Uzia chu a roiinpui ok zoiin chu, a’rsong pehaia, a isiatpuina chu a ni. A Pathian Rengpa thu poi ti loiin mirimhoi hâlna dokânga mirimhoi hâl hrangin tempila a lûta.

2 THURCHI SUINA 29:11

Ki nâihaio, omchian ta no roi, Rengpa chu a makunga a ngîra, a sin tho hrangin nangni an thanga, khasikin a sin zong unglân, thilinhlanhai inhlan roi,” a tia.

NAMBAR 16:40

Kha kha Israelhai ta hranga irsinsiana a nia, Arona irchihai ti bana chu mi danghaiin maichâma Rengpa ta hranga mirimhoi hâl hrangin an ihong hrang ni mah. khano’nchu Kora le a mihai ang khan inboipai ni an ti. Rengpa’n Mosia hmanga thu a ipêk lam ang takin Eliazara’n a tho tâka.

MATHAIA 27:5

Khanchu, sum kha Tempila a pai inlûta, a fea, a va irkhâi that tâka.

HEBRAI toc2 HEBRAI 9:6

Kha thilhai kha hiang hin an lei irfûktir a ni. Ochaihai kha a nitin Biakbuk chontan masaa khan an sintum sin hrangin an fe ngaia.

1 SAMUELA 2:28

Khante Israel nam murdihai laia ki maichâma fea, mirimhoi hâla, ki makunga ochai songkol innghâk hrangin, ki ochai chang hranga ama kha ki inkung mo ni ma? Ni’rchibulhai kha Israel mihai hâlirvôm thil mo ki inhlanhai ni ma?