LUKA 1:51 - PATHIAN LEKHABU IRTHIANG C.L. Bible (BSI)

⁵¹ A bânin a hrâtzia an langtira, Mi lârirpâkhai chu an ngaituana an thekindarh tâka.

LUKA 1:51 ပူးပေါင်းရင်းမြစ်များ

IRPHUTNA 11:8

Khatak ata Rengpa’n annihai kha irnêng chunga a’rthek indartirhaia: khanchu an khua siam kha an mâksana;

IRPHUTNA 6:5

Khan Rengpa’n irnênga a mihriam siamhai sual dân chu a’rkhêl hrai a nih ti le, an lungrîl ngaituana murdi hi sual ringot a nih ti a’rhriat suaka.

IRPHUTNA 8:21

Khan Rengpa’n, kha rimhoi kha an hriata, Rengpa’n a lungrîlin, “Irnêng chung hi chu mihriam sikin khuasâl ta no ninga, mihriam lungrîl ngaituana hi an chînte ata an sual sikin, atûna ki isoisak ang hin chu thilhring murdihai khom hi soisakhai ta no ning.

INPÂKNA HLAHAI 118:15

Irngai roi, mi felhai puan ina râl inhnê zoia lômna hla irhâi chu;

INPÂKNA HLAHAI 33:10

Rengpa’n nam tinhai thiltum chu hmang hmunboi an chang pehaia; Mi tin ngaituanahai chu ite inlâpna boiin a siam pehai ngai.

INPÂKNA HLAHAI 52:9

Kha kha ni tho sikin, kumkhua’n lômthu insîr mai ki ti: Ni mi irthianghai mithmua khan nir hming chu nghâk mai ki ta, a sa sikin.

INPÂKNA HLAHAI 63:5

Ki hringna hi irtin le sathâiin khop a ta, ki bâi hin raifân hmûr irputin nang inpâk sa ki ti.

INPÂKNA HLAHAI 89:10

Nangma’n chu Rahab chu râl ithat angin nin khoi chita; Nangma doituhai chu ni bân irnak hrâtin nin thekindarh tâka.

INPÂKNA HLAHAI 89:13

Nang chu bân sinthotheitak ni nia: Ni kut kha a hrâta, ni kut chang tiang chu chôiindômin a oma.

INPÂKNA HLAHAI 98:1

O, Rengpa chôiindômin hla thar sak roi; Sinirkhêl takhai a tho tâk sikin; A kut chang tiang le a bân irthianga khan ama ta hrangin saninhringna a siam pe tâka.

FESUAKNA 18:11

atûn ata chu Rengpa chu pathian tinhai nêkin a roiinpui ual ti kin hriat ta, Israelhai hmusitin, khaang dôra dengintheiin, a saninzôk tâk sikin, a tia.

ISAIA 40:10

En ro, Rengpa Pathian chu mi hrât hongin a honga, a kut hrâtna hmangin roirêl a ta, a isansuakhai hruai a ta, a irtanhai infâhai a ti.

ISAIA 51:9

Rengpa, harin lân, harin lân, thoi ro, tianlai mihai kuanga ni hrâtzia ni inlangtir angin, hong inlangtir nôk ta roh. Nang hi ni mak che moh Rahab tuk india, tuipuia dragon sun that theitu kha?

ISAIA 52:10

Mi tin mithmua Rengpa’n a bân irthianga khan a râi an fân ta, rammual pumpui khom hin, Pathian saninhringna chu hmu thei an ti.

ISAIA 63:12

Mosia chang tianga om, thil roiinpui tak thoa, an makunga tuikhanglian irsentira, kumkhuaa a’rhming chôiindômtu kha khôn moh a om ta?

JEREMIA 49:15

Rengpa’n namhai laia a chîn tak, mihai laia hmusitom takin nang siam a ti.

DANIELA 4:37

Khanchu kei Nebukadnezara’n irvân Rêng chu kin pâka, ki ichôiirsângin ki inzâ a ni, a sintho a fel sikin; mualinphoia omhai khom a irhnuaitir thei a ni.

ROM KHUAA MIHAI KUANGA TÎRTÔN PAULA LEKHATHON 1:21

Pathian chu inhriat chakin, Pathian angin chu chôiindôm mahaia, lômthu khom hril mahai; thil chanlamboi an ngaitua tâka; an lungrîl invêt chu an thim zoi ta.

2 KORINTH 10:5

Pathian inhriatna dân hranga lârirpâkna lamchâina tinrênghai kha kin seta, ngaituana tinrêng suaka hruaiin Krista thu kin zôm ngai.

DÂN INHNINA 4:34

Aigupta ram ata nin Pathian Rengpa khan a mi hrangin nangni a ihruai suak angin tu Pathianin mo hmun khat ata a mi hrang nam hruai suak ngai an iom? Nangni chu, nin Pathian khan, a sinthotheizia le irdoinahai inomtira; thilirkhêl le irsinsiana irkhêl tak tak a thoa; thil ichiom tak takhai an tungtir a ni kha te.

1 PETERA toc2 1 PETERA 5:5

Khaang dênin nangni vânglaihai, ulian kuanga irpêklût roi. Sin nin irsanirhlôm theina hrangin thuhnuairôlna irbelin sin tho roi. Pathian Thubu’n, “Pathianin lârirpâkhai a doia, irngaiintômhai chu a lunginkham ngai,” ti a nia.

THUPHUANG 18:8

Khasika khan, sûn khat sûngin hremnahai, natnathai, beidongna hai, le châm hai hong tung zit a ti. Meiin hâlirhmang ni a ti, a roirêltu Rengpa Pathian kha a hrât sikin,” a tia.