LUKA 1:32 - PATHIAN LEKHABU IRTHIANG C.L. Bible (BSI)

³² Mi lian ni a ta, an chung taka Pathian nâi tih an ti. Rengpa Pathianin a irchibul Davida angin Rengin siam a ti.

LUKA 1:32 ပူးပေါင်းရင်းမြစ်များ

2 SAMUELA 7:16

Ni in sûngkua le ni ram kha kumtuangin indet ni a ta, ni rêngtoihmun kha kumtuangin indet ni a ti,” tiin Rengpa thu a zuang tunga.

INPÂKNA HLAHAI 132:11

Rengpa khan Davida kuang chonginkung det an kunga; Ama kha la nôk ta no nia; Nangma nâi ngei ni rêngtoihmuna khan intoitir ki ta,

INPÂKNA HLAHAI 132:12

Ni nâihai khan ki thuthung le ki thupêkhai, Anni ki la’rchûtir hrang kha an zômin chu, An nâihai khom kumkhua’n ni rêngtoihmuna khan toi mai an ti,” tiin.

ISAIA 16:5

Khanchu rêngtoihmun kha chu, inren irhlômna pungin om a ta, kha ina Davida puan ina khan, mi inkhat roirêlin, roirêlna fel zongin, thil fel inrangtaka thoin, toi a ti.

JEREMIA 17:25

Khanchu an rênghai le an hruaituhai kha Jerusalem dâi mikot hong lûtin, Davida’n rêng thuneina a inei ang khan nei an ti. Juda mihai le Jerusalema omhai leh khan hmunkhatin tâli chunga le sakor chunga chuangin Jerusalem khopui chu mi sip mai ta an ti.

JEREMIA 22:2

O nang, Juda rêng, Davida toihmun luatu, ni ihruaihai, hi inkhâra lût ngaihai le ni mihai leh Rengpa thu hi irngai roi.

DANIELA 2:44

Kha nia rênghai khan irvâna Pathianin ram zuan ding a ta, kha ram kha chu siat ta ngai no ni; an lalna khom mi danghai hrangin mâksan ni ta no ni; hi ram murdihai hi insiatin inhek zoi a ti, a ram chu kumtuangin inding mai ta a ti.

MATHAIA 1:1

Jisua Krista chu Davida irchi a nia, Abrahama ata an irkai lam chu hiang hin a ni.

MATHAIA 12:42

Roirêl Nia chu Seba rêngnu kha ngîr a ta, atûnlai mihai leh hin thoi a ta, thiamno inchangtir a ti; rêng Solomona vârna irngaitua hrang luan kôlkung ata a honga; irngai u ta, Solomona nêka roiinpui ual hin a iom kêng!

MATHAIA 28:18

Jisua’n a hong panhaia, anni kha a chongpuihaia, “Irnêng le irvâna irchamneina murdi ki kuang pêk a ni ta.

MATHAIA 3:11

Keima’n chu irlet entîrna hrangin tuiin nangni ki baptis ngaia; ki hnunga zuang hrangtu chu keima nêkin a roiinpui uala, a kekok chôi inruk khom ni ma ung.

MARKA 14:61

Jisua kha a dâihreka, i ang khomin sâm mah, Ochai inlaltak khan a kuang, “Inpâk inruk Pathian Nâipa Mesia chu ni ni mo?” tiin ar don nôka.

MARKA 5:7

Inring takin a khêka, “Jisua, Inchungtaka Pathian Nâipa, imo ni lo hrang ni iti? Deng nin thei loi hrangin Pathian irhmingin nang ki ngên,” a tia.

LUKA 1:15

Rengpa mithmuin mi lian ni a ta, uain le zu rêng rêng khom in no ni. A nu phîng sûng ata Irtha Irthiangin sip a ti;

LUKA 1:35

Vântîrtôn khan a sâma, “Irtha Irthiang kha ni chunga zuang om a ta, Anchungtaka sinthotheina khan nang irhli khu a ti; khasikin nâi zuang suak hrang chu mi irthiang, Pathian Nâipa tih an ti.

LUKA 1:76

“A ni, ki nâi, nang hi Anchungtak Pathian deipu nang la ti an ti. A lampuihai sinsiam hrangin Rengpa maton tiang lei fe ni ti.

LUKA 3:16

Johana’n, “keima’n chu tuiin nangni ki baptisa, keima nêka roiinpui ual zuang hrang a nia, keima chu a kekok hrui sût inruk khom ni ma ung; Ama’n chu Irtha Irthiang le meiin nangni baptis a ti.

LUKA 6:35

Ni ma! Ni râlhai lungthungin lân, an satna hrang sin ro. Ite sabei loiin inpûktir roh. Khanchu, lômman tamtak hmu nin ta, Anchungtaka Pathian nâihai nin ini hrang a ni; Ama’n chu lômna châng inhre loihai le mi sualhai khom lung an kham zit ngai.

JOHANA 12:34

Mipuiin chu an sâma, “Krista chu kumkhua’n om mai a ti, ti Dân lekhabu ata kin inhriat, nangin ‘Mihriam Nâipa inkhâiin om a ti,’ itina ni iti ma ni? Mihriam Nâipa kha tu mo a ini?” an tia.

JOHANA 6:69

Pathian mi irthiang kha ni nih ti kin iama, inhriat khom kin inhriat,” a tia.

TÎRTÔNHAI SINTHO 16:17

Khanu khan Paula le keini a ni zuia, “Hi mi, saninhringna lampui nangni hrilhai hi, Anchungtak Pathian suakhai an ni hi,” tiin a khêk ngaia.

TÎRTÔNHAI SINTHO 2:30

Ama kha deipu a nia, ar chihai laia tu mo khat a rêngtoihmun lua hrangin Pathianin a kuang chong an kung ngit ti an hriata.

TÎRTÔNHAI SINTHO 2:36

“Khanchu, Jisua nin ihêmbe kha, Pathianin Rengpaa le Kristaa a siam ngei ti Israel mi tinin inhre ngêt ri sehai” a tia.

TÎRTÔNHAI SINTHO 7:48

Aniachu, Anchungtaka kuta sin inhaia om ngai mah, deipu’n:

ROM KHUAA MIHAI KUANGA TÎRTÔN PAULA LEKHATHON 1:4

a irthiangna irtha tianga chu sinthotheina’n Pathian Nâipa a nizia an langtira;

THUPHUANG 3:7

“Filadelfia koiindang vântîrtôn kuang hiang hin irziak roh: Hi thu hi mi irthiang tak le a dik tak, Davida châbi neitu, tûte ikhâr theiloi hrang inhong, tûte inhong theiloi hrang khârtu khan a insîr a ni.