LUKA 1:13 - PATHIAN LEKHABU IRTHIANG C.L. Bible (BSI)

¹³ Khannisianlân, vântîrtônin chu, “Zakaria, chi no roh, ni chongchaina kha inhriat a ni, ni dôngma Elizabeti’n nâipasal nang nei pe a ti, ar hming Johana phua ni ti.

LUKA 1:13 ပူးပေါင်းရင်းမြစ်များ

IRPHUTNA 17:10

Hi hi nang le keima le ni’rchihai kâra thuthung chu a ni, nin laia pasal murdi chu ser nin itan hrang a ni.

IRPHUTNA 17:19

Khan Pathianin, “Ni thei no ni, ni dôngma Sari’n nâipasal nang neipui a ti; a’rhming khom Isaka phua ni ti: iti’n ki thuthung chu hi zoia irchihai hrang khomin kumkhua thuthung ni hrangin ki indet a ni.

IRPHUTNA 18:14

Rengpa hrangin thiltho hi a intak hrang mo a isôn? zoro’nkunga, a zoro a hong tung tika chu, ni kuang zuang nôk ki ta, Sari’n nâipasal nei a ti,” a tia.

IRPHUTNA 25:21

Khan, a dôngma kha nâi nei loiin a chinga, khasikin Isaka’n Rengpa kuanga nâi a zong pea. Khan, Rengpa’n a zongna chu sat a vura, a dôngma Rebeki chu an râi tâka.

INPÂKNA HLAHAI 113:9

Ama khan nupang ching chu a chôiirsânga; Nâi le te neinu, raifân takin a siam ngai. Rengpa chu inpâk roi!

INPÂKNA HLAHAI 118:21

Nangma’n ni ni sâm tâk sikin ni kuang lômthu hril ki ti, Nang chu ki saninhringna ni ni tâka.

ISAIA 8:3

Khan, deipunu kuang ki fea, khanchu, nâi a vonga, nâipasal a neia, Rengpa’n a’rhming hrangin, “Maher-salal-khas-Baza” ti roh.

DANIELA 10:12

Ki kuang khan, “Chi no ro Daniela, ni Pathian kuang ni’rngaiintôm hrang le inhrethei hranga nir pêk ni ata ni thuhai chu irngaitua a nia, ni thu sika zuang ki ni.

HOSEA 1:4

Khan, Rengpa khan a kuang, “A’rhmingin ‘Jezreela’ phua ro; ir-ial loiin Jezreel thisen phuba kha Jehua sûngkuahai chunga la ki ta, Israel sûngkuahai ram kha inkingtir ki ti.

HOSEA 1:6

Khan, nâi a vong nôka, nâinupang a neia. Khan, Rengpa khan a kuang, A’rhminga Lo-ruhamai phua ro: Israel sûngkuahai kha inrenhai ngai ta no ning, ki ingaidamhai ta loi hrang a ni.

MATHAIA 1:21

Nâipasal nei a ta, ar hming Jisua phua ni ti, Ama khan a mihai kha an sualhai ata a isaninhring hrang a ni,” a tia.

MATHAIA 14:27

Jisua’n a lei chongpuihai zôi zela, “Lungirngam takin om roi, keima kêng ki ini, chi no roi,” a ti pehaia.

MATHAIA 28:5

Vântîrtôn khan nupanghai kuang, “Nangni chu chi no roi, Jisua an ihêmbetu kha nin izong a nih ti kin hriat.

MARKA 16:6

Khanchu, ama khan an kuang, “Lunginzîng no roi, Nazaret Jisua, an ihembe kha, nin izong ni a ta, hin om ta mah, a thoi nôk ta; en u ta, an inzâlna hi.

LUKA 1:14

A suakin chu nangma le mi tamtak lungrîl lômin raifân a ti.

LUKA 1:30

Vântîrtôn khan, “Mari, chi no roh, Pathian ngaisakna ni dong kêng.

LUKA 2:21

Khan, a sertan hrang nikhua sûn riat a hong chukin chu, sula a om mân daia angin a lei iphua tâk irhming Jisua ti kha an phua tâka.

TÎRTÔNHAI SINTHO 10:31

“Korneli! ni chongchaina le ni thilpêkhai Pathianin an hriat mai kêng.

ROIRÊLTUHAI 6:23

Rengpa’n, “Charindong no ro, irtharngam takin om ro, thi no chi ni,” a tia.

1 SAMUELA 2:21

Rengpa khan Hani kha bor a pêka, nâipasal inthum le nupang inhni a pêk nôka. Nâipang Samuela kha Rengpa kuang khan a hong seilian ta.