LEVI DÂN 9:4 - PATHIAN LEKHABU IRTHIANG C.L. Bible (BSI)

⁴ Sehrâtchal le belrachal, irpôlkhômhai hrangin hong chôi sianlân, bu le bâl thilinhlan sahriak leh irpol Rengpa kuang hong inhlan sa ri se. A vuan hin kei, Rengpa hi, nin makunga ki hong inlang hrang a ni,” a tia.

LEVI DÂN 9:4 ပူးပေါင်းရင်းမြစ်များ

FESUAKNA 16:10

Arona’n Israel mipuihai laia thu an sîr lai takin ramchâr tiang an irnghata; Rengpa vâr irkhêl kha sûm laia a zuang inlanga.

FESUAKNA 19:11

sûn thumna nî tena chu irzoi ri sehai; kha nî khan chu mipuihai mit hmua Sinai tânga khan Rengpa a zuang ichum hrang a ni sikin.

FESUAKNA 24:16

Rengpa ompuina vâr irkhêl chu tâng chunga khan a zuang chuma. Israelhai hrangin chu vâr kha tâng chunga meichok ang a ni. Sûm khan sûn ruk sûng chu a tuam maia, sûn sari nî sûn chu sûm laia irthokin Rengpa’n Mosia kha a koia.

FESUAKNA 29:43

Kha hmuna khan Israel mipuihai irtongpuihai ki ta, ki ompuina vâr irkhêl khan a hmun kha irthiangin siam ki ti;

EZEKIELA 43:2

khan, irngai ro, nisua tianga irthokin Israel Pathian roiinpuina chu a hong tung ta, khan arhâi khom tui tamtak ang a ni. Khanchu a roiinpuina khan hnuai kha an vârtira.

EZEKIELA 43:27

Khan sûnhai a hong hek tena chu, sûn riat nia irthokin ochaihai khan hâlirvôm thilinhlanhai chu maichâma khan tho an ta, irngeina thilinhlanhai leh khan; khanchu lei lôm ta ki ta, Rengpa Pathianin a ti,” tiin.

LEVI DÂN 2:1

Rengpa kuang bu le bâl thilinhlan pêktu’n chu baidi a sa zât, hong la sianlân, oliv hriak le bero pol ri se.

LEVI DÂN 3:1

Irpôlkhôm thilinhlan hrang mi’n an sa vâi laia a hong inhlanin chu a chal mani, a pui mani hmêlveiloi, Rengpa makunga a hong inhlan hrang a ni.

LEVI DÂN 9:23

Mosia le Arona kha irtongna puan ina khan an lûta, an hong suakin chu mipui hrangin satvurna kha an hrila. Rengpa roiinpuina vâr kha mi murdi chunga a hong irlang ta.

LEVI DÂN 9:3

Israel mihai khan sual irbôlna thilinhlana kêlchal hong chôihai sianlân; sehrâtte le belrate, kum khat vêl ang, hmêlveiloi hâlirvôm hrangin hong chôi sa ri sehai.

LEVI DÂN 9:5

Mosia thupêk angin irtongna puan in mikota, khahai kha hong chôiin lân, nam pumpui chu Rengpa chubai mûk hrangin an pungkhôma.

LEVI DÂN 9:6

Mosia khan an kuang, “Hi hi tho hrangin Rengpa khan thu nangni a ipêk a ni. Rengpa roiinpuina vâr kha a zuang inlang hrang a ni,” a tia.

NAMBAR 14:10

Khannisian mipuihaiin lunga dêng an tumhaia, khannisian irningloiin Rengpa roiinpuina chu irtongna Biakbuka khan Israel irchihai makunga a zuang inlanga.

NAMBAR 16:19

Khanchu Kora khan mipuihai kha bûmin irtongna Biakbuk kotbâia Mosia le Arona chu an sêltirhai tâka. Khanchu mipuihai chunga khan Rengpa roiinpuina chu a zuan lang tâka.